KA BUKE ʻAHĀ A MOSE, I KAPA ʻIA NĀ HELU 23:21 - Ka Baibala Hemolele

²¹ “ʻAʻole ia i ʻike i ka hewa i loko o kā Iakoba, ʻAʻole hoʻi ʻo ia i ʻike i ke kekeʻe i loko o kā ʻIseraʻela. Me ia nō ʻo Iēhova ʻo kona Akua, I waena hoʻi o lākou ka hoʻōho aliʻi.

KA BUKE ʻAHĀ A MOSE, I KAPA ʻIA NĀ HELU 23:21 Iomraidhean Croise

KA BUKE ʻALUA O KA ʻOIHANA ALIʻI 13:12

“Eia hoʻi me mākou ke Akua i luna no mākou, a ʻo kona mau kāhuna nō hoʻi me nā mea kani e hoʻopūʻiwa iā ʻoukou. E nā mamo a ʻIseraʻela, mai kaua aku ʻoukou iā Iēhova i ke Akua o ko ʻoukou poʻe kūpuna; no ka mea, ʻaʻole pono iki ʻoukou pēlā!”

KA BUKE O NĀ HALELŪ 103:12

E like me ka lōʻihi, mai ka hikina a i ke komohana, Ua hoʻokaʻawale aku ʻo ia i ko kākou hewa mai o kākou aku.

KA BUKE O NĀ HALELŪ 118:15

¶ Aia ka leo o ka hauʻoli, a me ka hoʻōla, Ma nā halelewa o ka poʻe pono; Ke hana koa nei ka lima ʻākau o Iēhova.

KA BUKE O NĀ HALELŪ 135:21

Mai Ziona mai e hoʻomaikaʻi ʻia ai ʻo Iēhova, Ka Mea e noho lā ma Ierusalema! E halelū aku ʻoukou iā Iēhova.

KA BUKE O NĀ HALELŪ 23:4

¶ ʻOiaʻiʻo, inā e hele au ma ke awāwa malu o ka make, ʻAʻole au e weliweli i ka pōʻino; no ka mea, ʻo ʻoe pū kekahi me aʻu; ʻO kou mana, a me kou koʻokoʻo, ʻo koʻu mau mea ia e ʻoluʻolu ai.

KA BUKE O NĀ HALELŪ 32:2

Pōmaikaʻi ke kanaka, ma luna ona ka hoʻīli ʻole ʻia o ka hewa e Iēhova. I loko hoʻi o kona ʻuhane ʻaʻohe hoʻokamani!

KA BUKE O NĀ HALELŪ 32:5

Ua haʻi aku au i koʻu hewa iā ʻoe; ʻAʻole au i hūnā i koʻu lawehala ʻana. ʻĪ ihola au, “E haʻi aku au i koʻu hala iā Iēhova”; A ua kala mai ʻoe i ka hewa o kaʻu lawehala ʻana. Sila.

KA BUKE O NĀ HALELŪ 46:11

ʻO Iēhova Sābāōta ʻo ia me kākou; ʻO ko Iakoba Akua ko kākou wahi e malu ai. Sila.

KA BUKE O NĀ HALELŪ 46:7

ʻO Iēhova Sābāōta, ʻo ia me kākou; ʻO ko Iakoba Akua ko kākou wahi e malu ai. Sila.

KA BUKE O NĀ HALELŪ 97:1

¶ Ke noho aupuni nei ʻo Iēhova, e hauʻoli mai ka honua; E ʻoliʻoli hoʻi ka lehulehu o kona mau mokupuni.

KA BUKE O NĀ HALELŪ 99:2

He nui ʻo Iēhova ma Ziona; Ua kiʻekiʻe hoʻi ʻo ia ma luna o nā kānaka a pau.

KA BUKE ʻALUA A MOSE, I KAPA ʻIA PUKA ʻANA 13:21

Hele akula ʻo Iēhova ma mua o lākou ma loko o ke kia ao i ke ao, e alakaʻi iā lākou ma ke ala; a ma loko o ke kia ahi i ka pō, e hoʻomālamalama mai iā lākou; i hele lākou i ke ao a me ka pō.

