KA BUKE ʻAHĀ A MOSE, I KAPA ʻIA NĀ HELU 21:3 - Ka Baibala Hemolele

³ Hoʻolohe maila ʻo Iēhova i ka leo o kā ʻIseraʻela, a hoʻolilo maila i ka poʻe Kanaʻana; a luku loa akula lākou iā lākou lā, a me nā kūlanakauhale o lākou; a kapa akula ia i ka inoa o ia wahi ʻo Horema.

KA BUKE ʻAHĀ A MOSE, I KAPA ʻIA NĀ HELU 21:3 Iomraidhean Croise

KA BUKE O NĀ HALELŪ 10:17

E Iēhova, ua lohe ʻoe i ka makemake o ka poʻe haʻahaʻa; E hoʻomākaukau ana ʻoe i ko lākou naʻau, E hoʻolohe mai ana nō kou pepeiao;

KA BUKE O NĀ HALELŪ 102:17

E hāliu mai nō ʻo ia i ka pule a ka poʻe nele, ʻAʻole ia e hoʻowahāwahā i kā lākou pule ʻana.

KA BUKE O NĀ HALELŪ 116:1

¶ Ke aloha aku nei au iā Iēhova, No ka mea, ua hoʻolohe mai ʻo ia i ka leo o koʻu nonoi ʻana.

KA BUKE O NĀ HALELŪ 91:15

“E kāhea mai nō ʻo ia iaʻu, a e pane aku au iā ia; ʻO wau pū me ia ma loko o ka pōpilikia; Naʻu nō ia e hoʻopakele aʻe, a e hoʻohanohano nō hoʻi iā ia.

KA BUKE ʻAHĀ A MOSE, I KAPA ʻIA NĀ HELU 14:45

A laila, iho maila kā ʻAmeleka a me kā Kanaʻana e noho ana ma ia puʻu, pepehi ihola iā lākou, a hoʻopuehu akula a hiki i Horema.

KA BUKE ʻALIMA A MOSE, I KAPA ʻIA KĀNĀWAI LUA 1:44

“A ʻo kā ʻAmora e noho ana ma ua puʻu lā, hele mai lākou e kūʻē iā ʻoukou, a hahai mai lākou iā ʻoukou, e like me kā ka nalo meli hana ʻana, a pepehi mai iā ʻoukou ma Seira a hiki mai i Horema.

KA BUKE ʻALIMA A MOSE, I KAPA ʻIA KĀNĀWAI LUA 20:16

“Akā, ʻo nā kūlanakauhale o kēia poʻe kānaka a Iēhova kou Akua i hāʻawi mai ai nou, mai hoʻōla ʻoe i kekahi mea e hanu ana.

KA BUKE A IOSUA 12:14

ʻo ke aliʻi o Horema, hoʻokahi; ʻo ke aliʻi o ʻArada, hoʻokahi;

KA BUKE A IOSUA 15:30

‘o ʻEletolada a me Kisila, a me Horema,

KA BUKE NO NĀ LUNA KĀNĀWAI 1:17

Hele pū akula kā Iuda, me kā Simeona, kona kaikuaʻana, a luku akula lākou i ko Kanaʻana, ka poʻe i noho ma Zepata, a hoʻōki loa ihola ia wahi. Ua kapa ʻia ka inoa o ia kūlanakauhale, ʻo Horema.

KA BUKE MUA A SAMUʻELA 30:30

a na ka poʻe ma Horema, a na ka poʻe ma Koresana, a na ka poʻe ma ʻAtaka,