KA BUKE ʻAHĀ A MOSE, I KAPA ʻIA NĀ HELU 21:29 - Ka Baibala Hemolele

²⁹ “Auē ʻoe, e Moaba! Ua make nō ʻoe! E nā kānaka o Kemosa! Ua hāʻawi aku ia i kāna mau keiki kāne i pakele, A me kāna mau kaikamāhine i poʻe pio, No ke aliʻi o kā ʻAmora, no Sihona.

KA BUKE ʻAHĀ A MOSE, I KAPA ʻIA NĀ HELU 21:29 Iomraidhean Croise

KA BUKE MUA NO NĀ ALIʻI 11:33

no ka mea, ua haʻalele mai lākou iaʻu, a ua hoʻomana aʻe iā ʻAseterota ke akua wahine o ko Sidona, iā Kemosa ke akua o kā Moaba, a iā Milekoma ke akua o nā mamo a ʻAmona, ʻaʻole hoʻi i hele ma koʻu mau ʻaoʻao, e hana i ka mea pono i koʻu mau maka, i ka mālama i koʻu mau kānāwai a me koʻu mau kapu, e like me Dāvida kona makua kāne.

KA BUKE MUA NO NĀ ALIʻI 11:7

A laila hana aʻela ʻo Solomona i wahi kiʻekiʻe no Kemosa ka mea inaina ʻia ʻo kā Moaba, ma ka puʻu ma mua o Ierusalema, a no Moleka ka mea inaina ʻia o nā mamo a ʻAmona.

KA BUKE ʻALUA NO NĀ ALIʻI 23:13

A ʻo nā heiau i mua o Ierusalema, ma ka lima ʻākau o ka Mauna Make, nā mea a Solomona ke aliʻi o kā ʻIseraʻela i hana ai no ʻAseterota, ka mea hoʻopailua o ko Zidona, a no Kemosa, ka mea hoʻopailua o kā Moaba, a no Milekoma, ka mea hoʻopailua o nā mamo a ʻAmona, ʻo ia kā ke aliʻi i hoʻohaumia ai.

KA WĀNANA A ʻISAIA 15:5

“E uē nui nō koʻu naʻau no Moaba, ʻO kona poʻe i peʻe, aia nō ma Zoara, ma ʻEgelata Selesia; I ka piʻi ʻana i Luhita, piʻi lākou me ka uē iho; ʻOiaʻiʻo, ma ke ala o Horonaima lākou e uē ai no ka make.

KA WĀNANA A ʻISAIA 16:2

E like me ka manu lele, i kipaku ʻia mai kona pūnana aku, Pēlā auaneʻi nā kaikamāhine o Moaba, Ma nā ʻāhua o ʻArenona.

KA WĀNANA A IEREMIA 48:13

“A e hilahila auaneʻi ʻo Moaba iā Kemosa, e like me kā ʻIseraʻela i hilahila iā Betela, i ko lākou mea i hilinaʻi ai.

KA WĀNANA A IEREMIA 48:45

¶ “Kū nō ka poʻe i heʻe ma ka malu o Hesebona no ka ikaika ʻole; E puka mai nō naʻe ke ahi mai Hesebona mai, ʻO ka lapalapa ahi hoʻi ma loko mai i Sihona, E hoʻopau nō ia i ka mokuna ʻo Moaba, A me ka piko poʻo o nā kānaka hoʻohaunaele.

KA WĀNANA A IEREMIA 48:46

“Auē ʻoe, e Moaba! Ua make nā kānaka o Kemosa; No ka mea, ua lawe ʻia kāu mau keiki kāne, i pio kāne, A me kāu mau kaikamāhine hoʻi, i pio wahine.

KA WĀNANA A IEREMIA 48:7

“No ka mea, ua hilinaʻi ʻoe i kāu mau hana, a i kou waiwai, E pio auaneʻi ʻoe; A e hele aku ko Kemosa i loko o ke pio ʻana, Me ko lākou poʻe kāhuna, a me ko lākou poʻe aliʻi.

KA BUKE ʻAHĀ A MOSE, I KAPA ʻIA NĀ HELU 24:17

“E ʻike auaneʻi au iā ia, ʻaʻole hoʻi ʻānō; E nānā auaneʻi au iā ia, ʻaʻole hoʻi e kokoke; E puka mai auaneʻi he Hōkū mai o Iakoba mai; E kū mai ana nō hoʻi he Koʻokoʻo mai o ʻIseraʻela mai, A e luku aku nō ia i nā kihi o Moaba, A e pepehi iho ia i nā keiki hoʻohaunaele a pau.

KA BUKE NO NĀ LUNA KĀNĀWAI 11:24

‘ʻAʻole anei ʻoe e komo i kahi a Kemosa, a kou akua, e hoʻokomo ai iā ʻoe? A ʻo nā mea a pau a Iēhova a ko mākou Akua e hoʻonele ai i mua o mākou, ʻo ia kā mākou e komo ai.