KA BUKE ʻAHĀ A MOSE, I KAPA ʻIA NĀ HELU 27:17 - Ka Baibala Hemolele

¹⁷ “Nāna e hele aku i mua o lākou, nāna hoʻi e hele hou mai i mua o lākou; nāna lākou e kaʻi aku, nāna hoʻi lākou e kaʻi mai; i like ʻole ai ke anaina kanaka o Iēhova me nā hipa kahu ʻole.”

KA BUKE ʻAHĀ A MOSE, I KAPA ʻIA NĀ HELU 27:17 Iomraidhean Croise

KA BUKE ʻALUA A SAMUʻELA 5:2

“I ka wā ma mua nō hoʻi, iā Saula i aliʻi ai ma luna o kākou, ʻo ʻoe nō ka mea nāna i alakaʻi aku a i alakaʻi mai i kā ʻIseraʻela; ʻī maila hoʻi ʻo Iēhova iā ʻoe, ‘E hānai ʻoe i koʻu poʻe kānaka i kā ʻIseraʻela, a e lilo ʻoe i luna no kā ʻIseraʻela.’”

KA BUKE MUA NO NĀ ALIʻI 22:17

ʻĪ maila hoʻi ʻo ia, “Ua ʻike au i kā ʻIseraʻela E hele liʻiliʻi ana ma luna o nā puʻu, E like me nā hipa kahu ʻole; A ʻōlelo maila Iēhova, ‘ʻAʻole o lākou haku, A hoʻi lākou, kēlā kanaka kēia kanaka i kona hale iho me ka maluhia.’”

KA BUKE MUA NO NĀ ALIʻI 3:7

“ʻĀnō hoʻi e Iēhova koʻu Akua, ua hoʻolilo mai ʻoe i kāu kauā nei i aliʻi ma kahi o Dāvida koʻu makua kāne; he keiki ʻuʻuku wale nō au; ʻaʻole ʻike au i ka hele aku, ʻaʻole hoʻi i ka hoʻi mai.

KA BUKE ʻALUA NO NĀ ALIʻI 11:8

“A e noho ʻoukou a puni i ke aliʻi, ʻo kēlā kanaka kēia kanaka me ka mea kaua ma kona lima; a ʻo ka mea e komo i waena o nā papa koa, e pepehi ʻia ʻo ia: a ʻo ʻoukou pū me ke aliʻi i kona hele ʻana i waho, a me kona komo ʻana i loko.”

KA BUKE ʻALUA O KA ʻOIHANA ALIʻI 1:10

“ʻĀnō, e hāʻawi mai iaʻu i ka naʻauao, a me ke akamai i puka aku au i waho i mua o kēia lāhui kanaka, a komo mai nō hoʻi; no ka mea, iā wai lā e hiki ai ke mālama i kēia poʻe kānaka nui ou?”

KA BUKE ʻALUA O KA ʻOIHANA ALIʻI 18:16

ʻĪ maila kēlā, “Ua ʻike au i kā ʻIseraʻela a pau E ʻauana ana ma nā mauna E like me nā hipa kahu ʻole; ʻŌlelo mai ʻo Iēhova, ‘ʻAʻole o lākou haku, E hoʻi kēlā kanaka kēia kanaka i kona hale iho me ka maluhia.’”

KA WĀNANA A ʻEZEKIʻELA 34:5

“A ua hele liʻiliʻi lākou no ke kahu hipa ʻole; a ua lilo lākou i ʻai na nā holoholona a pau o ke kula, i ko lākou hoʻopuehu ʻia aku.

ZEKARIA 10:2

No ka mea, ua ʻōlelo lapuwale nā kiʻi, A ua wānana nā kāula i ka mea wahaheʻe, A ua hōʻike mai i nā moeʻuhane hoʻopunipuni; He mea ʻole ko lākou hōʻoluʻolu ʻana; No laila ʻauana akula lākou e like me nā ʻohana hipa; Ua pōpilikia lākou; no ka mea, ʻaʻohe kahu hipa.

ZEKARIA 13:7

¶ “E ka pahi kaua, e ala kūʻē ʻoe i kuʻu Kahu Hipa, I ke kanaka Hoa oʻu,” wahi a Iēhova o nā kaua. “E hahau i ke Kahu Hipa, a e hoʻoʻauheʻe ʻia nā hipa; E hoʻohuli aku au i kuʻu lima ma luna o ka poʻe liʻiliʻi.

KA ʻEUANELIO I KĀKAU ʻIA AI E MATAIO 10:6

akā, e hele ʻoukou i ka poʻe hipa ʻauana o ka ʻohana o ʻIseraʻela.

KA ʻEUANELIO I KĀKAU ʻIA AI E MATAIO 15:24

ʻŌlelo maila ia, ʻī maila, “Ua hoʻouna ʻia mai nei au i ka ʻohana hipa ʻauana o kā ʻIseraʻela wale nō.”

KA ʻEUANELIO I KĀKAU ʻIA AI E MATAIO 9:36

A ʻike maila ia i ka ʻaha kanaka, hū aʻela kona aloha iā lākou; no ka mea, ua māluhiluhi lākou, ua ʻauana hoʻi e like me nā hipa kahu ʻole.

KA ʻEUANELIO I KĀKAU ʻIA AI E MAREKO 6:34

A hele aʻela Iesū i waho, ʻike maila ia i ka ʻaha kanaka he nui loa, haʻehaʻe ihola kona aloha iā lākou; no ka mea, ua like lākou me nā hipa kahu ʻole, a hoʻomaka ia e aʻo mai iā lākou i nā mea he nui.

KA ʻEUANELIO I KĀKAU ʻIA AI E IOANE 10:9

“ʻO wau nō ka puka; inā e komo kekahi ma oʻu nei, e ola ia, a e komo mai ia i loko, a e puka aku i waho, a e loaʻa iā ia ka ʻai.

KA BUKE ʻALIMA A MOSE, I KAPA ʻIA KĀNĀWAI LUA 31:2

ʻĪ akula ʻo ia iā lākou, “Hoʻokahi oʻu haneri makahiki a me ka iwakālua i kēia lā; ʻaʻole e hiki hou iaʻu ke hele aku i waho, a me ka hoʻi mai i loko: ua ʻōlelo mai nō hoʻi ʻo Iēhova iaʻu, ‘ʻAʻole ʻoe e hele ma kēlā ʻaoʻao o kēia Ioredane.’

ʻO KA ʻEPISETOLE HOʻOLAHA MUA A PETERO 2:25

No ka mea, ua like ʻoukou me nā hipa e hele hewa ana; akā, ua hoʻihoʻi ʻia mai nei ʻoukou i ke Kahu Hipa, a me ka Luna Kiaʻi o ko ʻoukou mau ʻuhane.

KA BUKE MUA A SAMUʻELA 18:13

No ia mea, hoʻonoho akula ʻo Saula iā ia mai ona aku lā, a hoʻolilo iā ia i luna tausani nona; a hele akula ia a hoʻi mai i mua o nā kānaka.

KA BUKE MUA A SAMUʻELA 8:20

“I like ai mākou me nā lāhui kanaka ʻē a pau; a i hoʻoponopono ko mākou aliʻi iā mākou, a e hele ia ma mua o mākou, a e kaua aku i ko mākou kaua.”