KA BUKE ʻAHĀ A MOSE, I KAPA ʻIA NĀ HELU 24:9 - Ka Baibala Hemolele

⁹ ‘Ua kukuli iho ia, ua moe iho me he liona kāne lā; A me ka liona wahine; na wai lā ia e hoʻāla aʻe?’ “E pōmaikaʻi ka mea hoʻomaikaʻi iā ʻoe, A e pōʻino ka mea hōʻino aku iā ʻoe.”

KA BUKE ʻAHĀ A MOSE, I KAPA ʻIA NĀ HELU 24:9 Iomraidhean Croise

KA BUKE MUA A MOSE, I KAPA ʻIA KINOHI 12:3

“E hoʻopōmaikaʻi aku hoʻi au i ka poʻe hoʻomaikaʻi iā ʻoe, A e hōʻino aku au i ka mea hōʻino iā ʻoe, A iā ʻoe e pōmaikaʻi ai nā ʻohana a pau o ka honua.”

KA BUKE MUA A MOSE, I KAPA ʻIA KINOHI 27:29

“E hoʻokauā mai nā kānaka nāu, A e moe iho nā lāhui kanaka i mua ou, E lilo ʻoe i haku ma luna o kou poʻe hoahānau, A e moe iho nā keiki o kou makuahine i mua ou. E hōʻino ʻia aku nā mea a pau e hōʻino mai iā ʻoe, A e hoʻopōmaikaʻi ʻia aku ka mea hoʻomaikaʻi iā ʻoe!”

KA BUKE MUA A MOSE, I KAPA ʻIA KINOHI 49:9

“He keiki a ka liona o Iuda, Ua piʻi aʻe ʻoe, e kuʻu keiki, mai ke pio aʻe. Kukuli ihola ia, a moe ihola me he liona kāne lā, A me ka liona wahine; na wai ia e hoʻāla aʻe?

KA BUKE MUA NO NĀ ALIʻI 10:20

He ʻumikumamālua liona i kū ma laila ma kēlā ʻaoʻao a ma kēia ʻaoʻao ma luna o nā ʻānuʻunuʻu ʻeono; ʻaʻohe mea like me ia i hana ʻia ma kekahi aupuni.

KA BUKE ʻALUA O KA ʻOIHANA ALIʻI 9:18

ʻEono ʻanuʻu i ka noho aliʻi, a he paepae wāwae gula, e pili ana i ka noho aliʻi, a me nā kālele ma kēlā ʻaoʻao a me kēia ʻaoʻao o kahi e noho ai, a ʻelua liona e kū ana ma kēia mau ʻaoʻao.

KA BUKE NO ʻESETERA 6:13

Haʻi akula ʻo Hamana i kāna wahine iā Zeresa, a i kona poʻe makamaka a pau i nā mea a pau i loaʻa ai iā ia. A laila, ʻōlelo maila iā ia kona poʻe kānaka akamai, a me kāna wahine ʻo Zeresa, “Inā no ka hanauna Iudaio ʻo ua Moredekai lā, a ua hāʻule ʻoe i mua ona i kēia wā, ʻaʻole nō ʻoe e lanakila ma luna ona; akā, e ʻoiaʻiʻo nō, e hāʻule nō ʻoe i mua ona.”

KA BUKE NO IOBA 41:10

“ʻAʻohe mea ʻaʻa e hoʻāla iā ia; A ʻo wai lā hoʻi ka mea e hiki ke kū i mua oʻu?

KA BUKE O NĀ HALELŪ 122:6

¶ E noi aku ʻoukou i maluhia o Ierusalema; “E pōmaikaʻi auaneʻi ka poʻe e aloha aku iā ʻoe.

KA BUKE O NĀ HALELŪ 2:12

E honi aku i ke Keiki, o huhū mai ia, O make hoʻi ʻoukou ia ʻaoʻao, ke hoʻā iki ʻia mai kona inaina. Pōmaikaʻi wale ka poʻe a pau i hilinaʻi aku iā ia!

KA BUKE ʻALUA A MOSE, I KAPA ʻIA PUKA ʻANA 23:22

“Akā, inā hoʻolohe ʻiʻo mai ʻoe i kona leo, a e hana hoʻi i nā mea aʻu e ʻōlelo aku ai; a laila, e lilo wau i ʻenemi no kou poʻe ʻenemi, a e hana ʻino aku au i ka mea e hana ʻino mai iā ʻoe.

