KA BUKE ʻAHĀ A MOSE, I KAPA ʻIA NĀ HELU 21:33 - Ka Baibala Hemolele

³³ ¶ Hāliu aʻela lākou, a piʻi akula ma ke alanui o Basana; a hele maila ʻo ʻOga ke aliʻi o Basana e kūʻē mai iā lākou, ʻo ia a me kona poʻe kānaka a pau, i ke kaua ma ʻEderei.

KA BUKE ʻAHĀ A MOSE, I KAPA ʻIA NĀ HELU 21:33 Iomraidhean Croise

KA BUKE O NĀ HALELŪ 135:11

Iā Sihona ke aliʻi o ko ʻAmora, iā ʻOga hoʻi ke aliʻi o Basana, A me ko nā aupuni a pau o Kanaʻana.

KA BUKE O NĀ HALELŪ 136:20

Iā ʻOga hoʻi, ke aliʻi o Basana, No ka mea, ua mau loa kona lokomaikaʻi;

KA BUKE O NĀ HALELŪ 22:12

He nui nā bipi kāne i hoʻopuni mai iaʻu; Ua puni au i nā mea ikaika no Basana.

KA BUKE O NĀ HALELŪ 68:15

¶ ʻO ka mauna o ke Akua, ka Mauna Basana; He mauna kiʻekiʻe, ka Mauna Basana.

KA BUKE O NĀ HALELŪ 68:22

ʻĪ maila ke Akua, “Mai Basana mai e alakaʻi hou mai au; E hoʻihoʻi mai nō hoʻi au mai loko mai o nā hohonu o ke kai;

KA WĀNANA A ʻISAIA 33:9

Ua uē ka ʻāina, ua kanikau hoʻi; Ua hilahila ʻo Lebanona, ua mae wale; Ua like ʻo Sārona me ka wao nahele; Lūlū iho ʻo Basana, a me Karemela i nā lau.

KA WĀNANA A ʻEZEKIʻELA 27:6

“No nā ʻoka o Basana i hana ai lākou i kou mau hoe; Ua hana nō hoʻi ka poʻe mamo a ʻAsura i kou mau papa noho He niho ʻelepani i lawe ʻia mai mai nā moku mai o Kitima.

KA WĀNANA A ʻEZEKIʻELA 39:18

“E ʻai nō ʻoukou i ka ʻiʻo o nā mea ikaika, a e inu nō hoʻi i ke koko o nā mōʻī o ka honua, ʻo nā hipa kāne a me nā keiki hipa a me nā kao nui a me nā bipi, ko Basana mau mea i kūpalu ʻia lākou a pau.

ʻAMOSA 4:1

¶ E hoʻolohe ʻoukou i kēia ʻōlelo, e nā bipi wahine o Basana, Nā mea ma nā mauna o Samaria, Nā mea e hoʻokaumaha ana i ka poʻe ʻilihune, Nā mea e hoʻoluhi ana i ka poʻe nele, Nā mea e ʻōlelo ana i ko lākou mau haku, “E lawe mai, a e inu kākou.”

KA BUKE ʻAHĀ A MOSE, I KAPA ʻIA NĀ HELU 32:33

¶ A hāʻawi akula ʻo Mose no lākou, no nā mamo a Gada a me nā mamo a Reubena, a me ka ʻohana hapa a Manase a ke keiki a Iosepa, i ke aupuni o Sihona ke aliʻi o kā ʻAmora, a me ke aupuni o ʻOga ke aliʻi o Basana, i ka ʻāina me nā kūlanakauhale ona, ma nā palena, nā kūlanakauhale o ia ʻāina a puni.

KA BUKE ʻALIMA A MOSE, I KAPA ʻIA KĀNĀWAI LUA 1:4

ma hope iho o kāna pepehi ʻana iā Sihona ke aliʻi o kā ʻAmora, ka mea i noho ma Hesebona, a iā ʻOga ke aliʻi o Basana, ka mea i noho ma ʻAsetarota i ʻEderei.

KA BUKE ʻALIMA A MOSE, I KAPA ʻIA KĀNĀWAI LUA 2:30

“Akā, ʻaʻole i ʻae mai ʻo Sihona, ke aliʻi o Hesebona, e hele kākou ma ona lā; no ka mea, hoʻopaʻakikī maila ʻo Iēhova kou Akua i kona naʻau, a hoʻokūʻē ʻo ia i kona manaʻo, i hoʻolilo ai ʻo ia iā ia i loko o kou lima, e like me ia i kēia lā.

KA BUKE ʻALIMA A MOSE, I KAPA ʻIA KĀNĀWAI LUA 29:7

“A hiki mai ʻoukou ma kēia wahi, ʻo Sihona ke aliʻi o Hesebona, a me ʻOga ke aliʻi o Basana, hele kūʻē maila lāua iā kākou i ke kaua, a pepehi akula kākou iā lāua.

KA BUKE ʻALIMA A MOSE, I KAPA ʻIA KĀNĀWAI LUA 32:14

“Me ka bata o ka bipi, a me ka waiū hipa, A me nā keiki hipa momona; A me nā hipa kāne no Basana, a me nā kao kāne, A me ka palaoa maikaʻi loa; Inu ihola ʻoe i ke koko hua waina, i ka waina maikaʻi.

KA BUKE ʻALIMA A MOSE, I KAPA ʻIA KĀNĀWAI LUA 4:47

A lilo kona ʻāina iā lākou, a me ka ʻāina o ʻOga, ke aliʻi o Basana, nā aliʻi ʻelua o kā ʻAmora, ma kēia ʻaoʻao o Ioredane ma ka hiki ʻana o ka lā;

KA BUKE A IOSUA 12:4

A ʻo ka mokuna o ʻOga ke aliʻi o Basana, ka mea i koe o ka poʻe Repaima, ua noho ʻo ia ma ʻAsetarota i ʻEderei,

KA BUKE A IOSUA 13:12

a me ke aupuni a pau o ʻOga, ma Basana, ka mea i aliʻi ai ma ʻAsetarota a me ʻEderei, ʻo ia ka mea i koe iho no ka poʻe Repaima; ʻo ka poʻe a Mose i pepehi ai, a i kipaku aku nō hoʻi.

KA BUKE A IOSUA 13:30

Aia ko lākou palena mai Mahanaima aʻe o Basana a pau, ʻo ke aupuni a pau o ʻOga, ke aliʻi o Basana, a me nā kauhale a pau o Iaira, aia nō ma Basana kanaono kauhale;

KA BUKE A IOSUA 9:10

a me nā mea a pau āna i hana aku ai i nā aliʻi ʻelua o kā ʻAmora, ma ʻō aku o Ioredane, iā Sihona, ke aliʻi o Hesebona, a me ʻOga, ke aliʻi o Basana, aia ma ʻAsetarota.