KA BUKE ʻAHĀ A MOSE, I KAPA ʻIA NĀ HELU 19:19 - Ka Baibala Hemolele

¹⁹ ‘E kāpīpī ka mea maʻemaʻe i ka mea haumia i ke kolu o ka lā, a i ka hiku o ka lā; a i ka hiku o ka lā, e hoʻomaʻemaʻe ʻo ia iā ia iho, a e holoi ʻo ia i kona mau kapa, a e ʻauʻau ia i ka wai, a i ke ahiahi e huikala ia.

KA BUKE ʻAHĀ A MOSE, I KAPA ʻIA NĀ HELU 19:19 Iomraidhean Croise

KA BUKE MUA A MOSE, I KAPA ʻIA KINOHI 2:2

A i ka hiku o ka lā, hoʻōki ihola ke Akua i ka hana āna i hana ai; a hoʻomaha ihola ʻo ia i kāna hana a pau āna i hana ai.

KA BUKE ʻALUA A MOSE, I KAPA ʻIA PUKA ʻANA 19:10

ʻŌlelo maila ʻo Iēhova iā Mose, “E hele ʻoe i kānaka, e hoʻolaʻa iā lākou i kēia lā, a ʻapōpō; e holoi hoʻi lākou i ko lākou kapa.

KA WĀNANA A ʻEZEKIʻELA 36:25

“A laila, e pīpī aku ai au i ka wai maʻemaʻe ma luna o ʻoukou, a e maʻemaʻe hoʻi ʻoukou; i ko ʻoukou haumia a pau, a me ko ʻoukou mau akua kiʻi a pau, e hoʻomaʻemaʻe aku ai au iā ʻoukou.

KA BUKE ʻAKOLU A MOSE, I KAPA ʻIA ʻOIHANA KAHUNA 14:7

“A e pīpī aku ʻo ia ma luna o ka mea e hoʻomaʻemaʻe ʻia ana i ka lēpera, i ʻehiku ka pīpī ʻana, a e ʻōlelo aku he maʻemaʻe ia, a e hoʻokuʻu aku ʻo ia i ka manu ola ma waho ma ke kula.

KA BUKE ʻAKOLU A MOSE, I KAPA ʻIA ʻOIHANA KAHUNA 14:9

“A i ka hiku o ka lā, e koli ʻo ia i kona lauoho a pau ma kona poʻo, a me kona ʻumiʻumi, a me kona hulu kuʻemaka, ʻo kona lauoho a pau kāna e koli ai; a e holoi i kona kapa, a e holoi hoʻi ʻo ia i kona kino iho i ka wai, a e maʻemaʻe ia.

KA BUKE ʻAHĀ A MOSE, I KAPA ʻIA NĀ HELU 19:12

‘E huikala nō ʻo ia iā ia iho me ia i ke kolu o ka lā aku; a i ka hiku o ka lā e maʻemaʻe ia; akā, i ʻole ʻo ia e huikala iā ia iho i ke kolu o ka lā, a laila, ʻaʻole ia e maʻemaʻe i ka hiku o ka lā.

KA BUKE ʻAHĀ A MOSE, I KAPA ʻIA NĀ HELU 19:13

‘ʻO kēlā mea kēia mea e hoʻopā aku i ke kupapaʻu o ke kanaka i make, a i huikala ʻole ʻo ia iā ia iho, ua hoʻohaumia ʻo ia i ka halelewa o Iēhova; a e ʻoki ʻia ua kanaka lā mai kā ʻIseraʻela aku; no ka mea, ʻaʻole i kāpīpī ʻia ka wai huikala ma luna ona; e haumia nō ʻo ia, e kau ana nō kona haumia ma luna ona.

KA BUKE ʻAHĀ A MOSE, I KAPA ʻIA NĀ HELU 19:18

‘A e lawe ke kanaka maʻemaʻe i ka husopa, a e hoʻū iho i loko o ka wai, a e kāpīpī ʻia ma luna o ka hale lole, a ma luna o nā ipu a pau, a ma luna o nā kānaka ma laila, a ma luna o ka mea nāna i hoʻopā ka iwi kanaka, a i ka mea i pepehi ʻia paha, a i ke kupapaʻu paha, a i ka hē kupapaʻu paha.

KA BUKE ʻAHĀ A MOSE, I KAPA ʻIA NĀ HELU 31:19

“A e noho ʻoukou ma waho o kahi hoʻomoana i nā lā ʻehiku; ʻo ka mea i pepehi i kekahi kanaka, a ʻo ka mea i hoʻopā aku i ke kupapaʻu, e huikala ʻoukou iā ʻoukou iho a me ko ʻoukou poʻe pio, i ke kolu o ka lā, a i ka hiku o ka lā.

KA BUKE ʻAHĀ A MOSE, I KAPA ʻIA NĀ HELU 31:24

a i ka hiku o ka lā, e holoi ʻoukou i ko ʻoukou mau ʻaʻahu, a e maʻemaʻe ʻoukou; a ma hope iho e hele mai auaneʻi ʻoukou ma loko o kahi hoʻomoana.”

ʻO KA ʻEPISETOLE A PAULO IĀ TITO 2:14

ʻo ka Mea i hāʻawi mai iā ia iho no kākou, e hoʻopakele iā kākou i ka hewa a pau, a e huikala mai nona i lāhui ponoʻī e hoʻoikaika ana i nā hana maikaʻi.

ʻO KA ʻEPISETOLE A PAULO KA LUNAʻŌLELO I KO HEBERA 10:22

e hoʻokokoke kākou me ka maopopo loa o ka manaʻoʻiʻo, a me ka naʻau ʻoiaʻiʻo, me ka huikala ʻia ʻo ko kākou naʻau kaumaha i ka hewa, a me ka holoi ʻia ʻo ko kākou kino me ka wai maʻemaʻe.

ʻO KA ʻEPISETOLE HOʻOLAHA MUA A IOANE 1:7

Akā, inā i hele kākou ma ka mālamalama e like me ia e noho lā ma ka mālamalama, a laila, ua aloha pū kākou i kekahi i kekahi; a na ke koko o Iesū Kristo ʻo kāna Keiki, e huikala mai iā kākou i ko kākou hewa a pau.

ʻO KA ʻEPISETOLE HOʻOLAHA A IUDA 1:23

A ʻo kahi poʻe e hoʻōla aʻe ʻoukou ma ka makaʻu, me ka huki iā lākou mai ke ahi mai; me ka inaina aku i ke kapa i paumāʻele i ko ke kino.