KA BUKE ʻAHĀ A MOSE, I KAPA ʻIA NĀ HELU 18:7 - Ka Baibala Hemolele

⁷ “No laila lā, e mālama ʻoe a me āu mau keiki me ʻoe i kā ʻoukou ʻoihana kahuna no nā mea a pau o ke kuahu, a ma loko o ka pākū; a e mālama ʻoukou; ua hāʻawi aku au na ʻoukou i ka ʻoihana kahuna i ʻoihana i hāʻawi lokomaikaʻi ʻia; a ʻo ke kanaka ʻē aʻe e hele wale mai a kokoke, e make ia.”

KA BUKE ʻAHĀ A MOSE, I KAPA ʻIA NĀ HELU 18:7 Iomraidhean Croise

KA BUKE O NĀ HALELŪ 115:10

E ka ʻohana a ʻAʻarona, e hilinaʻi ʻoukou iā Iēhova; ʻO ia ko lākou kōkua, a me ko lākou pale kaua.

KA BUKE ʻALUA A MOSE, I KAPA ʻIA PUKA ʻANA 28:1

¶ “E lawe ʻoe i ou lā iā ʻAʻarona, i kou kaikuaʻana, a me kāna mau keiki kāne pū me ia, mai waena mai o nā mamo a ʻIseraʻela, i lawelawe ʻo ia naʻu ma ka ʻoihana a ke kahuna: ʻo ʻAʻarona, ʻo Nadaba, ʻo ʻAbihu, ʻo ʻEleazara, a me ʻItamara, nā keiki kāne a ʻAʻarona.

KA BUKE ʻALUA A MOSE, I KAPA ʻIA PUKA ʻANA 29:9

“A e kāʻei iā lākou i nā kāʻei, iā ʻAʻarona, a me kāna mau keiki kāne pū, a e nākiʻikiʻi hoʻi i nā pāpale ma luna o lākou; a ʻo ka ʻoihana a ke kahuna, na lākou nō, he kānāwai mau loa ia; a e hoʻolaʻa ʻoe iā ʻAʻarona, a me kāna mau keiki kāne.

KA WĀNANA A ʻEZEKIʻELA 44:15

¶ “Akā, ʻo nā kāhuna nā mamo a Levi, nā keiki a Zadoka, nā mea i mālama i ka ʻoihana o kuʻu wahi hoʻāno, i ka wā i ʻauana aku ai nā mamo a ʻIseraʻela mai oʻu aku nei, e hele kokoke mai lākou iaʻu, e lawelawe naʻu, a e kū lākou ma koʻu alo, e kaumaha mai noʻu i ke kaikea a me ke koko,” wahi a Iēhova ka Haku.

KA WĀNANA A ʻEZEKIʻELA 44:16

“E komo nō lākou i loko o kuʻu wahi hoʻāno, a e hoʻokokoke mai lākou i koʻu papa, i lawelawe naʻu, a e mālama nō hoʻi lākou i kaʻu ʻoihana.

KA WĀNANA A ʻEZEKIʻELA 44:8

“ʻAʻole ʻoukou i mālama i ka ʻoihana no kuʻu mau mea hoʻāno; akā, ua hoʻonoho ʻoukou i mau mea kiaʻi ma kaʻu ʻoihana i loko o kuʻu wahi hoʻāno no ʻoukou iho.”

KA BUKE ʻAKOLU A MOSE, I KAPA ʻIA ʻOIHANA KAHUNA 16:2

ʻī maila hoʻi ʻo Iēhova iā Mose, “E ʻōlelo aʻe ʻoe iā ʻAʻarona i kou kaikuaʻana, i ʻole ai ia e hele mai i nā wā a pau i loko o Kahi Hoʻāno, ma loko o ka pākū, ma ke alo o ka noho aloha, ka mea ma luna o ka pahu, o make ia; no ka mea, e ʻikea au i loko o ke ao, ma luna o ka noho aloha.

KA BUKE ʻAKOLU A MOSE, I KAPA ʻIA ʻOIHANA KAHUNA 7:35

¶ ʻO ia hoʻi ko ka poni ʻana o ʻAʻarona, a me ko ka poni ʻana o kāna mau keiki no loko mai o nā mōhai o Iēhova i kaumaha ʻia ma ke ahi, i ka lā i hāʻawi ai ʻo ia iā lākou e lawelawe i mua o Iēhova ma ka ʻoihana kahuna.

KA BUKE ʻAHĀ A MOSE, I KAPA ʻIA NĀ HELU 1:51

“A i ka manawa e hele aku ai ka halelewa, a laila na nā Levi e wāwahi iho ia; a i ka manawa e kūkulu ʻia ai ka halelewa, na nā Levi ia e kūkulu; a ʻo ke kanaka ʻē ke hele mai a kokoke, e make ia.

KA BUKE ʻAHĀ A MOSE, I KAPA ʻIA NĀ HELU 16:40

i mea hoʻomanaʻo no nā mamo a ʻIseraʻela, i ʻole ai ke kanaka ʻē, ka mea ʻaʻole na ka hua a ʻAʻarona, e hele mai a kokoke e kuni i ka mea ʻala i mua o Iēhova, i like ʻole ai ia me Kora, a me kona poʻe; me kā Iēhova i ʻōlelo mai ai iā ia ma ka lima o Mose.

