KA BUKE ʻAHĀ A MOSE, I KAPA ʻIA NĀ HELU 23:7 - Ka Baibala Hemolele

⁷ Hāpai aʻela ia i kāna ʻōlelo nane, ʻī akula, “Na Balaka ke aliʻi o Moaba au i lawe mai nei Mai ʻArama mai, mai nā mauna o ka hikina. ‘E hele mai, e hōʻino noʻu i kā Iakoba, E hele mai, e hoʻohewa aku i kā ʻIseraʻela!

KA BUKE ʻAHĀ A MOSE, I KAPA ʻIA NĀ HELU 23:7 Iomraidhean Croise

KA BUKE MUA A MOSE, I KAPA ʻIA KINOHI 10:22

ʻO nā keiki a Sema: ʻo ʻElama, ʻo ʻAsura, ʻo ʻArepakada, ʻo Luda, a ʻo ʻArama.

KA BUKE MUA A MOSE, I KAPA ʻIA KINOHI 28:2

“E kū aʻe, e hele aku ʻoe i Padana ʻArama, i ka hale o Betuʻela ʻo ka makua kāne o kou makuahine; a e lawe ʻoe i wahine nāu no laila, no nā kaikamāhine a Labana a ke kaikunāne o kou makuahine.

KA BUKE MUA A MOSE, I KAPA ʻIA KINOHI 28:7

a ua hoʻolohe mai ʻo Iakoba i kona makua kāne, a me kona makuahine, a ua hala akula i Padana ʻArama;

KA BUKE ʻALUA A SAMUʻELA 21:21

I kona hōʻino ʻana mai i kā ʻIseraʻela, pepehi ihola ʻo Ionatana ke keiki a Simea a ke kaikuaʻana a Dāvida iā ia.

KA BUKE ʻALUA A SAMUʻELA 23:9

Ma hope iho ona ʻo ʻEleazara ke keiki a Dodo ke keiki a ʻAhohi, kekahi o nā kānaka ikaika ʻekolu me Dāvida, iā lākou i kūʻē i ka poʻe Pilisetia i kahi i hoʻākoakoa ʻia aʻe lākou e kaua, a ua naholo aku nā kānaka o kā ʻIseraʻela.

KA BUKE NO IOBA 27:1

¶ A ʻōlelo hou maila ʻo Ioba i kāna ʻōlelo nane, ʻī maila,

KA BUKE NO IOBA 29:1

¶ ʻŌlelo hou maila ʻo Ioba i kāna ʻōlelo nane, ʻī maila,

KA BUKE O NĀ HALELŪ 49:5

¶ ʻO ke aha kuʻu mea e makaʻu ai, i nā lā ʻino, E hoʻopuni mai ai ka poʻe kūʻē malū mai iaʻu?

KA BUKE O NĀ HALELŪ 78:2

E hōʻoaka aʻe au i kuʻu waha ma nā hīmeni, A e haʻi aku hoʻi i nā mele kahiko;

NĀ ʻŌLELO AKAMAI A SOLOMONA 26:2

E like me ka zepora e ʻauana ana, E like me ka derora e lele ana, Pēlā ka pōʻino, ʻaʻole ia e hiki wale mai.

KA WĀNANA A ʻEZEKIʻELA 17:2

“E ke keiki a ke kanaka, e nane aku ʻoe i ka nane, a e ʻōlelo nane i ka ʻohana a ʻIseraʻela,

KA WĀNANA A ʻEZEKIʻELA 20:49

ʻĪ akula hoʻi au, “Auē, e Iēhova ka Haku! Ke ʻōlelo nei lākou noʻu, ‘ʻAʻole anei ia e ʻōlelo i nā ʻōlelo nane?’”

MIKA 2:4

“Ia lā e lawe kekahi i mele no ʻoukou, A e kanikau i ke kanikau nui, i ka ʻī ʻana aʻe, ‘I ka luku ʻana ua luku ʻia kākou; Ua hoʻololi ʻia ka hoʻoilina o kuʻu poʻe kānaka; Nani ka lawe ʻia aku ia mai oʻu lā! A no ka mea hoʻihoʻi, ua puʻunaue ʻia ko kākou mau mahina ʻai.’”

HABAKUKA 2:6

¶ “ʻAʻole anei e hāpai o kēia poʻe a pau i mele nona, A i wahi ʻōlelo hōʻino nona, A e ʻī aku, ‘Auwē ka mea e hoʻomāhuahua i ka waiwai, ʻaʻohe nona! Pehea ka lōʻihi! ʻO ka mea e hoʻonui ana ma luna ona i ka ʻaiʻē?’

KA BUKE ʻAHĀ A MOSE, I KAPA ʻIA NĀ HELU 22:11

‘Aia hoʻi he poʻe kānaka i hele mai nei mai ʻAigupita mai, uhi paʻapū lākou i ka ʻāina: e hele mai hoʻi ʻoe e ʻōlelo hōʻino aku iā lākou noʻu; malia paha e lanakila au i ke kaua ʻana aku iā lākou, a e kipaku aku iā lākou.’”

