KA BUKE ʻAHĀ A MOSE, I KAPA ʻIA NĀ HELU 23:3 - Ka Baibala Hemolele

³ ʻĪ akula ʻo Balaʻama iā Balaka, “E kū iho ʻoe ma kāu mōhai kuni, a e hele aku wau; malia paha e hele mai nō ʻo Iēhova e hālāwai me aʻu; a ʻo ka mea āna e hōʻike mai ai iaʻu, ʻo ia kaʻu e haʻi aku ai iā ʻoe.” A hele akula ia i kahi kiʻekiʻe.

KA BUKE ʻAHĀ A MOSE, I KAPA ʻIA NĀ HELU 23:3 Iomraidhean Croise

KA BUKE MUA A MOSE, I KAPA ʻIA KINOHI 22:13

ʻAlawa aʻela nā maka o ʻAberahama i luna, ʻike akula, aia hoʻi, ma kona kua he hipa kāne, ua hihia kona pepeiaohao i ka nāhelehele; hele akula ʻo ʻAberahama, lālau akula i ua hipa kāne lā, a kaumaha akula iā ia i mōhai kuni, i kala no kāna keiki.

KA BUKE MUA A MOSE, I KAPA ʻIA KINOHI 22:2

ʻĪ maila ʻo ia, “E lawe aku ʻoe i kāu keiki i kāu ponoʻī, iā ʻIsaʻaka, i kāu mea āu e aloha nei, a e hele aku ʻoe i ka ʻāina ʻo Moria; ma laila ʻoe e kaumaha aku ai iā ia i mōhai kuni ma luna o kekahi puʻu aʻu e hōʻike aku ai iā ʻoe.”

KA BUKE MUA A MOSE, I KAPA ʻIA KINOHI 8:20

¶ Hana ihola ʻo Noa i kuahu no Iēhova, lālau akula ia i kekahi o nā holoholona maʻemaʻe a pau, a ʻo nā manu maʻemaʻe a pau, a kaumaha akula i nā mōhai kuni ma luna o ke kuahu.

KA BUKE ʻALUA A MOSE, I KAPA ʻIA PUKA ʻANA 18:12

Lawe ihola ʻo Ietero, ka makuahōnōwai kāne o Mose, i mōhai kuni, a me nā ʻālana no ke Akua, a hele maila ʻo ʻAʻarona, a me nā lunakahiko a pau o kā ʻIseraʻela, e ʻai pū ai me ka makuahōnōwai kāne o Mose, i mua o ke Akua.

KA BUKE ʻAKOLU A MOSE, I KAPA ʻIA ʻOIHANA KAHUNA 1:1

¶ Kāhea maila ʻo Iēhova iā Mose, ʻōlelo maila hoʻi iā ia mai loko mai o ka halelewa o ke anaina, ʻī maila,

KA BUKE ʻAHĀ A MOSE, I KAPA ʻIA NĀ HELU 23:12

ʻŌlelo akula kēlā, ʻī akula, “ʻAʻole anei au e hoʻomanaʻo e ʻōlelo aku i ka mea a Iēhova i waiho mai ai i loko o kuʻu waha?”

KA BUKE ʻAHĀ A MOSE, I KAPA ʻIA NĀ HELU 23:15

ʻĪ akula ia iā Balaka, “E kū ʻoe ma ʻaneʻi ma kāu mōhai kuni, a hālāwai aku wau me Iēhova ma ʻō.”

KA BUKE ʻAHĀ A MOSE, I KAPA ʻIA NĀ HELU 23:2

Hana ihola ʻo Balaka e like me kā Balaʻama i ʻōlelo aku ai; a mōhai akula ʻo Balaka lāua ʻo Balaʻama ma kēlā kuahu ma kēia kuahu i ka bipi kāne hoʻokahi a me ka hipa kāne hoʻokahi.

KA BUKE ʻAHĀ A MOSE, I KAPA ʻIA NĀ HELU 23:26

ʻŌlelo akula ʻo Balaʻama iā Balaka, ʻī akula, “ʻAʻole anei au i ʻī aku iā ʻoe, ‘ʻO ka mea a pau a Iēhova i ʻōlelo mai ai iaʻu, ʻo ia kaʻu e hana ai’?”

KA BUKE ʻAHĀ A MOSE, I KAPA ʻIA NĀ HELU 23:4

A hālāwai maila ke Akua me Balaʻama; ʻī akula hoʻi ʻo ia iā ia, “Ua hoʻomākaukau nō wau i nā kuahu ʻehiku, ua mōhai aku hoʻi au i ka bipi kāne a me ka hipa kāne ma luna o kēlā kuahu o kēia kuahu.”

KA BUKE ʻAHĀ A MOSE, I KAPA ʻIA NĀ HELU 24:1

¶ A ʻike ihola ʻo Balaʻama, ua leʻaleʻa ʻo Iēhova i ka hoʻomaikaʻi aku i kā ʻIseraʻela, ʻaʻole ia i hele hou aku e like ma mua e ʻimi i nā kilokilo ʻana; akā, hāliu aʻela ia i kona maka ma ka wao nahele.

KA ʻEUANELIO I KĀKAU ʻIA AI E MATAIO 4:8

Lawe hou akula ka diabolō iā ia i kahi mauna kiʻekiʻe loa, a hōʻike akula iā ia i nā aupuni a pau o ka honua, a me ko lākou nani;

KA BUKE A IOSUA 24:10

‘Akā, ʻaʻole au i makemake e hoʻolohe iā Balaʻama; no ia mea, hoʻomaikaʻi mai ʻo ia iā ʻoukou, a hoʻopakele au iā ʻoukou, mai kona lima aku.