KA BUKE ʻAHĀ A MOSE, I KAPA ʻIA NĀ HELU 18:20 - Ka Baibala Hemolele

²⁰ ʻŌlelo maila ʻo Iēhova iā ʻAʻarona, “ʻAʻohe ou ʻāina hoʻoilina ma ko lākou ʻāina, ʻaʻohe hoʻi kuleana ou i waena o lākou; ʻo wau nō kou kuleana a me kou hoʻoilina i waena o nā mamo a ʻIseraʻela.

KA BUKE ʻAHĀ A MOSE, I KAPA ʻIA NĀ HELU 18:20 Iomraidhean Croise

KA BUKE MUA A MOSE, I KAPA ʻIA KINOHI 15:1

¶ Ma hope mai o ia mau mea, hiki maila ka ʻōlelo a Iēhova iā ʻAberama ma ka hihiʻo, ʻī maila, “Mai makaʻu ʻoe, e ʻAberama, ʻo wau nō kou pale kaua a me kāu uku nui loa.”

KA BUKE O NĀ HALELŪ 142:5

¶ Kāhea akula au iā ʻoe, e Iēhova, ʻĪ akula, “ʻO ʻoe nō koʻu pākū, ʻO kuʻu puʻu waiwai hoʻi ma ka ʻāina o ka poʻe ola.

KA BUKE O NĀ HALELŪ 16:5

¶ ʻO Iēhova ka ʻiʻo o koʻu hoʻoilina a me koʻu kīʻaha; Ke hoʻomau mai nei ʻoe i koʻu paukū.

KA BUKE O NĀ HALELŪ 73:26

Ke maʻule nei koʻu kino a me koʻu naʻau, Akā, ʻo ke Akua ka ikaika o koʻu naʻau; A me koʻu kuleana a mau loa.

KE KANIKAU A IEREMIA 3:24

“ʻO Iēhova nō koʻu kuleana,” wahi a kuʻu ʻuhane, “No laila e lana ai kuʻu manaʻo iā ia.”

KA WĀNANA A ʻEZEKIʻELA 44:28

¶ “A e lilo ia i hoʻoilina no lākou; ʻo wau nō ko lākou hoʻoilina; ʻaʻole ʻoukou e hāʻawi iā lākou i waiwai i loko o kā ʻIseraʻela; ʻo wau nō ko lākou waiwai.

KA BUKE ʻAHĀ A MOSE, I KAPA ʻIA NĀ HELU 18:7

“No laila lā, e mālama ʻoe a me āu mau keiki me ʻoe i kā ʻoukou ʻoihana kahuna no nā mea a pau o ke kuahu, a ma loko o ka pākū; a e mālama ʻoukou; ua hāʻawi aku au na ʻoukou i ka ʻoihana kahuna i ʻoihana i hāʻawi lokomaikaʻi ʻia; a ʻo ke kanaka ʻē aʻe e hele wale mai a kokoke, e make ia.”

KA BUKE ʻAHĀ A MOSE, I KAPA ʻIA NĀ HELU 26:62

ʻO ka poʻe o lākou i helu ʻia, he iwakāluakumamākolu tausani, he poʻe kāne wale nō o ka malama hoʻokahi a keu aku; ʻaʻole nō lākou i helu ʻia i waena o nā mamo a ʻIseraʻela; no ka mea, ʻaʻole i hāʻawi ʻia he ʻāina no lākou i waena o nā mamo a ʻIseraʻela.

KA BUKE ʻALIMA A MOSE, I KAPA ʻIA KĀNĀWAI LUA 10:9

No ia mea, ʻaʻole he kuleana o kā Levi, ʻaʻohe ʻāina hoʻoili pū me kona poʻe hoahānau; ʻo Iēhova, ʻo ia kona mea hoʻoili e like me kā Iēhova kou Akua i ʻōlelo mai ai iā ia.

KA BUKE ʻALIMA A MOSE, I KAPA ʻIA KĀNĀWAI LUA 12:12

“A e ʻoliʻoli ʻoukou i mua o Iēhova ko ʻoukou Akua, ʻo ʻoukou, a me kā ʻoukou mau keiki kāne, a me kā ʻoukou mau kaikamāhine, a me nā kauā kāne a ʻoukou, a me kā ʻoukou mau kauā wahine, a me kā Levi e noho pū ana me ʻoukou; no ka mea, ʻaʻohe ona kuleana, ʻaʻohe ona ʻāina hoʻoili me ʻoukou.

KA BUKE ʻALIMA A MOSE, I KAPA ʻIA KĀNĀWAI LUA 14:27

“A ʻo kā Levi ma kou ʻīpuka, mai hoʻopoina ʻoe iā ia; no ka mea, ʻaʻohe ona kuleana, ʻaʻohe ona ʻāina hoʻoili me ʻoe.

KA BUKE ʻALIMA A MOSE, I KAPA ʻIA KĀNĀWAI LUA 14:29

“A ʻo kā Levi, (no ka mea, ʻaʻohe ona kuleana, ʻaʻohe ona ʻāina hoʻoili me ʻoe,) a ʻo ka malihini, a ʻo ka mea makua ʻole, a me ka wahine kāne make i loko o kou mau ʻīpuka, ʻo lākou ke hele mai, a e ʻai a māʻona; i hoʻopōmaikaʻi ai ʻo Iēhova kou Akua iā ʻoe ma nā hana a pau a kou lima e lawe ai.

KA BUKE A IOSUA 13:14

ʻAʻole i hāʻawi ʻia mai ka ʻāina hoʻoili no kā Levi; ʻo nā mōhai o Iēhova, ke Akua o kā ʻIseraʻela, ʻo ia ko lākou ʻāina hoʻoili, e like me ia i ʻōlelo mai ai.

KA BUKE A IOSUA 13:33

Akā, ʻaʻole i hāʻawi ʻo Mose i ʻāina hoʻoili na kā Levi. ʻO Iēhova ke Akua o kā ʻIseraʻela, ʻo ia ko lākou ʻāina hoʻoili, e like me ka mea āna i ʻōlelo mai ai iā lākou.

KA BUKE A IOSUA 14:3

No ka mea, ua hāʻawi ʻē ʻo Mose i ka ʻāina hoʻoili i nā ʻohana ʻelua a me ka ʻohana hapa ma kēlā kapa o Ioredane; akā, ʻaʻole i hāʻawi ʻo ia i hoʻoilina no kā Levi i waena o lākou.

KA BUKE A IOSUA 18:7

“No ka mea, ʻaʻohe ʻāina no kā Levi i waena o ʻoukou; ʻo ka ʻoihana kahuna na Iēhova, ʻo ia kona ʻāina hoʻoili; a ʻo kā Gada, a me kā Reubena a me ka ʻohana hapa a Manase, ua loaʻa iā lākou ko lākou ʻāina hoʻoili, ma kēlā kapa o Ioredane ma ka hikina, ka mea a Mose ke kauwā a Iēhova i hāʻawi aku ai no lākou.”

KA HŌʻIKE ʻANA A IOANE KA HAIPULE 21:3

A lohe akula au i ka leo nui, mai ka lani mai, i ka ʻī ʻana, “Aia ka halelewa o ke Akua me kānaka, a e noho ana ʻo ia me lākou, a e lilo lākou i kānaka nona, a e noho pū ke Akua me lākou i Akua no lākou.