KA BUKE ʻAHĀ A MOSE, I KAPA ʻIA NĀ HELU 23:19 - Ka Baibala Hemolele

¹⁹ “ʻAʻole ke Akua he kanaka, i hoʻopunipuni mai ai ia, ʻAʻole hoʻi ia he keiki a ke kanaka i mihi ia. Ua ʻī mai nō ia, ʻaʻole anei ia e hana mai nō hoʻi? Ua ʻōlelo mai nō ʻo ia, ʻaʻole anei ia e hoʻokō?

KA BUKE ʻAHĀ A MOSE, I KAPA ʻIA NĀ HELU 23:19 Iomraidhean Croise

KA BUKE MUA A MOSE, I KAPA ʻIA KINOHI 26:3

“E noho ʻoe ma kēia ʻāina, a me ʻoe pū nō wau, a e hoʻopōmaikaʻi aku nō wau iā ʻoe; no ka mea, e hāʻawi aku auaneʻi au nou, a no kāu poʻe mamo i kēia mau ʻāina a pau; a e hoʻokō auaneʻi au i ka hoʻohiki ʻana aʻu i hoʻohiki ai i kou makua kāne iā ʻAberahama.

KA BUKE MUA A MOSE, I KAPA ʻIA KINOHI 28:15

“Aia hoʻi, me ʻoe nō wau, a e mālama auaneʻi iā ʻoe i nā wahi a pau āu e hele ai, a e hoʻihoʻi mai nō wau iā ʻoe i kēia ʻāina; no ka mea, ʻaʻole au e haʻalele iā ʻoe, a pau i ka hana ʻia e aʻu ka mea aʻu i ʻōlelo aku ai iā ʻoe.”

KA BUKE MUA NO NĀ ALIʻI 14:11

“ʻO ka mea a Ieroboama e make i loko o ke kūlanakauhale, ʻo ia kā nā ʻīlio e ʻai ai, a ʻo ka mea e make ma ke kula, ʻo ia kā nā manu o ka lewa e ʻai ai!”’

KA BUKE ʻALUA NO NĀ ALIʻI 15:12

ʻO ia ka ʻōlelo a Iēhova āna i ʻōlelo mai ai iā Iehu, ʻī maila, “E noho kāu poʻe keiki ma luna o ka noho aliʻi o kā ʻIseraʻela, a hiki i ke kualua.” A pēlā ʻiʻo nō.

KA BUKE ʻALUA NO NĀ ALIʻI 7:2

A laila kekahi luna kiaʻi no ke aliʻi ka mea āna i hilinaʻi ai ma kona lima, ʻōlelo maila ia i ke kanaka o ke Akua, ʻī maila, “Aia hoʻi, inā e hana mai ʻo Iēhova i nā puka ma ka lani, e hiki mai anei kēia mea?” ʻĪ akula ia, “E ʻike auaneʻi kou mau maka, akā, ʻaʻole ʻoe e ʻai ia mea.”

KA BUKE MUA O KA ʻOIHANA ALIʻI 17:17

“He mea ʻuʻuku hoʻi kēia i mua o kou maka, e ke Akua; a ua ʻōlelo mai hoʻi ʻoe no ka ʻohana a kāu kauā a liʻuliʻu aku ma hope; a ua hoʻomanaʻo mai ʻoe iaʻu ma kā ke kanaka kiʻekiʻe, e Iēhova ke Akua.

KA BUKE O NĀ HALELŪ 110:4

¶ Ua hoʻohiki maila ʻo Iēhova, ʻaʻole hoʻi ʻo ia e luli aʻe, “He kahuna mau loa nō ʻoe, ma muli o ke ʻano o Melekizedeka.”

KA BUKE O NĀ HALELŪ 132:11

Hoʻohiki maila ʻo Iēhova iā Dāvida ma ka ʻoiaʻiʻo, ʻAʻole loa ʻo ia i huli, mai ia mea aku, “ʻO ka hua o kou kino kaʻu e hoʻonoho ai ma luna o kou noho aliʻi.

KA BUKE O NĀ HALELŪ 77:9

Ua hoʻopoina anei ke Akua i ka lokomaikaʻi? Ua pūliki anei ʻo ia i kona aloha i loko o ka huhū? Sila

KA BUKE O NĀ HALELŪ 89:34

“ʻAʻole au e ʻaʻe ma luna o kaʻu berita, ʻAʻole hoʻi e hoʻololi i ka ʻōlelo i puka aku ma koʻu lehelehe.

