KA BUKE ʻAHĀ A MOSE, I KAPA ʻIA NĀ HELU 3:8 - Ka Baibala Hemolele

⁸ “Na lākou e mālama i nā mea hana a pau o ka halelewa o ke anaina, a me ka hana a nā mamo a ʻIseraʻela, e hana ai i ka ʻoihana o ka halelewa.

KA BUKE ʻAHĀ A MOSE, I KAPA ʻIA NĀ HELU 3:8 Iomraidhean Croise

KA BUKE MUA O KA ʻOIHANA ALIʻI 23:27

No ka mea, ma nā ʻōlelo hope a Dāvida, ua helu ʻia nā Levi mai ka iwakālua o ka makahiki, a ma laila aku.

KA BUKE ʻALUA O KA ʻOIHANA ALIʻI 29:11

“ʻĀnō, e kaʻu poʻe keiki, mai lalau ʻoukou; no ka mea, ua wae mai ʻo Iēhova iā ʻoukou e kū i mua ona e hoʻokauā nāna, a e lawelawe i kāna mau ʻoihana, a e kuni i ka mea ʻala.”

KA WĀNANA A ʻISAIA 52:11

¶ E hele ʻoukou ma waho, e hele ʻoukou ma waho, e puka aku ma waho o laila, Mai pā aku i ka mea haumia; E puka aku mai loko aku ona; E hoʻohuikala ʻoukou iā ʻoukou, e ka poʻe halihali i nā ipu o Iēhova.

KA BUKE ʻAHĀ A MOSE, I KAPA ʻIA NĀ HELU 10:17

¶ Ua wāwahi ʻia aʻe ka halelewa; a hele akula nā mamo a Geresona, a me nā mamo a Merari, e hali ana i ka halelewa.

KA BUKE ʻAHĀ A MOSE, I KAPA ʻIA NĀ HELU 10:21

¶ A hele akula kā Kohata, e hali ana i nā mea hoʻāno; a na kēlā poʻe i kūkulu aʻe i ka halelewa no ka wā i hiki aku ai lākou nei.

KA BUKE ʻAHĀ A MOSE, I KAPA ʻIA NĀ HELU 3:7

“Na lākou e mālama i kāna ʻoihana, a me kā ke anaina kanaka a pau ma ke alo o ka halelewa o ke anaina, e lawelawe i nā mea o ka halelewa.

KA BUKE ʻAHĀ A MOSE, I KAPA ʻIA NĀ HELU 3:9

“E hāʻawi aʻe ʻoe i nā Levi no ʻAʻarona a no kāna mau keiki: ua hāʻawi ʻia lākou a lilo loa nona, no loko o kā ʻIseraʻela.

KA BUKE ʻAHĀ A MOSE, I KAPA ʻIA NĀ HELU 31:30

“A no loko mai o ka hapalua no nā mamo a ʻIseraʻela, kāu e lawe aku ai i hoʻokahi hapa kanalima o nā kānaka, ʻo nā bipi, ʻo nā hoki, ʻo nā hipa, a ʻo nā holoholona a pau, a e hāʻawi aku ia mau mea na nā Levi, na ka poʻe e mālama ana i ka ukana o ka halelewa no Iēhova.”

KA BUKE ʻAHĀ A MOSE, I KAPA ʻIA NĀ HELU 4:15

“A pau aʻela ka uhi ʻana o ʻAʻarona a me kāna mau keiki kāne i ke keʻena kapu, i nā ipu a pau o ke keʻena kapu, no ka neʻeneʻe ʻana aku o ka poʻe hoʻomoana; a ma hope iho, e hele mai nā mamo a Kohata e halihali; akā, ʻaʻole lākou e hoʻopā aku i kekahi mea i laʻa, o make lākou. ʻO kēia mau mea ka ukana a ka poʻe mamo a Kohata ma ka halelewa o ke anaina.

KA BUKE ʻAHĀ A MOSE, I KAPA ʻIA NĀ HELU 4:28

“ʻO ia ka hana a nā ʻohana mamo a Geresona ma ka halelewa o ke anaina; a ʻo kā lākou hana, ma lalo ia o ka lima o ʻItamara ke keiki a ʻAʻarona ke kahuna.

KA BUKE ʻAHĀ A MOSE, I KAPA ʻIA NĀ HELU 4:33

“ʻO ia ka hana a nā ʻohana mamo a Merari, no kā lākou hana a pau ma ka halelewa o ke anaina, ma lalo o ka lima o ʻItamara ke keiki a ʻAʻarona ke kahuna.”