KA BUKE ʻALUA A MOSE, I KAPA ʻIA PUKA ʻANA 3:12

ʻĪ maila kēlā, “He ʻoiaʻiʻo, ʻo wau nō kekahi me ʻoe, eia hoʻi ka hōʻailona o koʻu hoʻouna ʻana aku iā ʻoe; i ka wā āu e lawe mai ai i ka poʻe kānaka mai ʻAigupita mai, e hoʻomana auaneʻi ʻoukou i ke Akua ma kēia kuahiwi.”

KA BUKE ʻALUA A MOSE, I KAPA ʻIA PUKA ʻANA 34:9

ʻĪ akula ia, “A inā i loaʻa iaʻu ka lokomaikaʻi ʻia mai i mua ou, e ka Haku ē, ke nonoi aku nei au e hele pū aku koʻu Haku me mākou; (he poʻe kānaka ʻāʻī ʻoʻoleʻa naʻe kēia); a e kala mai ʻoe i ko mākou hala me ko mākou hewa, a e lawe ʻoe iā mākou i hoʻoilina nou.”

KA WĀNANA A ʻISAIA 1:18

¶ “E hele mai hoʻi, e kīkē kākou,” wahi a Iēhova; “Inā paha i like ko ʻoukou hewa me nā kapa ʻula, E keʻokeʻo auaneʻi ia me he hau lā; Inā paha i ʻula loa e like me ka mea ʻulaʻula, E like auaneʻi ia me he hulu hipa lā.

KA WĀNANA A ʻISAIA 12:6

“E hoʻōho aku, e hoʻokani hoʻi, e ka mea noho ma Ziona, No ka mea, ua mana ma loko ou, ka Mea Hemolele o kā ʻIseraʻela.”

KA WĀNANA A ʻISAIA 33:21

Ma laila ʻiʻo nō ka nani o Iēhova no kākou, He wahi muliwai nui, a ākea ma nā ʻaoʻao a pau, ʻAʻole moku holo ma loko o laila me ka hoe, ʻAʻole moku nui e holo aʻe a kēlā ʻaoʻao.

KA WĀNANA A ʻISAIA 33:22

No ka mea, ʻo Iēhova nō ko kākou luna kānāwai, ʻO Iēhova ka mea kau i ke kānāwai ma luna o kākou, ʻO Iēhova ko kākou aliʻi; ʻO ia ka mea e hoʻōla mai ai iā kākou.

KA WĀNANA A ʻISAIA 38:17

“Aia hoʻi, ua hoʻololi mai ʻo ia i koʻu kaumaha loa i ʻoluʻolu, Aloha mai nō ʻoe, a hoʻopakele mai iaʻu, mai ka lua mai o ka make; No ka mea, ua kiola aku ʻoe i koʻu hewa a pau ma hope o kou kua.

KA WĀNANA A ʻISAIA 41:10

‘Mai makaʻu ʻoe; no ka mea, ʻo wau pū nō me ʻoe; Mai weliweli hoʻi; no ka mea, ʻo wau nō kou Akua. Naʻu nō i hoʻoikaika aku iā ʻoe, A naʻu hoʻi ʻoe i kōkua aku; Ua hoʻokūpaʻa aku au iā ʻoe i ka lima ʻākau o koʻu pono.’

KA WĀNANA A ʻISAIA 8:10

“E ʻōhumu pū ʻoukou, a e hoʻokahuli ʻia ka ʻōhumu ʻana, E kau ʻoukou i ka ʻōlelo, ʻaʻole naʻe ia e paʻa; No ka mea, ʻo ke Akua pū me mākou.”

KA WĀNANA A IEREMIA 50:20

‘A ia mau lā, a i kēlā manawa,’ wahi a Iēhova, ‘e ʻimi wale ʻia ka hewa o kā ʻIseraʻela, ʻaʻohe hewa; no ka mea, e kala aku au i ko ka poʻe aʻu e hoʻokoe ai.’