KA BUKE ʻAHĀ A MOSE, I KAPA ʻIA NĀ HELU 22:17

no ka mea, e hoʻohanohano loa aku au iā ʻoe, a e hana aku au i nā mea a pau āu e ʻōlelo mai ai iaʻu; ke noi aku nei au iā ʻoe, e hele mai hoʻi, e ʻōlelo hōʻino aku noʻu i kēia poʻe kānaka.’”

KA BUKE ʻAHĀ A MOSE, I KAPA ʻIA NĀ HELU 23:18

Haʻi akula ia i kāna ʻōlelo nane, ʻī akula, “E kū aʻe ʻoe i luna, e Balaka, e hoʻolohe mai! E maliu mai ʻoe iaʻu, e ke keiki a Zipora!

KA BUKE ʻAHĀ A MOSE, I KAPA ʻIA NĀ HELU 23:6

A hoʻi hou aʻela ia i ona lā; aia hoʻi, e kū ana ʻo ia ma kāna mōhai kuni, ʻo ia a me nā luna a pau o Moaba.

KA BUKE ʻAHĀ A MOSE, I KAPA ʻIA NĀ HELU 24:15

Hāpai aʻela ia i kāna ʻōlelo nane, ʻī akula, “ʻO ka wānana a Balaʻama ke keiki a Beora, Ka wānana a ke kanaka i hoʻokaʻakaʻa ʻia aʻe kona maka;

KA BUKE ʻAHĀ A MOSE, I KAPA ʻIA NĀ HELU 24:21

Nānā akula hoʻi ia i kā Keni, hāpai aʻela ia i kāna ʻōlelo nane, ʻī maila, “Ua paʻa kou wahi i noho ai, Ua kau aku ʻoe i kou pūnana ma luna o ka pōhaku;

KA BUKE ʻAHĀ A MOSE, I KAPA ʻIA NĀ HELU 24:23

Haʻi akula ia i kāna ʻōlelo nane, ʻī akula, “Auē! ʻO wai lā uaneʻi ke ola i ka wā e hana mai ai ke Akua i kēia?

KA BUKE ʻAHĀ A MOSE, I KAPA ʻIA NĀ HELU 24:3

Hāpai aʻela ia i kāna ʻōlelo nane, ʻī akula, “ʻO ka wānana a Balaʻama a ke keiki a Beora, ʻO ka wānana a ke kanaka i hoʻokaʻakaʻa ʻia kona mau maka,

KA ʻEUANELIO I KĀKAU ʻIA AI E MATAIO 13:33

¶ ʻŌlelo maila hoʻi ʻo ia iā lākou i kekahi ʻōlelo nane hou. “Ua like ke aupuni o ka lani me ka mea hū a kekahi wahine i lawe ai, a hui pū me nā sato palaoa ʻekolu, a pau aʻela ia i ka hū.”

KA ʻEUANELIO I KĀKAU ʻIA AI E MATAIO 13:35

I kō ai ka mea i ʻōlelo ʻia e ke kāula, i ka ʻī ʻana mai, “«E pane aku kuʻu waha i nā ʻōlelo nane, E haʻi aku hoʻi au i nā mea i haʻi ʻole ʻia, mai ke kumu mai o ke ao nei».”

KA ʻEUANELIO I KĀKAU ʻIA AI E MAREKO 12:12

ʻImi ihola lākou e hopu iā ia, a makaʻu aʻela lākou i kānaka; no ka mea, ua ʻike lākou, ua ʻōlelo ʻo ia i kēia ʻōlelo nane no lākou; a haʻalele lākou iā ia, a hele aku.

KA BUKE ʻALIMA A MOSE, I KAPA ʻIA KĀNĀWAI LUA 23:4

no ka mea, ʻaʻole lākou i hele mai i o ʻoukou lā me ka berena a me ka wai ma ke ala i ko ʻoukou hele ʻana, mai ʻAigupita mai; a no kā lākou uku ʻana aku iā Balaʻama, ke keiki a Beora o Petora ma Mesopotamia e kūʻē iā ʻoukou, a e hōʻino aku iā ʻoukou.

KA BUKE MUA A SAMUʻELA 17:10

ʻĪ maila ua kanaka lā no ko Pilisetia, “Ke ʻaʻa aku nei au i ka poʻe kaua o kā ʻIseraʻela i kēia lā; e hō mai ʻoukou i kekahi kanaka i hoa kaua noʻu.”

KA BUKE MUA A SAMUʻELA 17:36

“A ʻo ka liona a me ka bea, ua make lāua a ʻelua i kāu kauā; a ʻo kēia Pilisetia ʻoki poepoe ʻole ʻia, e like auaneʻi ia me kekahi o lāua, no kona ʻaʻa ʻana i ka poʻe kaua o ke Akua ola.”

KA BUKE MUA A SAMUʻELA 17:45

ʻĪ akula ʻo Dāvida i ka Pilisetia, “Ke hele maila ʻoe i oʻu nei me ka pahi kaua, a me ka ihe, a me ka pale kaua; akā ʻo wau, ke hele aku nei au i ou lā ma ka inoa ʻo Iēhova o nā kaua, ke Akua o ko ʻIseraʻela poʻe kaua āu i ʻaʻa mai ai.