KA BUKE ʻAHĀ A MOSE, I KAPA ʻIA NĀ HELU 24:8 - Ka Baibala Hemolele

⁸ “Na ke Akua ia i kaʻi mai nei, mai ʻAigupita mai; Iā ia hoʻi ka ikaika me he reʻema lā; E ʻai iho ʻo ia i nā lāhui kanaka i kona poʻe ʻenemi, A e uhaʻi ia i ko lākou mau iwi, E hou ʻia hoʻi lākou i kāna mau pua.

KA BUKE ʻAHĀ A MOSE, I KAPA ʻIA NĀ HELU 24:8 Iomraidhean Croise

KA BUKE O NĀ HALELŪ 2:9

‘E uhaʻi ʻoe iā lākou me ke koʻokoʻo hao; E ʻulupā hoʻi ʻoe iā lākou me he ipu lepo lā.’”

KA BUKE O NĀ HALELŪ 21:12

No laila, e hoʻohuli mai ʻoe i ko lākou kua; Ke hoʻomākaukau ʻoe i nā pua i kāu mau kaula, i kū pono i ko lākou alo.

KA BUKE O NĀ HALELŪ 45:5

Ua ʻoi aku kou mau pua i loko o ka naʻau o ko ke Aliʻi poʻe ʻenemi; Hina iho nā kānaka ma lalo iho ou.

KA BUKE O NĀ HALELŪ 45:6

¶ ʻO kou noho aliʻi, e ke Akua, e mau loa ana nō ia; ʻO ka hōʻailona mōʻī o kou aupuni, he hōʻailona mōʻī pono nō ia.

KA BUKE ʻALUA A MOSE, I KAPA ʻIA PUKA ʻANA 23:22

“Akā, inā hoʻolohe ʻiʻo mai ʻoe i kona leo, a e hana hoʻi i nā mea aʻu e ʻōlelo aku ai; a laila, e lilo wau i ʻenemi no kou poʻe ʻenemi, a e hana ʻino aku au i ka mea e hana ʻino mai iā ʻoe.

KA WĀNANA A ʻISAIA 38:13

“Hoʻomaha ihola au a kakahiaka, E like me ka liona, pēlā nō ʻo ia i uhaki ai i koʻu mau iwi a pau; Mai ke ao a pō, e hoʻōki mai ana nō ʻoe iaʻu.

KA WĀNANA A IEREMIA 50:17

¶ “He poʻe hipa puehu ʻo kā ʻIseraʻela, ua kipaku nā liona iā ia; ʻo ke aliʻi o ʻAsuria kai ʻai mua iā ia; a ma hope na kēia Nebukaneza, ke aliʻi o Babulona i uhaʻi i kona mau iwi.”

KA WĀNANA A IEREMIA 50:9

“No ka mea, aia hoʻi, e hoʻāla nō wau, a e alakaʻi kūʻē iā Babulona I nā lāhui kanaka nui, mai ka ʻāina ma ka ʻākau mai; A e hoʻonohonoho lākou iā lākou iho e kaua iā ia, A laila, e lawe pio ʻia ʻo ia; E like auaneʻi ko lākou mau pua me ko ke kanaka ikaika, ʻAʻole e hoʻihoʻi nele a makehewa ʻia mai.

KA BUKE NO DANIʻELA 6:24

A kēnā akula ke aliʻi e alakaʻi mai i ka poʻe nāna i niʻaniʻa wale aku iā Daniʻela, a e hoʻolei iā lākou i loko o ka lua liona, ʻo lākou a me kā lākou mau keiki, a me kā lākou mau wāhine; a lanakila nā liona ma luna o lākou, a ua hakihaki liʻiliʻi loa ʻia ko lākou mau iwi ma mua o ko lākou hiki ʻana i lalo o ka lua.

KA BUKE ʻAHĀ A MOSE, I KAPA ʻIA NĀ HELU 14:9

“Akā, mai kipi aku ʻoukou iā Iēhova, mai makaʻu hoʻi i nā kānaka o ka ʻāina; no ka mea, he mea ʻai lākou na kākou; ua hala akula ko lākou malu mai o lākou aku lā, me kākou nō hoʻi ʻo Iēhova; mai makaʻu iā lākou.”

KA BUKE ʻAHĀ A MOSE, I KAPA ʻIA NĀ HELU 21:5

ʻŌlelo ʻino akula nā kānaka i ke Akua, a iā Mose, “No ke aha lā ʻolua i kaʻi mai nei iā mākou mai loko mai o ʻAigupita e make ma ka wao nahele? No ka mea, ʻaʻohe berena, ʻaʻole hoʻi he wai; a ke hoʻopailua nei ko mākou naʻau i kēia ʻai māmā.”

KA BUKE ʻAHĀ A MOSE, I KAPA ʻIA NĀ HELU 23:22

“Na ke Akua lākou i lawe mai, mai ʻAigupita mai; Iā ia nō ka ikaika me he reʻema lā.

KA BUKE ʻAHĀ A MOSE, I KAPA ʻIA NĀ HELU 23:24

“Aia hoʻi, e ala aʻe kēia poʻe kānaka me he liona wahine lā, E kū aʻe hoʻi ia e like me ka liona kāne; ʻAʻole ia e moe hou, a ʻai iho ia i ke pio, A e inu hoʻi i ke koko o ka mea i pepehi ʻia.”

KA ʻEUANELIO I KĀKAU ʻIA AI E MATAIO 2:15

Ma laila ia i noho ai a make ʻo Herode. No laila, kō aʻela ka ʻōlelo a ka Haku ma ke kāula, i ka ʻī ʻana mai, “‹Ua kāhea aku au i kaʻu Keiki mai ʻAigupita mai›.”

KA BUKE ʻALIMA A MOSE, I KAPA ʻIA KĀNĀWAI LUA 32:23

¶ ‘E hōʻiliʻili au i nā ʻino ma luna iho o lākou; E pana aku au i kaʻu mau pua iā lākou.

KA BUKE ʻALIMA A MOSE, I KAPA ʻIA KĀNĀWAI LUA 32:42

“E hoʻoinu au i nā pua aʻu i ke koko a ʻona, E ʻai iho kuʻu pahi kaua i ka ʻiʻo, Me ke koko o ka mea i pepehi ʻia, a me ko ka mea i pio, I ke poʻo hoʻi o nā aliʻi o ka poʻe ʻenemi.”’

KA BUKE ʻALIMA A MOSE, I KAPA ʻIA KĀNĀWAI LUA 7:1

¶ “Aia kaʻi aku ʻo Iēhova kou Akua iā ʻoe i ka ʻāina āu e hele aku nei e noho i laila, a hoʻokuke aku ia i nā lāhui kanaka, he nui ma mua ou, i kā Heta, i kā Giregasa, me kā ʻAmora, me kā Kanaʻana, me kā Pereza, me kā Heva, a me kā Iebusa, i ʻehiku lāhui kanaka, ua ʻoi aku ko lākou nui a me ko lākou ikaika i kou;

KA BUKE A IOSUA 2:10

“No ka mea, ua lohe mākou i ko Iēhova hoʻomaloʻo ʻana i ka wai o ke Kai ʻUla i mua o ʻoukou, i ka wā i puka mai ai ʻoukou mai loko mai o ʻAigupita; a me ka mea a ʻoukou i hana aku ai i nā aliʻi ʻelua o kā ʻAmora ma kēlā ʻaoʻao o Ioredane, iā Sihona, lāua ʻo ʻOga, i nā mea a ʻoukou i ʻānai loa ai.