KA BUKE ʻAHĀ A MOSE, I KAPA ʻIA NĀ HELU 18:20

ʻŌlelo maila ʻo Iēhova iā ʻAʻarona, “ʻAʻohe ou ʻāina hoʻoilina ma ko lākou ʻāina, ʻaʻohe hoʻi kuleana ou i waena o lākou; ʻo wau nō kou kuleana a me kou hoʻoilina i waena o nā mamo a ʻIseraʻela.

KA BUKE ʻAHĀ A MOSE, I KAPA ʻIA NĀ HELU 18:3

“A e mālama lākou i kāu ʻoihana a me ka ʻoihana o ka halelewa a pau; ʻaʻole naʻe lākou e hele mai a kokoke i nā ipu o ke keʻena kapu, a i ke kuahu, i ʻole ai lākou e make, ʻaʻole hoʻi ʻoukou.

KA BUKE ʻAHĀ A MOSE, I KAPA ʻIA NĀ HELU 3:10

“E kauoha aku ʻoe iā ʻAʻarona a me kāna mau keiki, a e lawelawe lākou ma kā ke kahuna ʻoihana; a ʻo ke kanaka ʻē ke hele mai a kokoke, e make ia.”

KA BUKE ʻAHĀ A MOSE, I KAPA ʻIA NĀ HELU 3:38

¶ Akā, ʻo ka poʻe hoʻomoana ma ke alo o ka halelewa, ma ka ʻaoʻao hikina, i mua o ka halelewa anaina ma ka hikina, ʻo ia ʻo Mose a me ʻAʻarona a me kāna mau keiki, i mea e mālama ai i ke keʻena kapu, no ka ʻoihana a nā mamo a ʻIseraʻela; a ʻo ke kanaka ʻē ke hele mai a kokoke, e make nō ia.

KA ʻEUANELIO I KĀKAU ʻIA AI E MATAIO 10:8

“E hoʻōla i nā maʻi, e huikala i nā lēpero, e hoʻāla i nā mea make, e mahiki aku i nā daimonio; ua hāʻawi wale ʻia mai iā ʻoukou, e hāʻawi wale aku ʻoukou.

KA ʻEUANELIO I KĀKAU ʻIA AI E IOANE 3:27

ʻŌlelo maila ʻo Ioane, ʻī maila, “ʻAʻole e hiki i ke kanaka ke lawe wale i kekahi mea, ke hāʻawi ʻole ʻia mai ia nāna mai ka lani mai.

ʻO KA ʻEPISETOLE A PAULO KA LUNAʻŌLELO I KO ʻEPESO 3:8

Ua hāʻawi ʻia mai kēia lokomaikaʻi iaʻu, i ka mea ʻuʻuku iho o nā haipule ʻuʻuku loa a pau, e haʻi aku ai au i nā lāhui kanaka ʻē i ka waiwai kupanaha o Kristo;

KA BUKE ʻALIMA A MOSE, I KAPA ʻIA KĀNĀWAI LUA 18:2

“No ia mea, ʻaʻole o lākou ʻāina hoʻoili i waena o ko lākou poʻe hoahānau; ʻo Iēhova ʻo ia ko lākou hoʻoilina e like me kāna i ʻōlelo mai ai iā lākou.

ʻO KA ʻEPISETOLE A PAULO KA LUNAʻŌLELO I KO HEBERA 5:4

ʻAʻole hoʻi e lawelawe kekahi i kēia nani nona iho; akā, ua hoʻokaʻawale ʻia mai ia e ke Akua, me ʻAʻarona hoʻi lā.

KA BUKE A IOSUA 18:7

“No ka mea, ʻaʻohe ʻāina no kā Levi i waena o ʻoukou; ʻo ka ʻoihana kahuna na Iēhova, ʻo ia kona ʻāina hoʻoili; a ʻo kā Gada, a me kā Reubena a me ka ʻohana hapa a Manase, ua loaʻa iā lākou ko lākou ʻāina hoʻoili, ma kēlā kapa o Ioredane ma ka hikina, ka mea a Mose ke kauwā a Iēhova i hāʻawi aku ai no lākou.”

ʻO KA ʻEPISETOLE HOʻOLAHA MUA A PETERO 5:2

E hānai ʻoukou i ka poʻe o ke Akua i waena o ʻoukou, e kiaʻi ana, ʻaʻole no ka hoʻokoi ʻia mai, no ka makemake nō; ʻaʻole hoʻi no ka puni waiwai; akā, no ka manaʻo pono.

ʻO KA ʻEPISETOLE HOʻOLAHA MUA A PETERO 5:3

Mai hana hoʻi, me he poʻe aliʻi lā ma luna o ka ʻekalesia; akā, me he poʻe kumu lā, i hoʻomāhuʻi ʻia ai e kēlā poʻe.

KA BUKE MUA A SAMUʻELA 2:28

‘A ua wae anei au iā ia no loko mai o nā hanauna kanaka a pau o kā ʻIseraʻela i kahuna naʻu, e kaumaha aku ma luna o koʻu kuahu, e kuni i ka mea ʻala, e hoʻokomo i ka ʻēpoda i mua oʻu? A ua hāʻawi anei i ko ka hale o kou makua kāne i nā mōhai kuni a pau a nā mamo a ʻIseraʻela?