KA BUKE ʻAHĀ A MOSE, I KAPA ʻIA NĀ HELU 24:17 - Ka Baibala Hemolele

¹⁷ “E ʻike auaneʻi au iā ia, ʻaʻole hoʻi ʻānō; E nānā auaneʻi au iā ia, ʻaʻole hoʻi e kokoke; E puka mai auaneʻi he Hōkū mai o Iakoba mai; E kū mai ana nō hoʻi he Koʻokoʻo mai o ʻIseraʻela mai, A e luku aku nō ia i nā kihi o Moaba, A e pepehi iho ia i nā keiki hoʻohaunaele a pau.

KA BUKE ʻAHĀ A MOSE, I KAPA ʻIA NĀ HELU 24:17 Iomraidhean Croise

KA BUKE MUA A MOSE, I KAPA ʻIA KINOHI 49:10

“ʻAʻole e lilo aku ke koʻokoʻo aliʻi mai o Iuda aku, ʻAʻole hoʻi ka mea wehewehe kānāwai mai waena aku o kona mau wāwae, A hiki mai ai ʻo Silo; A iā ia ke ʻākoakoa ʻana aʻe o nā kānaka.

KA BUKE ʻALUA A SAMUʻELA 8:14

Hana ihola hoʻi ia i nā pā kaua ma ʻEdoma; ma ʻEdoma a pau i hana iho ai ʻo ia i nā pā kaua; a lilo maila ko ʻEdoma a pau i kauā na Dāvida. A mālama maila ʻo Iēhova iā Dāvida i nā wahi a pau āna i hele aku ai.

KA BUKE ʻALUA A SAMUʻELA 8:2

Pepehi akula hoʻi ia i ko Moaba, ana ihola iā lākou i ke kaula ana, e hoʻohina ana iā lākou ma ka honua; ana ihola ʻo ia iā lākou i ʻelua kaula ana e make ai, a me kekahi kaula ana ʻokoʻa e ola ai. Pēlā i lilo ai ko Moaba i ʻāina kauā na Dāvida, a lawe maila hoʻi lākou i ka waiwai hoʻokupu.

KA BUKE ʻALUA NO NĀ ALIʻI 3:5

A i ka wā i make ai ʻo ʻAhaba, kipi maila ke aliʻi o kā Moaba i ke aliʻi o kā ʻIseraʻela.

KA BUKE MUA O KA ʻOIHANA ALIʻI 18:2

Pepehi aku hoʻi ʻo ia i kā Moaba; a lilo maila nā Moaba i poʻe kauā na Dāvida, a lawe maila hoʻi lākou i ka waiwai hoʻokupu.

KA BUKE O NĀ HALELŪ 110:2

E hoʻouna mai nō ʻo Iēhova i ke koʻokoʻo o kou ikaika, mai Ziona mai; “E noho aupuni hoʻi ʻoe ma waena o kou poʻe ʻenemi.”

KA BUKE O NĀ HALELŪ 45:6

¶ ʻO kou noho aliʻi, e ke Akua, e mau loa ana nō ia; ʻO ka hōʻailona mōʻī o kou aupuni, he hōʻailona mōʻī pono nō ia.

KA WĀNANA A ʻISAIA 15:1

¶ Ka wānana no Moaba. A luku ʻia ʻAra Moaba i ka pō, ua ʻānai ʻia; He ʻoiaʻiʻo, i ka pō i luku ʻia ai ʻo Kira Moaba, Ua ʻānai loa ʻia nō.

KA WĀNANA A ʻISAIA 9:7

ʻAʻole e pau ka māhuahua ʻana o kona aupuni, a me ka malu; Ma ka noho aliʻi o Dāvida ia, A ma kona aupuni nō hoʻi, E hoʻāla hou ia mea, a e hoʻokūpaʻa iā ia, Me ka hoʻoponopono, a me ka maikaʻi, Mai kēia wā aku, a i ke ao pau ʻole. Na ka ikaika o Iēhova o nā kaua e hana i kēia.

KA WĀNANA A IEREMIA 48:1

¶ Ma ke kūʻē iā Moaba, Ke ʻōlelo mai nei ʻo Iēhova o nā kaua, ke Akua o kā ʻIseraʻela, penei, “Auē ʻoe, e Nebo! No ka mea, ua ʻānai ʻia ʻo ia; Ua hoʻohilahila ʻia ʻo Kiriataima, a ua pio hoʻi; Ua hoʻohilahila ʻia ʻo Misegaba, a ua makaʻu.

KA WĀNANA A IEREMIA 48:45

¶ “Kū nō ka poʻe i heʻe ma ka malu o Hesebona no ka ikaika ʻole; E puka mai nō naʻe ke ahi mai Hesebona mai, ʻO ka lapalapa ahi hoʻi ma loko mai i Sihona, E hoʻopau nō ia i ka mokuna ʻo Moaba, A me ka piko poʻo o nā kānaka hoʻohaunaele.

