KA BUKE ʻAHĀ A MOSE, I KAPA ʻIA NĀ HELU 20:12 - Ka Baibala Hemolele

¹² ʻŌlelo maila ʻo Iēhova iā Mose a me ʻAʻarona, “No ko ʻolua manaʻoʻiʻo ʻole mai iaʻu, e hoʻāno mai iaʻu i mua o nā mamo a ʻIseraʻela; no laila, ʻaʻole ʻolua e kaʻi aku i kēia anaina kanaka i ka ʻāina aʻu i hāʻawi aku ai no lākou.”

KA BUKE ʻAHĀ A MOSE, I KAPA ʻIA NĀ HELU 20:12 Iomraidhean Croise

KA BUKE ʻALUA O KA ʻOIHANA ALIʻI 20:20

¶ Ala lākou i ke kakahiaka nui, a hele lākou i ka wao nahele ʻo Tekoa; a i ko lākou hele ʻana aku, kū i luna ʻo Iehosapata, ʻōlelo akula, “E hoʻolohe mai iaʻu, e kā Iuda, a me ko Ierusalema; e manaʻoʻiʻo iā Iēhova i ko ʻoukou Akua, i hoʻokūpaʻa ʻia ʻoukou; e manaʻoʻiʻo i kāna poʻe kāula, i lanakila ʻoukou.”

KA BUKE O NĀ HALELŪ 106:32

¶ Hoʻonāukiuki aku lākou iā ia ma nā wai o Meriba, A hewa ʻo Mose, no lākou lā.

KA BUKE O NĀ HALELŪ 99:8

E Iēhova, ko mākou Akua, pane mai nō ʻoe iā lākou; ʻO ʻoe nō ke Akua nāna i kala i ko lākou hala, Hoʻopaʻi mai nō naʻe i kā lākou mau hana.

KA WĀNANA A ʻISAIA 7:9

“ʻO Samaria nō ke poʻo o ʻEperaima, a ʻo ke poʻo hoʻi o Samaria, ʻo ia ke keiki a Remalia. I ʻole ʻoukou e manaʻoʻiʻo i kēia, ʻaʻole ʻoukou e malu.”’”

KA WĀNANA A ʻISAIA 8:13

“ʻO Iēhova o nā kaua, ʻo ia kā ʻoukou e hoʻolaʻa ai, ʻO ia hoʻi kā ʻoukou e makaʻu ai, a e hopohopo hoʻi ʻoukou iā ia.

KA WĀNANA A ʻEZEKIʻELA 20:41

“E maliu au iā ʻoukou me ko ʻoukou mea ʻala ʻono, aia lawe mai au iā ʻoukou mai ka poʻe kānaka mai, a e hoʻākoakoa iā ʻoukou mai loko mai o nā ʻāina i hoʻoʻauheʻe liʻiliʻi ʻia ai ʻoukou; a e hoʻāno ʻia mai au ma o ʻoukou lā i nā maka o nā lāhui kanaka.

KA WĀNANA A ʻEZEKIʻELA 36:23

“A e hoʻāno iho i koʻu inoa nui i hoʻohaumia ʻia i waena o nā lāhui kanaka, ka mea a ʻoukou i hoʻohaumia ai i waena o lākou; a e ʻike nā lāhui kanaka ʻo wau nō Iēhova,” wahi a Iēhova ka Haku, “aia hoʻāno ʻia au e ʻoukou i mua o ko lākou mau maka.

KA WĀNANA A ʻEZEKIʻELA 38:10

¶ ‘Ke ʻī mai nei Iēhova ka Haku, penei, “Ia lā nō e hiki nō, a e kupu kekahi mau mea ma loko o kou naʻau, a e noʻonoʻo nō ʻoe i ka manaʻo ʻino.

KA BUKE ʻAKOLU A MOSE, I KAPA ʻIA ʻOIHANA KAHUNA 10:3

A laila ʻōlelo aʻela ʻo Mose iā ʻAʻarona, “ʻO ka mea kēia a Iēhova i ʻōlelo mai ai, i ka ʻī ʻana, “E hoʻāno ʻia mai nō wau e ka poʻe e hoʻokokoke mai i oʻu nei, A e hoʻonani ʻia mai hoʻi au ma ke alo o nā kānaka a pau.’” A hakanū ihola ʻo ʻAʻarona.

KA BUKE ʻAHĀ A MOSE, I KAPA ʻIA NĀ HELU 11:15

“A i hana mai ʻoe pēlā iaʻu, ʻeā, ke nonoi aku nei au iā ʻoe, e pepehi mai ʻoe iaʻu a make, inā paha i loaʻa iaʻu ka lokomaikaʻi ʻia mai i mua o kou mau maka, a ʻike ʻole au i kuʻu pōpilikia ʻana!”

KA BUKE ʻAHĀ A MOSE, I KAPA ʻIA NĀ HELU 20:24

“E hui pū ʻia aku ʻo ʻAʻarona me kona poʻe kānaka; ʻaʻole ia e komo i ka ʻāina aʻu i hāʻawi aku ai no nā mamo a ʻIseraʻela; no ka mea, ua kūʻē mai ʻolua i kaʻu ʻōlelo ma ka wai Meriba.

