KA BUKE ʻAHĀ A MOSE, I KAPA ʻIA NĀ HELU 21:7 - Ka Baibala Hemolele

⁷ No ia mea, hele maila nā kānaka i o Mose lā, ʻī maila, “Ua hana hewa mākou; no ka mea, ua ʻōlelo ʻino aku mākou iā Iēhova a iā ʻoe; e pule aku ʻoe iā Iēhova, e lawe aku ia i nā nahesa mai o mākou aku nei.” A pule akula ʻo Mose no nā kānaka.

KA BUKE ʻAHĀ A MOSE, I KAPA ʻIA NĀ HELU 21:7 Iomraidhean Croise

KA BUKE MUA A MOSE, I KAPA ʻIA KINOHI 20:17

Pule akula ʻo ʻAberahama i ke Akua, a hoʻōla maila ke Akua iā ʻAbimeleka, me kāna wahine a me kāna poʻe kauā wahine; a hānau keiki lākou.

KA BUKE MUA A MOSE, I KAPA ʻIA KINOHI 20:7

“No ia mea hoʻi, e hoʻihoʻi aku na ua kanaka lā i kāna wahine; no ka mea, he kāula ia, a nāna nō e pule mai nou, i ola ai ʻoe; a i ʻole ʻoe e hoʻihoʻi mai iā ia, a laila e ʻike pono ʻoe, he ʻoiaʻiʻo e make nō ʻoe, ʻo ʻoe a me ou poʻe a pau”

KA BUKE MUA NO NĀ ALIʻI 13:6

ʻŌlelo maila hoʻi ke aliʻi, ʻī maila i ke kanaka o ke Akua, “E nonoi aku ʻoe i ka maka o Iēhova kou Akua, a e pule aku noʻu, i hoʻōla hou ʻia mai koʻu lima noʻu.” A nonoi akula ke kanaka o ke Akua iā Iēhova, a ua hoʻōla hou ʻia ko ke aliʻi lima nona, a lilo hoʻi ia e like me ma mua.

KA BUKE ʻALUA NO NĀ ALIʻI 13:4

A nonoi akula ʻo Iehoahaza iā Iēhova, a hoʻolohe mai ʻo Iēhova iā ia; no kona ʻike ʻana i ke kaumaha o kā ʻIseraʻela; no ka mea, ua hoʻokaumaha ke aliʻi o Suria iā lākou.

KA BUKE NO IOBA 42:10

¶ A hoʻololi aʻela ʻo Iēhova i ke pio ʻana o Ioba, i ka manawa i pule aku ai ia no kona mau hoalauna; a hāʻawi pālua akula ʻo Iēhova i kā Ioba mau mea a pau.

KA BUKE NO IOBA 42:8

“ʻĀnō hoʻi, e lawe ʻoukou no ʻoukou iho i ʻehiku bipi kāne, a i ʻehiku hipa kāne, a e hele aku i kaʻu kauā iā Ioba, a e kaumaha i mōhai kuni no ʻoukou; a e pule aku ʻo Ioba kaʻu kauā no ʻoukou; no ka mea, ʻo ia kaʻu e maliu ai, o hana aku au iā ʻoukou e like me kā ʻoukou lapuwale; no ka mea, ʻaʻole ʻoukou i ʻōlelo mai noʻu i ka mea pono e like me kaʻu kauā, ʻo Ioba.”

KA BUKE O NĀ HALELŪ 106:23

A laila, ʻōlelo nō ʻo ia e luku iā lākou, Inā i kū ʻole ʻo Mose, kona mea i wae ʻia ma ka hakahaka i mua ona, E pale aku i kona huhū i ʻole ia e luku mai.

KA BUKE O NĀ HALELŪ 78:34

¶ Inā luku ʻo ia iā lākou, a laila, nonoi aku lākou iā ia, Huli aʻela nō hoʻi, a ʻimi i ke Akua.

KA BUKE ʻALUA A MOSE, I KAPA ʻIA PUKA ʻANA 10:17

“Ke noi aku nei au, e kala mai nō hoʻi ʻolua i kēia hewa hoʻokahi ʻana nō, a e nonoi aku ai Iēhova i ko ʻoukou Akua, i lawe aku ai ia i kēia make wale nō, mai oʻu aku nei.

KA BUKE ʻALUA A MOSE, I KAPA ʻIA PUKA ʻANA 32:11

Nonoi akula ʻo Mose ma ke alo o Iēhova, ʻo kona Akua, ʻī akula, “E Iēhova, no ke aha lā i wela ai kou huhū i kou poʻe kānaka āu i lawe mai ai, mai ka ʻāina ʻo ʻAigupita mai, me ka mana nui, a me ka lima ikaika?

KA BUKE ʻALUA A MOSE, I KAPA ʻIA PUKA ʻANA 32:30

¶ A ia lā iho, ʻī maila ʻo Mose i nā kānaka, “Ua lawehala loa ʻoukou; ke piʻi aku nei nō hoʻi au i o Iēhova lā; e hana paha wau i mea e kala ʻia mai ai ko ʻoukou hewa.”