KA WĀNANA A ʻISAIA 31:4

¶ No ka mea, penei i ʻōlelo mai ai ʻo Iēhova iaʻu, “E like me ka uōʻana o ka liona, A me ka liona hou hoʻi ma luna o ka mea āna i pepehi ai, Inā i ʻākoakoa nā kahu hipa he nui loa, e kūʻē iā ia, ʻAʻole ia e makaʻu i ko lākou leo, ʻAʻole hoʻi e kūlou i lalo no ka lehulehu o lākou; Pēlā nō ʻo Iēhova o nā kaua e iho mai ai, E kaua ma muli o ka mauna ʻo Ziona, Ma muli hoʻi o ko laila puʻu.”

MIKA 5:8

A lilo ke koena o Iakoba I waena o ko nā ʻāina ʻē, I waena o nā lāhui kanaka he nui, E like me ka liona i waena o nā holoholona o ka ulu lāʻau, E like me ka liona ʻōpio i waena o ka ʻohana hipa; No ka mea, i kona hele ʻana aʻe, Hehi iho i lalo, a e haehae wale, ʻAʻohe mea nāna e hoʻopakele.

KA BUKE ʻAHĀ A MOSE, I KAPA ʻIA NĀ HELU 22:12

ʻŌlelo maila ke Akua iā Balaʻama, “Mai hele aku ʻoe me lākou; mai ʻōlelo hōʻino aku i ua poʻe kānaka lā; no ka mea, ua hoʻomaikaʻi ʻia lākou.”

KA BUKE ʻAHĀ A MOSE, I KAPA ʻIA NĀ HELU 22:6

“No laila lā, ke noi aku nei au iā ʻoe, e hele mai ʻoe e ʻōlelo hōʻino aku noʻu i kēia poʻe kānaka; no ka mea, ua ʻoi aku ko lākou ikaika i koʻu; malia e loaʻa paha iaʻu ka ikaika e hahau aku ai mākou iā lākou, a e kipaku au iā lākou ma waho o ka ʻāina; no ka mea, ua ʻike nō wau, ʻo kāu e hoʻomaikaʻi aku ai, ʻo ia ke hoʻopomaikaʻi ʻia; a ʻo kāu e ʻōlelo hōʻino aku ai, ʻo ia ke hoʻopōʻino ʻia.”

KA BUKE ʻAHĀ A MOSE, I KAPA ʻIA NĀ HELU 23:24

“Aia hoʻi, e ala aʻe kēia poʻe kānaka me he liona wahine lā, E kū aʻe hoʻi ia e like me ka liona kāne; ʻAʻole ia e moe hou, a ʻai iho ia i ke pio, A e inu hoʻi i ke koko o ka mea i pepehi ʻia.”

KA BUKE ʻAHĀ A MOSE, I KAPA ʻIA NĀ HELU 24:10

¶ Ua hoʻā ʻia ka inaina o Balaka iā Balaʻama, a paʻi pū nā lima ona; ʻī maila ʻo Balaka iā Balaʻama, “Ua kiʻi aku nō wau iā ʻoe no ka hōʻino aku i kuʻu poʻe ʻenemi; aia hoʻi, eia ke kolu o kou hoʻomaikaʻi wale ʻana aku!

KA ʻEUANELIO I KĀKAU ʻIA AI E MATAIO 25:40

“A e ʻōlelo aku ke Aliʻi iā lākou, me ka ʻī aku, ‘He ʻoiaʻiʻo kaʻu e ʻōlelo aku nei iā ʻoukou, i kā ʻoukou hana ʻana pēlā i kekahi mea liʻiliʻi loa o kēia poʻe hoahānau oʻu, ua hana mai ʻoukou pēlā iaʻu.’

KA ʻEUANELIO I KĀKAU ʻIA AI E MATAIO 25:45

“A laila e ʻōlelo aku ʻo ia iā lākou, me ka ʻī aku, ‘He ʻoiaʻiʻo kaʻu e ʻōlelo aku nei iā ʻoukou, i kā ʻoukou hana ʻole ʻana pēlā i kekahi mea liʻiliʻi loa o kēia poʻe, ua hana ʻole mai hoʻi ʻoukou pēlā iaʻu.’

NĀ ʻOIHANA A KA POʻE LUNAʻŌLELO 9:5

ʻĪ akula ia, “ʻO wai ʻoe, e ka Haku?” ʻĪ maila ka Haku, “ʻO Iesū nō wau ka mea āu e hoʻomaʻau mai nei. ʻO ke keʻehi ʻana i nā mea ʻoiʻoi, he mea ia e ʻeha ai nou.”

KA BUKE ʻALIMA A MOSE, I KAPA ʻIA KĀNĀWAI LUA 30:7

“A e hoʻoili aku ʻo Iēhova kou Akua i kēia mau hōʻino a pau ma luna o kou poʻe ʻenemi, a ma luna o ka poʻe e inaina mai iā ʻoe, ka poʻe i hoʻomaʻau mai iā ʻoe.