KA WĀNANA A ʻEZEKIʻELA 48:35

“ʻO kona ana puni he ʻumikumamāwalu tausani ana; a mai ia lā aku, eia hoʻi ka inoa o ke kūlanakauhale, Ma Laila Nō IĒHOVA.”

IOʻELA 2:27

“A e ʻike nō ʻoukou, ʻO wau nō i waena o kā ʻIseraʻela, A ʻo wau nō ʻo Iēhova ko ʻoukou Akua, ʻaʻole mea ʻē aʻe; ʻAʻole loa e hilahila kuʻu poʻe kānaka.

KA BUKE ʻAKOLU A MOSE, I KAPA ʻIA ʻOIHANA KAHUNA 9:24

Puka maila hoʻi ke ahi mai ke alo mai o Iēhova, a hoʻopau ihola i ka mōhai kuni a me ke kaikea ma luna o ke kuahu; a ʻike ka poʻe kānaka a pau ia, hoʻōho aʻela lākou a moe ihola i lalo ke alo.

KA BUKE ʻAHĀ A MOSE, I KAPA ʻIA NĀ HELU 14:18

‘Ua ahonui ʻo Iēhova, a ua nui kona lokomaikaʻi, e kala ana i ka hewa a me ka lawehala ʻana, ʻaʻole loa hoʻi e hoʻāpono wale mai ana; e hoʻopaʻi ana naʻe i ko ka makua lawehala ma luna o nā keiki a hiki aku i ke kuakahi a me ke kualua.’

KA BUKE ʻAHĀ A MOSE, I KAPA ʻIA NĀ HELU 14:19

“Ke noi aku nei au iā ʻoe, e kala mai ʻoe i ka hala o kēia poʻe kānaka, e like me ka nui o kou lokomaikaʻi; e like hoʻi me kāu i kala mai ai i kēia poʻe kānaka mai ʻAigupita mai, a hiki i kēia manawa.”

KA BUKE ʻAHĀ A MOSE, I KAPA ʻIA NĀ HELU 16:3

Hōʻuluʻulu aʻela lākou e kūʻē iā Mose a iā ʻAʻarona, ʻī maila iā lāua, “He nui loa kā ʻolua; no ka mea, ua laʻa ke anaina kanaka a pau loa, a ʻo Iēhova kekahi i waena o lākou; no ke aha lā hoʻi ʻolua e hoʻokiʻekiʻe aʻe nei iā ʻolua iho ma luna o ke anaina kanaka o Iēhova?”

KA BUKE ʻAHĀ A MOSE, I KAPA ʻIA NĀ HELU 9:22

Inā hoʻi i noho ke ao ma luna o ka halelewa i nā lā ʻelua, i ka malama paha, a i ka makahiki paha, e kau ana ma laila, noho ihola nā mamo a ʻIseraʻela i loko o ko lākou mau hale lole, ʻaʻole lākou i hele; aia i ka wā i piʻi aʻe ia, hele lākou.

KA ʻEUANELIO I KĀKAU ʻIA AI E MATAIO 1:23

“«Aia hoʻi, e hāpai ana kekahi wahine puʻupaʻa, a e hānau mai ia i Keiki Kāne, a e kapa ʻia kona inoa ʻo ʻEmanuʻela»;” ʻo ke ʻano kēia, “«ʻo ke Akua me kākou».”

ʻO KA ʻEPISETOLE A PAULO KA LUNAʻŌLELO I KO ROMA 6:14

ʻO ia, ʻaʻole e lanakila ka hewa ma luna o ʻoukou; no ka mea, ʻaʻole ʻoukou ma lalo o ke kānāwai; akā, ma lalo nō ʻoukou o ka lokomaikaʻi.

ʻO KA ʻEPISETOLE A PAULO KA LUNAʻŌLELO I KO ROMA 8:1

¶ ʻĀnō hoʻi, ʻaʻole he hoʻohewa ʻia no ka poʻe i loko o Kristo Iesū, ka poʻe hele ʻole ma muli o ke kino, ma muli nō o ka ʻUhane.