KA BUKE ʻAHĀ A MOSE, I KAPA ʻIA NĀ HELU 27:14

“No ka mea, ua kūʻē mai ʻolua i kaʻu ʻōlelo ma ka wao nahele ʻo Zina, kahi i hakakā ai ke anaina kanaka; ʻaʻole ʻolua i hoʻāno mai iaʻu ma ka wai i mua o ko lākou mau maka”; ʻo ia ka wai o Meriba ma Kadesa ma ka wao nahele ʻo Zina.

KA ʻEUANELIO I KĀKAU ʻIA AI E MATAIO 17:17

ʻŌlelo maila ʻo Iesū, ʻī maila, “E ka hanauna manaʻoʻiʻo ʻole a me ka hewa! Pehea hoʻi ka lōʻihi o koʻu noho pū ʻana me ʻoukou? Pehea hoʻi ka lōʻihi o koʻu hoʻomanawanui ʻana aku iā ʻoukou? E lawe mai iā ia i oʻu nei.”

KA ʻEUANELIO I KĀKAU ʻIA AI E MATAIO 17:20

ʻĪ maila ʻo Iesū iā lākou, “No ko ʻoukou manaʻoʻiʻo ʻole. He ʻoiaʻiʻo kaʻu e ʻōlelo aku nei iā ʻoukou, inā he like ko ʻoukou manaʻoʻiʻo me kekahi hua mākeke, a ʻōlelo aku paha ʻoukou i kēia mauna, ‘E neʻe aku ʻoe i ʻō,’ a e neʻe aku nō ia; ʻaʻole mea hiki ʻole iā ʻoukou.

KA ʻEUANELIO I KĀKAU ʻIA AI E LUKA 1:20

“Aia hoʻi, e paʻa ana kou leo, ʻaʻole e hiki iā ʻoe ke ʻōlelo, a hiki i ka lā e kō ai ia mau mea; no ka mea, ʻaʻole ʻoe i manaʻoʻiʻo mai i kaʻu mau ʻōlelo, e hoʻokō ʻia auaneʻi ia i ko lākou manawa.”

KA ʻEUANELIO I KĀKAU ʻIA AI E LUKA 1:45

“Pōmaikaʻi hoʻi ka wahine i manaʻoʻiʻo; e hana ʻia nō nā mea i haʻi ʻia mai iā ia e ka Haku.”

KA ʻEUANELIO I KĀKAU ʻIA AI E IOANE 1:17

Ua hāʻawi ʻia mai ke Kānāwai ma o Mose lā; akā, ʻo ka lokomaikaʻi a me ka ʻoiaʻiʻo ma o Iesū Kristo lā ia.

ʻO KA ʻEPISETOLE A PAULO KA LUNAʻŌLELO I KO ROMA 4:20

ʻaʻole hoʻi ia i kānalua i ka ʻōlelo ʻana mai a ke Akua, ma ka hoʻomaloka; akā, ua ikaika ia ma ka manaʻoʻiʻo, e hoʻonani ana i ke Akua;

KA BUKE ʻALIMA A MOSE, I KAPA ʻIA KĀNĀWAI LUA 1:37

“Huhū mai nō hoʻi ʻo Iēhova iaʻu no ʻoukou, ʻī maila, ‘ʻAʻole hoʻi ʻoe e hele i laila.

KA BUKE ʻALIMA A MOSE, I KAPA ʻIA KĀNĀWAI LUA 34:4

ʻŌlelo maila ʻo Iēhova iā ia, “Eia ka ʻāina aʻu i hoʻohiki aku ai iā ʻAberahama, iā ʻIsaʻaka, a me Iakoba, i ka ʻī ʻana aku, ‘Naʻu nō ia e hāʻawi aku i kāu poʻe mamo. “Ua hōʻike aku au ia i kou mau maka; akā, ʻaʻole ʻoe e hele aku i laila.”

KA BUKE ʻALIMA A MOSE, I KAPA ʻIA KĀNĀWAI LUA 4:21

“A huhū mai ʻo Iēhova iaʻu no ʻoukou, a hoʻohiki iho, ʻaʻole au e hele ma kēlā kapa o Ioredane, ʻaʻole hoʻi au e komo i loko o kēlā ʻāina maikaʻi a Iēhova kou Akua i hoʻoili mai ai no ʻoukou.

KA BUKE A IOSUA 1:2

“Ua make kaʻu kauā ʻo Mose, ʻānō e kū aʻe ʻoe, a e hele i kēlā kapa o Ioredane nei; ʻo ʻoe a me kēia poʻe kānaka a pau, a i ka ʻāina aʻu e hāʻawi aku nei iā lākou, i ka poʻe mamo a ʻIseraʻela.

ʻO KA ʻEPISETOLE HOʻOLAHA MUA A PETERO 3:15

akā, e hoʻāno i ka Haku i ke Akua, i loko o ko ʻoukou naʻau. E mākaukau mau ʻoukou e hoʻomaopopo aku i ka poʻe e nīnau mai iā ʻoukou i ke kumu o ka lana ʻana o ko ʻoukou manaʻo, me ke akahai, a me ka haʻahaʻa.