KA BUKE ʻAHĀ A MOSE, I KAPA ʻIA NĀ HELU 18:19 - Ka Baibala Hemolele

¹⁹ “ʻO nā mōhai kaʻikaʻi a pau no nā mea laʻa, nā mea a nā mamo a ʻIseraʻela e kaumaha ai na Iēhova, ʻo ia kaʻu i hāʻawi aku ai nāu, a na kāu poʻe keiki kāne a me nā kaikamāhine me ʻoe, ma ke kānāwai mau loa; he berita paʻakai mau loa ia i mua o Iēhova nou, a no kāu hua me ʻoe.”

KA BUKE ʻAHĀ A MOSE, I KAPA ʻIA NĀ HELU 18:19 Iomraidhean Croise

KA BUKE ʻALUA NO NĀ ALIʻI 12:16

ʻO ke kālā o ka mōhai lawehala a me ke kālā o ka mōhai hala, ʻaʻole i lawe ʻia mai i loko o ka hale o Iēhova; na nā kāhuna nō ia.

KA BUKE ʻALUA O KA ʻOIHANA ALIʻI 13:5

ʻaʻole anei ʻoukou i ʻike, ua hāʻawi maila ʻo Iēhova ke Akua o kā ʻIseraʻela i ke aupuni ma luna o kā ʻIseraʻela, iā Dāvida, i mea mau loa iā ia, a me kāna poʻe mamo, me ka berita paʻakai?

KA BUKE ʻALUA O KA ʻOIHANA ALIʻI 31:4

ʻŌlelo ia i nā kānaka i ka poʻe i noho ma Ierusalema, e hāʻawi aku i ka haʻawina o ka poʻe kāhuna, a me nā Levi i ikaika lākou ma ke Kānāwai o Iēhova.

KA BUKE ʻALUA A MOSE, I KAPA ʻIA PUKA ʻANA 29:27

“A e hoʻolaʻa ʻoe i ka umauma o ka mōhai hoʻāli, a me ka ʻūhā mua o ka mōhai kaʻikaʻi, ka mea i hoʻāli ʻia, a kaʻikaʻi ʻia hoʻi, ʻo ka hipa kāne o ka hoʻolaʻa ʻana, ka mea no ʻAʻarona, a no kāna mau keiki kāne.

KA WĀNANA A ʻEZEKIʻELA 43:24

‘A e kaumaha ʻoe ia mau mea ma ke alo o Iēhova, a e hoʻolei nā kāhuna i ka paʻakai ma luna o ia mau mea, a e kaumaha ia mau mea i mōhai kuni no Iēhova.

KA BUKE ʻAKOLU A MOSE, I KAPA ʻIA ʻOIHANA KAHUNA 2:13

‘A ʻo nā ʻālana a pau o kāu mau mōhai ʻai, ʻo ia kāu e hoʻomiko ai me ka paʻakai; ʻaʻole ʻoe e hoʻonele i kāu mau mōhai ʻai i ka paʻakai o ka berita o kou Akua; me kāu mau mōhai a pau, e mōhai pū ʻoe i ka paʻakai.

KA BUKE ʻAKOLU A MOSE, I KAPA ʻIA ʻOIHANA KAHUNA 21:22

‘ʻO ka berena a kona Akua, ʻo ka mea hoʻāno loa, a me ka mea hoʻāno, ʻo ia kāna e ʻai ai.

KA BUKE ʻAKOLU A MOSE, I KAPA ʻIA ʻOIHANA KAHUNA 7:14

‘A no loko o ia mea e mōhai aku ai ia i hoʻokahi no ka mōhai ʻokoʻa, i mōhai hoʻāli iā Iēhova; a e lilo ia na ke kahuna nāna i pīpī i ke koko o nā mōhai hoʻomalu.

KA BUKE ʻAHĀ A MOSE, I KAPA ʻIA NĀ HELU 18:11

“ʻO ia nō nāu; ʻo ka mōhai kaʻikaʻi a lākou e hāʻawi mai ai, a me nā mōhai hoʻāli a pau a nā mamo a ʻIseraʻela; ua hāʻawi aku au ia mau mea nāu, a na kāu poʻe keiki kāne a me kāu poʻe kaikamāhine me ʻoe ma ke kānāwai mau loa; ʻo ka poʻe maʻemaʻe a pau i loko o kou hale, ʻo lākou ke ʻai ia mea.

KA BUKE ʻAHĀ A MOSE, I KAPA ʻIA NĀ HELU 18:8

¶ ʻŌlelo maila ʻo Iēhova iā ʻAʻarona, “Aia hoʻi, ua hāʻawi aku au iā ʻoe i ka mālama i kaʻu mau mōhai hoʻāli, ʻo nā mea laʻa a pau a nā mamo a ʻIseraʻela; ua hāʻawi aku au ia mau mea nāu, i kuleana nāu a na kāu mau keiki, ma ke kānāwai mau loa.

KA BUKE ʻAHĀ A MOSE, I KAPA ʻIA NĀ HELU 31:29

“E lawe ia no loko mai o kā lākou hapalua, a e hāʻawi aku na ʻEleazara ke kahuna, i mōhai kaʻikaʻi no Iēhova.

KA BUKE ʻAHĀ A MOSE, I KAPA ʻIA NĀ HELU 31:41

A hāʻawi akula ʻo Mose i ka ʻauhau, i ka mea mōhai kaʻikaʻi a Iēhova, na ʻEleazara ke kahuna, e like me kā Iēhova i kauoha mai ai iā Mose.

KA BUKE ʻALIMA A MOSE, I KAPA ʻIA KĀNĀWAI LUA 12:26

“ʻO kāu mau mea i hoʻolaʻa ʻia wale nō, a me nā mea āu i hoʻohiki ai, ʻo ia kāu e lawe, a hele ma kahi a Iēhova i wae ai.

KA BUKE ʻALIMA A MOSE, I KAPA ʻIA KĀNĀWAI LUA 12:6

“A ma laila ʻoukou e lawe aku ai i kā ʻoukou mau mōhai kuni, a me kā ʻoukou ʻālana, a me nā hapaʻumi o ko ʻoukou waiwai, a me nā mōhai hoʻāli a ko ʻoukou lima, a me ko ʻoukou hoʻohiki ʻana, a me kā ʻoukou mōhai aloha, a me nā hānau mua o kā ʻoukou bipi a me kā ʻoukou hipa.