KA BUKE ʻAHĀ A MOSE, I KAPA ʻIA NĀ HELU 30:8 - Ka Baibala Hemolele

⁸ “Akā, inā hōʻole aku kāna kāne iā ia i ka lā āna i lohe ai, a laila e hoʻolilo auaneʻi ʻo ia i kāna hoʻohiki ʻana, āna i hoʻohiki ai, a me ka mea āna i ʻōlelo wale ai ma kona lehelehe, i ka mea āna i hoʻopaʻa ai iā ia iho, i mea ʻole; a e kala mai nō ʻo Iēhova iā ia.

KA BUKE ʻAHĀ A MOSE, I KAPA ʻIA NĀ HELU 30:8 Iomraidhean Croise

KA BUKE MUA A MOSE, I KAPA ʻIA KINOHI 3:16

ʻĪ maila hoʻi ʻo ia i ka wahine, “E hoʻonui loa aku au I ka ʻeha o kou hāpai ʻana; Me ka ʻeha hoʻi ʻoe e hānau mai ai i nā keiki; A ʻo kou makemake aku aia nō ia i kāu kāne, a ʻo ia hoʻi kou haku.”

KA WĀNANA A IEREMIA 44:19

“I ka wā i kuni ai mākou i ka mea ʻala no ke aliʻi wahine o ka lani, a ninini i mōhai inu nona, ʻaʻole anei a mākou kāne, iā mākou i hana ai i papa berena nāna, i mea hoʻomana, a iā mākou i ninini ai i mōhai inu nona?”

KA BUKE ʻAKOLU A MOSE, I KAPA ʻIA ʻOIHANA KAHUNA 5:4

‘A inā e hoʻohiki kekahi e ʻōlelo walewale ana me kona lehelehe e hana hewa paha, a e hana pono paha, ʻo ka mea a ke kanaka i ʻōlelo ai me ka hoʻohiki i ke Akua, a nalo ia iā ia; a loaʻa iā ia, a ua hewa ia i kekahi o ia mau mea.

KA BUKE ʻAHĀ A MOSE, I KAPA ʻIA NĀ HELU 30:5

“Akā, inā hōʻole aku kona makua kāne iā ia, i ka lā āna i lohe ai; ʻaʻole nō e kūpaʻa kekahi hoʻohiki āna, a me kekahi mea paʻa āna i hoʻopaʻa ai iā ia iho; a e kala aʻe nō ʻo Iēhova iā ia; no ka mea, ua hōʻole mai kona makua kāne iā ia.

KA BUKE ʻAHĀ A MOSE, I KAPA ʻIA NĀ HELU 30:7

a lohe aʻela kāna kāne, a noho mālie iā ia i ka lā āna i lohe ai, a laila e kūpaʻa kāna mau hoʻohiki, a me kāna mau mea paʻa āna i hoʻopaʻa ai iā ia iho.

KA BUKE ʻAHĀ A MOSE, I KAPA ʻIA NĀ HELU 30:9

¶ “Akā, ʻo nā hoʻohiki a pau a ka wahine kāne make, a me kā ka wahine kāne hemo paha, ma nā mea a lāua i hoʻopaʻa ai iā lāua iho, e kūpaʻa nō ia mau mea iā ia.

ʻO KA ʻEPISETOLE MUA A PAULO KA LUNAʻŌLELO I KO KORINETO 14:34

¶ E noho mālie nō kā ʻoukou wāhine ma ka ʻaha ʻekalesia; no ka mea, ʻaʻole i ʻae ʻia mai iā lākou e ʻōlelo; e hoʻolohe wale nō lākou, e like me kā ke Kānāwai i ʻōlelo mai ai.

ʻO KA ʻEPISETOLE MUA A PAULO KA LUNAʻŌLELO I KO KORINETO 7:4

No ka mea, ʻaʻole na ka wahine kona kino iho, na ke kāne nō; ʻaʻole hoʻi na ke kāne kona kino iho, na ka wahine nō.

KA BUKE MUA A SAMUʻELA 1:23

ʻĪ maila ʻo ʻElekana kāna kāne iā ia, “E hana ʻoe i ka pono i kou manaʻo; e noho, a hiki mai ka manawa e ukuhi aku ai ʻoe iā ia; e hoʻokō mai ʻo Iēhova i kāna ʻōlelo.” Noho ihola ka wahine e hānai i ke keiki, a hiki i ka wā e ukuhi aku ai iā ia.