ZEKARIA 10:4

“Mai loko aʻe ona ka pōhaku kumu kihi, Mai loko aʻe ona ka mākia, Mai loko aʻe ona ke kakaka kaua; Mai loko pū aku nō hoʻi ona i hele mai ai nā mea hoʻokoʻikoʻi a pau.

ZEKARIA 12:10

¶ “A e ninini iho au ma luna o ka ʻohana a Dāvida, a ma luna o nā kānaka o Ierusalema, i ka ʻUhane o ke aloha a me ka pule; a e nānā mai lākou iaʻu i ka mea a lākou i hou mai ai, a e kanikau lākou nona, e like me ke kanikau ʻana i ke keiki ponoʻī, a e ʻehaʻeha loa lākou nona, e like me ka ʻehaʻeha ʻana o kekahi i kāna keiki hānau kahi.

KA BUKE ʻAHĀ A MOSE, I KAPA ʻIA NĀ HELU 21:29

“Auē ʻoe, e Moaba! Ua make nō ʻoe! E nā kānaka o Kemosa! Ua hāʻawi aku ia i kāna mau keiki kāne i pakele, A me kāna mau kaikamāhine i poʻe pio, No ke aliʻi o kā ʻAmora, no Sihona.

KA BUKE ʻAHĀ A MOSE, I KAPA ʻIA NĀ HELU 24:16

“Ka wānana a ka mea i lohe i ka ʻōlelo a ke Akua, A ka mea ʻike i ka mea ʻikea o ka Mea Kiʻekiʻe, A ka mea nānā i ka mea ʻikea o ka Mea Mana Loa, E moe iho ana, a e kaʻakaʻa ana kona mau maka.

KA ʻEUANELIO I KĀKAU ʻIA AI E LUKA 1:78

No ka lokomaikaʻi ʻiʻo o ko kākou Akua; No kahi mea i puka mai ai ka Mālamalama iā kākou mai luna mai,

ʻO KA ʻEPISETOLE A PAULO KA LUNAʻŌLELO I KO HEBERA 1:8

Akā, no ke Keiki, “«ʻO kou noho aliʻi, e ke Akua, e mau loa ana nō ia; A he hōʻailona mōʻī o ka pono ka hōʻailona mōʻī o kou aupuni.

ʻO KA ʻEPISETOLE A PAULO KA LUNAʻŌLELO I KO HEBERA 7:14

Ua akāka nō ka puka ʻana o ka Haku, mai loko mai o Iuda, ka ʻohana i ʻōlelo ʻole ʻia ai no ka ʻoihana kahuna e Mose.

ʻO KA ʻEPISETOLE HOʻOLAHA ʻALUA A PETERO 1:19

Eia hoʻi iā kākou kā nā kāula ʻōlelo, i hōʻoiaʻiʻo loa ʻia; ua hana pono nō hoʻi ʻoukou i ko ʻoukou mālama ʻana ia mea, me he kukui lā, e hoʻomālamalama ana i kahi pouli, a wehe mai ke alaula, a puka mai ka hōkūao i loko o ko ʻoukou mau naʻau.

ʻO KA ʻEPISETOLE HOʻOLAHA A IUDA 1:11

Auē lākou! No ka mea, ua hahai lākou ma ka ʻaoʻao o Kaina, ua holo kikī lākou ma ka lalau ʻana o Balaʻama i mea e uku ʻia ai, ua hōkai ʻia ihola lākou ma ke kipi ʻana aʻe o Kora.

KA HŌʻIKE ʻANA A IOANE KA HAIPULE 1:7

«Aia hoʻi ke hele maila ia me nā ao»; a e ʻike aku nā maka a pau iā ia, a ʻo ka poʻe hoʻi nāna ia i ʻō aku; a iā ia nō e uē ai nā ʻohana a pau o ka honua. ʻO ia, ʻĀmene.

KA HŌʻIKE ʻANA A IOANE KA HAIPULE 11:15

¶ Puhi aʻela ka ʻānela ʻahiku; a nui loa ihola nā leo ma ka lani, e ʻī mai ana, “Ua lilo ke aupuni o ke ao nei no ko kākou Haku, a no kona Kristo; a ʻo ia ke Aliʻi e mau loa ana i ke ao pau ʻole.”

KA HŌʻIKE ʻANA A IOANE KA HAIPULE 22:16

¶ “ʻO wau, ʻo Iesū, ua hoʻouna aku au i koʻu ʻānela, e hōʻike aku iā ʻoukou i kēia mau mea ma nā ʻekalesia. ʻO wau nō ke Kumu a me ka Mamo a Dāvida; ʻo wau nō ka Hōkūao Mālamalama.”

KA BUKE MUA A SAMUʻELA 14:38

ʻŌlelo akula ʻo Saula, “E hoʻokokoke mai ʻoukou i ʻaneʻi, e nā alakaʻi o nā kānaka; i ʻike pono kākou i ka mea o kēia hewa i kēia lā.