ʻO KA ʻEPISETOLE LUA A PAULO KA LUNAʻŌLELO I KO KORINETO 2:14

¶ E hoʻomaikaʻi ʻia aku ke Akua nāna mākou e hoʻolanakila mau mai i loko o Kristo, me ka hoʻolaha aku i ke ʻala o kona naʻauao i nā wahi a pau, ma o mākou nei.

ʻO KA ʻEPISETOLE LUA A PAULO KA LUNAʻŌLELO I KO KORINETO 5:19

Pēnēia, ke hoʻolauleʻa nei ke Akua i ko ke ao nei nona iho ma o Kristo lā, ʻaʻole nō e hoʻopili ana i ko lākou hewa iā lākou; a ua waiho maila hoʻi iā mākou i ka ʻōlelo e hoʻolauleʻa aku ai.

ʻO KA ʻEPISETOLE LUA A PAULO KA LUNAʻŌLELO I KO KORINETO 6:16

Pehea hoʻi e kū like ai ka luakini o ke Akua me ko nā kiʻi? No ka mea, ʻo ʻoukou ka luakini o ke Akua ola; e like me kā ke Akua i ʻōlelo mai ai, “«E noho pū auaneʻi au me lākou, a e hele pū hoʻi; ʻO wau auaneʻi ko lākou Akua, a ʻo lākou hoʻi auaneʻi koʻu poʻe kānaka».”

KA BUKE ʻALIMA A MOSE, I KAPA ʻIA KĀNĀWAI LUA 31:23

¶ A kauoha akula ʻo ia iā Iosua i ke keiki a Nuna, ʻī akula, “E ikaika ʻoe, e koa hoʻi; no ka mea, nāu nō e hoʻokomo nā mamo a ʻIseraʻela i loko o ka ʻāina aʻu i hoʻohiki ai iā lākou; a ʻo wau pū kekahi me ʻoe.”

KA BUKE ʻALIMA A MOSE, I KAPA ʻIA KĀNĀWAI LUA 32:5

“Ua hana ʻino lākou, ʻaʻole noho i keiki nāna; ʻO ia ko lākou kīnā: He hanauna ʻino lākou, a me ka lauwili.

KA BUKE ʻALIMA A MOSE, I KAPA ʻIA KĀNĀWAI LUA 33:5

“He aliʻi ʻo ia i loko o Iesuruna, I ka wā i hoʻākoakoa pū ai nā luna o kānaka, A i hōʻuluʻulu ai nā ʻohana o kā ʻIseraʻela.

KA BUKE ʻALIMA A MOSE, I KAPA ʻIA KĀNĀWAI LUA 9:24

“He poʻe kipi ʻoukou iā Iēhova mai ka manawa mai o kuʻu ʻike ʻana iā ʻoukou.

KA BUKE NO NĀ LUNA KĀNĀWAI 6:13

ʻĪ akula ʻo Gideona iā ia, “E kuʻu Haku ē, inā ʻo Iēhova kekahi pū me mākou, no ke aha lā mākou i loʻohia i kēia mau mea a pau? ʻAuhea kāna mau hana mana nui, a ko mākou poʻe mākua i haʻi mai ai iā mākou, i ka ʻī ʻana mai, ‘ʻAʻole anei i lawe mai ʻo Iēhova iā kākou, mai ʻAigupita mai?’ Akā, ua haʻalele mai ʻo Iēhova iā kākou, a ua hāʻawi iā kākou i loko o nā lima o ko Midiana.”

KA BUKE MUA A SAMUʻELA 25:28

“Ke noi aku nei au iā ʻoe, e kala aʻe ʻoe i ka hala o kāu kauā wahine; no ka mea, e hana ʻiʻo mai nō ʻo Iēhova i hale mau no kuʻu haku; no ke kaua ʻana a kuʻu haku i nā kaua o Iēhova, ʻaʻole i loaʻa ka hewa i loko ou i kou mau lā.