KA BUKE ʻALUA A MOSE, I KAPA ʻIA PUKA ʻANA 8:28

ʻĪ maila ʻo Paraʻo, “E hoʻokuʻu aku nō wau iā ʻoukou, i kaumaha aku ai ʻoukou na Iēhova ko ʻoukou Akua, ma ka wao nahele; akā, mai hele aku ʻoukou i kahi mamao. E pule aku ʻolua noʻu.”

KA BUKE ʻALUA A MOSE, I KAPA ʻIA PUKA ʻANA 8:4

“A e hele mai auaneʻi nā rana ma luna ou, a ma luna o kou poʻe kānaka, a ma luna o kāu poʻe kauā a pau.”’”

KA BUKE ʻALUA A MOSE, I KAPA ʻIA PUKA ʻANA 8:8

¶ A laila, hea maila ʻo Paraʻo iā Mose a me ʻAʻarona, ʻī maila, “E pule aku ʻolua iā Iēhova, i lawe aku ia i nā rana mai oʻu aku nei, a mai koʻu poʻe kānaka aku, a e hoʻokuʻu nō wau i nā kānaka, i kaumaha ai lākou na Iēhova.”

KA WĀNANA A ʻISAIA 26:16

E Iēhova, ma loko o ke kaumaha, ua ʻimi aku lākou iā ʻoe, I ka wā i hoʻokaumaha ai ʻoe iā lākou, nonoi ikaika loa aku lākou.

KA WĀNANA A IEREMIA 15:1

¶ A laila, ʻōlelo maila ʻo Iēhova iaʻu, “Inā i kū mai ʻo Mose, a me Samuʻela i mua oʻu, ʻaʻole nō e kau koʻu manaʻo ma kēia poʻe kānaka. E kiola iā lākou mai koʻu alo aku, a e puka aku lākou i waho.

KA WĀNANA A IEREMIA 37:3

¶ A hoʻouna aʻela ʻo Zedekia, ke aliʻi iā Iehukala, ke keiki a Selemia, a me Zepania, ke keiki a Maʻaseia ke kahuna, i o Ieremia lā, ʻī aʻela, “E pule ʻoe iā Iēhova, i ko kākou Akua, no kākou.”

HOSEA 5:15

E hele au a e hoʻi aku i koʻu wahi, A e hoʻopaʻi ʻia lākou, a e ʻimi mai i kuʻu maka; I ko lākou wā pilikia e ʻimi koke mai lākou iaʻu.

KA BUKE ʻAHĀ A MOSE, I KAPA ʻIA NĀ HELU 11:2

Kāhea akula nā kānaka iā Mose, a pule akula ʻo Mose iā Iēhova, a laila pio ihola ke ahi.

KA ʻEUANELIO I KĀKAU ʻIA AI E MATAIO 27:4

ʻī akula, “Ua hewa wau i kuʻu kumakaia ʻana aku i ke koko hala ʻole.” ʻĪ maila lākou, “He aha ia iā mākou? Iā ʻoe aku nō ia mea!”

NĀ ʻOIHANA A KA POʻE LUNAʻŌLELO 8:24

ʻŌlelo akula ʻo Simona, ʻī akula, “E pule aku ʻolua i ka Haku noʻu i hiki ʻole mai ai kēia mau mea a ʻolua e ʻōlelo mai nei ma luna oʻu.”

ʻO KA ʻEPISETOLE A PAULO KA LUNAʻŌLELO I KO ROMA 10:1

¶ E nā hoahānau, eia ka makemake ʻiʻo o koʻu naʻau, a me kaʻu pule i ke Akua, no lākou, e ola lākou.

KA BUKE ʻALIMA A MOSE, I KAPA ʻIA KĀNĀWAI LUA 9:20

“A huhū nui mai nō hoʻi ʻo Iēhova iā ʻAʻarona e pepehi iā ia; a pule aku au no ʻAʻarona hoʻi i kēlā manawa.

ʻO KA ʻEPISETOLE HOʻOLAHA A IAKOBO 5:16

E haʻi aku i ko ʻoukou mau hewa kekahi i kekahi, a e pule hoʻi kekahi no kekahi, i pohala ai ʻoukou. ʻO ka pule ikaika a ke kanaka pono e lanakila nui ia.

KA BUKE MUA A SAMUʻELA 15:24

¶ ʻĪ maila ʻo Saula iā Samuʻela, “Ua hewa au; no ka mea, ua mālama ʻole au i ke kauoha a Iēhova, a me kāu mau ʻōlelo, no kuʻu makaʻu ʻana i nā kānaka, a ua hoʻolohe au i ko lākou leo.

KA BUKE MUA A SAMUʻELA 15:30

ʻĪ maila ia, “Ua hewa au; ke noi aku nei au iā ʻoe, ʻānō e hoʻomaikaʻi mai ʻoe iaʻu i mua o nā lunakahiko o kuʻu poʻe kānaka, a i mua hoʻi o kā ʻIseraʻela, a e huli hou aʻe me aʻu, i hoʻomana aku ai au iā Iēhova i kou Akua.”