KA BUKE O NĀ HALELŪ 89:35

“Hoʻokahi nō koʻu hoʻohiki ʻana i koʻu hemolele, ʻAʻole au e wahaheʻe aku iā Dāvida.

KA WĀNANA A ʻISAIA 21:17

“ʻO ke koena o ka poʻe i helu ʻia o ka poʻe akamai i ka pana, ʻo nā koa hoʻi o Kedara, e emi nō lākou; no ka mea, ua ʻōlelo mai nō ʻo Iēhova, ke Akua o kā ʻIseraʻela.”

KA WĀNANA A ʻISAIA 31:2

He akamai nō hoʻi ʻo ia, A e hoʻopuka mai nō ia i ka hewa, ʻAʻole ia e kāpae i kāna mau ʻōlelo; Akā, e ala mai nō ʻo ia i luna e kūʻē i ka hale o ka poʻe hana hewa, E kūʻē hoʻi i ka poʻe kōkua i nā mea hana hewa.

KA WĀNANA A ʻISAIA 40:8

Mimino ka mauʻu, a mae wale ka pua; Akā, ʻo ka ʻōlelo a ko kākou Akua, e kūpaʻa mau loa nō ia.

KA WĀNANA A ʻISAIA 46:11

“Hea aku nō wau i ka manu huhū, mai ka hikina mai, I ke kanaka hoʻi aʻu i manaʻo ai, mai ka ʻāina mamao aku; ʻO ia, ua ʻōlelo nō wau, a naʻu hoʻi ia e hana; Ua manaʻo nō wau, a e hana ʻiʻo nō hoʻi au ia.

KA WĀNANA A ʻISAIA 55:11

“Pēlā auaneʻi kaʻu ʻōlelo, ka mea i puka aku, mai koʻu waha aku, ʻAʻole ia e hoʻi nele mai iaʻu; Akā, e hana nō ia i ka mea aʻu e makemake ai, A e hoʻokō ʻiʻo ia i ka mea aʻu e hoʻouna aku ai iā ia.

KA WĀNANA A IEREMIA 4:28

“No kēia mea, e kūmākena ai ka honua, A e pouli hoʻi nā lani ma luna; No ka mea, ua ʻōlelo nō wau, Ua paʻa kuʻu manaʻo, ʻaʻole hoʻi au e mihi ana, ʻAʻole au e huli, mai ia manaʻo aku.”

KA BUKE NO DANIʻELA 4:28

¶ “A kau mai nō kēia mau mea a pau ma luna o Nebukaneza ke aliʻi.

HOSEA 11:9

ʻAʻole au e hoʻopaʻi aku me kuʻu inaina nui, ʻAʻole au e huli aʻe e luku aku iā ʻEperaima; No ka mea, ʻo wau nō ke Akua, ʻaʻole he kanaka, Ma loko ou ka Mea Hemolele; ʻAʻole au e hele mai me ka huhū.

MIKA 7:20

A e hāʻawi mai nō ʻoe i ka ʻoiaʻiʻo iā Iakoba, A me ka lokomaikaʻi iā ʻAberahama, Ka mea āu i hoʻohiki ai i ko mākou mau kūpuna Mai ka wā kahiko mai.

HABAKUKA 2:3

“No ka mea, ʻo ka mea i ʻikea no ka manawa maopopo ia; A ke lalelale nei i ka hope, ʻaʻole ia e hoʻopunipuni; Inā e hoʻokaʻulua ʻia ʻo ia, e kali ʻoe iā ia; No ka mea, e hiki ʻiʻo mai nō ia, ʻaʻohe ia e hoʻokaʻulua.

MALAKI 3:6

“No ka mea, ʻo wau nō Iēhova, ʻaʻole au e lauwili; no laila, ʻaʻole ʻoukou i hoʻopau ʻia, e nā mamo o Iakoba.

KA BUKE ʻAHĀ A MOSE, I KAPA ʻIA NĀ HELU 14:35

‘ʻO wau ʻo Iēhova ka mea i ʻōlelo, a he ʻoiaʻiʻo nō, e hana aku nō wau ia i kēia anaina kanaka ʻino a pau, i ka poʻe i ʻākoakoa e kūʻē iaʻu. Ma kēia wao nahele lākou e hoʻopau ʻia ai, a i laila hoʻi e make ai lākou.’”

