KA BUKE ʻAHĀ A MOSE, I KAPA ʻIA NĀ HELU 20:16 - Ka Baibala Hemolele

¹⁶ ‘A i ka wā i hea aku ai mākou iā Iēhova, hoʻolohe maila ʻo ia i ko mākou leo, a hoʻouna maila i ʻānela, a ua hoʻopuka mai iā mākou i waho o ʻAigupita; eia hoʻi mākou ma Kadesa nei, he kūlanakauhale ma ke kihi loa o kou palena.

KA BUKE ʻAHĀ A MOSE, I KAPA ʻIA NĀ HELU 20:16 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 14:10

¶ A hoʻokokoke maila ʻo Paraʻo, ʻalawa aʻela nā maka o nā mamo a ʻIseraʻela, aia hoʻi, e hele mai ana ko ʻAigupita ma hope o lākou; makaʻu loa ihola lākou; a uē akula nā mamo a ʻIseraʻela iā Iēhova.

KA BUKE ʻALUA A MOSE, I KAPA ʻIA PUKA ʻANA 14:19

A ʻo ka ʻānela o ke Akua i hele ma mua o ke kahua hoʻomoana o kā ʻIseraʻela, hoʻi akula ia ma hope o lākou; a hele aʻela hoʻi ke kia ao mai mua aʻe o lākou, a kū ihola ma hope o lākou.

KA BUKE ʻALUA A MOSE, I KAPA ʻIA PUKA ʻANA 23:20

¶ “Aia hoʻi, e hoʻouna aku ana au i koʻu ʻānela ma mua ou, e mālama iā ʻoe ma ke ala, a e hoʻokomo iā ʻoe i kahi aʻu i hoʻomākaukau ai.

KA BUKE ʻALUA A MOSE, I KAPA ʻIA PUKA ʻANA 33:2

“A e hoʻouna aku au i koʻu ʻānela i mua ou; a naʻu nō e kipaku aku i kā Kanaʻana, i kā ʻAmora, i kā Heta, i kā Pereza, i kā Heva, a i kā Iebusa.

KA BUKE ʻALUA A MOSE, I KAPA ʻIA PUKA ʻANA 6:5

“Ua lohe hoʻi au i ka ʻūʻū ʻana o nā mamo a ʻIseraʻela, ʻo ka poʻe i hoʻoluhi ʻia ai e ko ʻAigupita; a ua hoʻomanaʻo wau i kuʻu berita.

KA BUKE NO DANIʻELA 6:22

“Ua hoʻouna mai koʻu Akua i kona ʻānela e hoʻopaʻa mai i ka waha o nā liona, i ʻole e hōʻeha mai lākou iaʻu; no ka mea, i mua ona ʻaʻole hala i loko oʻu, ʻaʻole nō hoʻi au i hana ʻino aku iā ʻoe, e ke aliʻi.”

KA BUKE ʻAHĀ A MOSE, I KAPA ʻIA NĀ HELU 20:15

i ka iho ʻana o ko mākou poʻe kūpuna i lalo i ʻAigupita, a he liʻuliʻu ko mākou noho ʻana i ʻAigupita; a hoʻopilikia mai ko ʻAigupita iā mākou a me ko mākou poʻe kūpuna.

KA BUKE ʻAHĀ A MOSE, I KAPA ʻIA NĀ HELU 21:22

“E ʻae mai ʻoe e hele aku wau ma waena o kou ʻāina; ʻaʻole mākou e kipa ma nā mahina ʻai, ʻaʻole hoʻi ma nā pā waina; ʻaʻole mākou e inu i ka wai o ka pūnāwai; e hele aku nō mākou ma ke Alanui o ke Aliʻi, a hala akula mākou mai kou mau palena aku.”

KA BUKE ʻAHĀ A MOSE, I KAPA ʻIA NĀ HELU 33:37

Hele hoʻi lākou mai Kadesa aku, a hoʻomoana ihola ma ka mauna Hora, ma ka palena o ka ʻāina ʻo ʻEdoma.

KA BUKE ʻALIMA A MOSE, I KAPA ʻIA KĀNĀWAI LUA 4:34

“Ua hoʻāʻo anei ke Akua e hele a e lawe i lāhui kanaka nona mai waena mai o kekahi lāhui kanaka, ma nā hoʻāʻo ʻana, a ma nā hōʻailona, a ma nā mea kupanaha, a ma ke kaua, a ma ka lima ikaika, a ma ka lima kākāuha, a ma nā mea weliweli nui, e like me nā mea a pau a Iēhova ko ʻoukou Akua i hana mai ai no ʻoukou ma ʻAigupita i mua o kou maka?

KA BUKE ʻALIMA A MOSE, I KAPA ʻIA KĀNĀWAI LUA 4:37

“A no kona aloha i nā kūpuna ou, ʻo ia ka mea i wae mai ai ia i kā lākou poʻe mamo ma hope o lākou, a lawe mai ʻo ia iā ʻoe i mua ona me kona mana nui mai ʻAigupita mai;

KA BUKE A IOSUA 15:1

¶ Eia ke kuleana o ka ʻohana a Iuda e like me ko lākou poʻe ʻōhua, a hiki i ka mokuna ʻo ʻEdoma; ʻo ka wao akua o Zina ma ka hema, ʻo ia ka wēlau o ko lākou ʻaoʻao hema.