KA BUKE ʻAHĀ A MOSE, I KAPA ʻIA NĀ HELU 22:3 - Ka Baibala Hemolele

³ Makaʻu loa ihola ʻo Moaba i ua poʻe kānaka lā; no ka mea, he lehulehu lākou; a ua pilikia ʻo Moaba no nā mamo a ʻIseraʻela.

KA BUKE ʻAHĀ A MOSE, I KAPA ʻIA NĀ HELU 22:3 Iomraidhean Croise

KA BUKE A NEHEMIA 13:2

No ka mea, ʻaʻole lākou i hele aku e hālāwai me kā ʻIseraʻela me ka berena a me ka wai; akā, kūʻē iā lākou a hoʻolimalima iā Balaʻama e hōʻino iā lākou; hoʻololi nō naʻe ko kākou Akua i ka hōʻino ʻana i hoʻomaikaʻi ana.

KA BUKE O NĀ HALELŪ 53:5

Ma laila makaʻu loa lākou ma kahi makaʻu ʻole; No ka mea, ua hoʻoheleleʻi ke Akua i nā iwi o ka mea hoʻomoana kūʻē iā ʻoe; Ua hoʻohilahila ʻoe iā lākou, No ka mea, ua hoʻowahāwahā mai ke Akua iā lākou.

KA BUKE ʻALUA A MOSE, I KAPA ʻIA PUKA ʻANA 1:12

E like me ko lākou hoʻoluhi ʻana mai, pēlā nō hoʻi ko lākou nei māhuahua, a me ka pālahalaha ʻana aku. A makaʻu loa lākou i nā mamo a ʻIseraʻela.

KA BUKE ʻALUA A MOSE, I KAPA ʻIA PUKA ʻANA 15:15

“A laila, e weliweli mai nā aliʻi o ʻEdoma, E loʻohia nō hoʻi ka poʻe ikaika o Moaba i ka haʻalulu, E heheʻe auaneʻi ka poʻe a pau e noho ana ma Kanaʻana.

KA BUKE ʻALUA A MOSE, I KAPA ʻIA PUKA ʻANA 23:27

“Naʻu nō e hāʻawi i ka makaʻu ma mua ou, a naʻu nō e luku aku i nā kānaka a pau, ma kahi āu e hele aku ai, a naʻu nō e hana aku i kou poʻe ʻenemi, i huli ai ko lākou kua iā ʻoe.

KA WĀNANA A ʻISAIA 23:5

A hiki aku ka lohe i ʻAigupita, E nahu hoʻokīnā lākou, no ka lohe ʻana iā Turo.

KA BUKE ʻALIMA A MOSE, I KAPA ʻIA KĀNĀWAI LUA 2:25

ʻI kēia lā e hoʻomaka ai au e kau i ka makaʻu iā ʻoe, a me ka weliweli iā ʻoe, ma luna o nā lāhui kanaka ma lalo aʻe o ka lani a pau, ka poʻe i lohe i kou kaulana ʻana, a e haʻalulu lākou, a e pilihua auaneʻi nou.’

KA BUKE A IOSUA 2:24

ʻŌlelo akula lāua iā Iosua, “Ua hāʻawi ʻiʻo mai nō ʻo Iēhova i ka ʻāina a pau i ko kākou lima; no ka mea, ua maʻule hoʻi ka poʻe a pau e noho ana ma ia ʻāina, no kākou.”

KA BUKE A IOSUA 9:24

ʻŌlelo mai lākou iā Iosua, ʻī maila, “No ka haʻi maopopo ʻia mai i kāu poʻe kauā nei, ka mea a Iēhova kou Akua i kauoha mai ai i kāna kauā iā Mose, e hāʻawi mai i ka ʻāina a pau no ʻoukou, a e luku hoʻi i nā kānaka a pau o ka ʻāina, i mua o ʻoukou; no laila, i makaʻu loa ai mākou i ko mākou ola, no ʻoukou, a ua hana hoʻi i kēia mea.