KA BUKE ʻAHĀ A MOSE, I KAPA ʻIA NĀ HELU 23:18

Haʻi akula ia i kāna ʻōlelo nane, ʻī akula, “E kū aʻe ʻoe i luna, e Balaka, e hoʻolohe mai! E maliu mai ʻoe iaʻu, e ke keiki a Zipora!

KA ʻEUANELIO I KĀKAU ʻIA AI E LUKA 21:33

“E lilo nō ka lani, a me ka honua; akā, ʻo kaʻu mau ʻōlelo, ʻaʻole loa ia e lilo.

ʻO KA ʻEPISETOLE A PAULO KA LUNAʻŌLELO I KO ROMA 11:29

No ka mea, ʻo nā haʻawina a me ke koho ʻana a ke Akua, me ka luli ʻole nō ia.

ʻO KA ʻEPISETOLE A PAULO KA LUNAʻŌLELO I KO ROMA 9:6

¶ ʻAʻole naʻe i hāʻule wale ka ʻōlelo a ke Akua. No ka mea, ʻaʻole ka poʻe ʻIseraʻela lākou a pau na ʻIseraʻela mai;

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 2:13

A inā e kūpaʻa ʻole kākou, ʻo ia naʻe ke kūpaʻa mau; ʻaʻole e hiki iā ia ke hōʻole iā ia iho.

ʻO KA ʻEPISETOLE A PAULO IĀ TITO 1:2

me ka manaʻolana i ke ola mau loa a ke Akua hoʻopunipuni ʻole i ʻōlelo mua mai ai ma mua loa aku o kēia ao;

ʻO KA ʻEPISETOLE A PAULO KA LUNAʻŌLELO I KO HEBERA 6:18

ma nā mea luli ʻole ʻelua, kahi i hiki ʻole ai i ke Akua he hoʻopunipuni, e hoʻohoihoi loa ʻia mai ai kākou ka poʻe i holo i ka puʻuhonua, e hoʻopaʻa i ka manaʻolana i waiho ʻia mai ma ko kākou alo.

ʻO KA ʻEPISETOLE A PAULO KA LUNAʻŌLELO I KO HEBERA 7:21

(no ka mea, ua hoʻolilo ʻia aʻe kēlā poʻe i kāhuna, me ka hoʻohiki ʻole; akā, ʻo ia nei me ka hoʻohiki ʻana e ka Mea nāna i ʻōlelo iā ia, “«Ua hoʻohiki ka Haku, ʻAʻole hoʻi ia e loli hou aʻe, ‘He kahuna mau loa ʻoe ma muli o ke ʻano o Melekisedeka»’”);

ʻO KA ʻEPISETOLE HOʻOLAHA A IAKOBO 1:17

ʻO nā haʻawina maikaʻi a pau a me nā makana hemolele a pau, no luna mai ia i iho mai ai no ka Makua mai o ka mālamalama, ʻaʻole ona ʻano hou, ʻaʻole loa ia e luli iki.

ʻO KA ʻEPISETOLE HOʻOLAHA A IAKOBO 4:5

Ke manaʻo nei anei ʻoukou ua ʻōlelo wale mai ka Palapala, “Ua kuko nō ka ʻuhane e noho ana i loko o kākou me ka huāhuā”?

KA BUKE A IOSUA 21:45

ʻAʻole hāʻule kekahi mea o nā mea maikaʻi a Iēhova i ʻōlelo mai ai i ka hale o kā ʻIseraʻela. Ua pau i ka hoʻokō ʻia mai.

KA BUKE MUA A SAMUʻELA 15:29

“ʻAʻole nō hoʻi e hoʻopunipuni ka ʻOiaʻiʻo o kā ʻIseraʻela, ʻaʻole hoʻi ia e mihi; no ka mea, ʻaʻole nō ia he kanaka, i mihi ai ʻo ia.

KA BUKE MUA A SAMUʻELA 3:12

“Ia lā nō hoʻokō aku au ma luna o ʻEli i nā mea a pau aʻu i ʻōlelo ai no kona hale, ʻo ka hoʻomaka ʻana, a me ka hoʻopau ʻana.