KA BUKE ʻAHĀ A MOSE, I KAPA ʻIA NĀ HELU 2:18 - Ka Baibala Hemolele

¹⁸ ¶ “Ma ka ʻaoʻao komohana ka hae o ka poʻe hoʻomoana o kā ʻEperaima, ma ko lākou poʻe kaua; a ʻo ka luna o nā mamo a ʻEperaima, ʻo ia ʻo ʻElisama ke keiki a ʻAmihuda.”

KA BUKE ʻAHĀ A MOSE, I KAPA ʻIA NĀ HELU 2:18 Iomraidhean Croise

KA BUKE MUA A MOSE, I KAPA ʻIA KINOHI 48:5

“A ʻo nā keiki āu ʻelua, i hānau ʻia mai nāu ma ka ʻāina i ʻAigupita nei, i ka wā ma mua aku o koʻu hele ʻana mai iā ʻoe i ʻAigupita nei, naʻu nō lāua. ʻO ʻEperaima a ʻo Manase, e like me Reubena a me Simeona, pēlā nō lāua naʻu.

KA WĀNANA A IEREMIA 31:9

“E hele mai nō lākou me ka uē, Iā lākou e pule ai, e alakaʻi nō wau iā lākou; E hoʻohele nō wau iā lākou ma nā kahawai, Ma ke ala pololei; ʻaʻole lākou e kūlanalana ma laila; No ka mea, he Makua nō wau no kā ʻIseraʻela, A ʻo ʻEperaima kaʻu hiapo.”

KA BUKE ʻAHĀ A MOSE, I KAPA ʻIA NĀ HELU 1:10

no nā keiki a Iosepa: no kā ʻEperaima, ʻo ʻElisama, ke keiki a ʻAmihuda; no kā Manase, ʻo Gamaliʻela, ke keiki a Pedazura;

KA BUKE ʻAHĀ A MOSE, I KAPA ʻIA NĀ HELU 1:32

¶ ʻO nā mamo a Iosepa, ʻo ia ʻo nā mamo a ʻEperaima, ma ko lākou mau hanauna, ma muli o ko lākou mau ʻohana, ma ko ka hale o ko lākou poʻe kūpuna, e like me ka helu ʻana i nā inoa, mai ka iwakālua o ka makahiki a keu aku, ʻo ka poʻe a pau e hiki ke hele i ke kaua,

KA BUKE ʻAHĀ A MOSE, I KAPA ʻIA NĀ HELU 10:22

Hele akula hoʻi ka hae o ka poʻe hoʻomoana o nā mamo a ʻEperaima, ma ko lākou mau poʻe kaua; a ʻo ʻElisama ke keiki a ʻAmihuda, ʻo ia nō ma luna o kona poʻe kaua.

KA BUKE ʻAHĀ A MOSE, I KAPA ʻIA NĀ HELU 2:19

A ʻo kona poʻe kaua, a me nā mea o lākou i helu ʻia, he kanahā tausani a me nā haneri keu ʻelima.

KA BUKE ʻAHĀ A MOSE, I KAPA ʻIA NĀ HELU 7:48

¶ I ka hiku o ka lā, kaumaha akula ʻo ʻElisama, ke keiki a ʻAmihuda, ka luna o nā mamo a ʻEperaima.

KA BUKE ʻAHĀ A MOSE, I KAPA ʻIA NĀ HELU 7:53

a no ka mōhai hoʻomalu: ʻelua bipi kāne, ʻelima hipa kāne, ʻelima kao kāne, ʻelima keiki hipa o ka makahiki mua. ʻO ia ka mōhai a ʻElisama ke keiki a ʻAmihuda.

KA BUKE ʻALIMA A MOSE, I KAPA ʻIA KĀNĀWAI LUA 33:17

“Me ka hānau mua o kona poʻe bipi, pēlā kona nani, ʻO nā kiwi o ka bipi hihiu, ʻo ia kona mau kiwi; Me ia mea e ʻō aku ia i nā kānaka ma kahi hoʻokahi, a i nā mokuna o ka honua; ʻO ia nā ʻumi tausani o ʻEperaima, a ʻo ia nā tausani o Manase.”