KA BUKE ʻAHĀ A MOSE, I KAPA ʻIA NĀ HELU 18:12 - Ka Baibala Hemolele

¹² “ʻO kahi momona a pau o ka ʻaila, me kahi momona a pau o ka waina, a ʻo ka palaoa, ʻo nā hua mua o ia mau mea, nā mea a lākou e mōhai iho ai na Iēhova, ʻo ia mau mea kaʻu i hāʻawi aku ai nāu.

KA BUKE ʻAHĀ A MOSE, I KAPA ʻIA NĀ HELU 18:12 Iomraidhean Croise

KA BUKE MUA A MOSE, I KAPA ʻIA KINOHI 27:28

“E hāʻawi mai ke Akua iā ʻoe I ka hau no ka lani mai, Me ka momona o ka honua, A me ka palaoa a me ka waina he nui.

KA BUKE ʻALUA NO NĀ ALIʻI 4:42

¶ A hele maila he kanaka mai Baʻala Salisa mai, a lawe mai i berena na ke kanaka o ke Akua no ka hua mua, he iwakālua pōpō bale, a me ka hua bale i loko o ka ʻaʻa ona; ʻī maila ia, “E hāʻawi aku na nā kānaka, i ʻai ai lākou.”

KA BUKE ʻALUA O KA ʻOIHANA ALIʻI 31:5

A hoʻolaha ʻia kēia ʻōlelo, hoʻonui ihola ka poʻe mamo a ʻIseraʻela i ka ʻohi mua ʻana o ka ʻai, a me ka waina, a me ka ʻaila, a me ka meli, a me nā mea a pau o ke kīhāpai i ʻohi ʻia ai; a lawe nui mai lākou i ka hapaʻumi o ia mau mea a pau

KA BUKE O NĀ HALELŪ 147:14

Hāʻawi mai nō ʻo ia i ka malu ma kou mau mokuna, A hoʻomāʻona mai iā ʻoe i ka palaoa maikaʻi.

KA BUKE O NĀ HALELŪ 81:16

“Inā ua hānai aku ʻo ia iā lākou i ka palaoa maikaʻi; A ua hoʻomāʻona hoʻi au iā ʻoe i ka meli mai loko mai o ka pōhaku.”

KA BUKE ʻALUA A MOSE, I KAPA ʻIA PUKA ʻANA 22:29

“Mai ʻauʻa ʻoe i kāu ʻai i oʻo mua, a me kou waina mua. E hāʻawi mai nō ʻoe i kāu hiapo, o kāu mau keiki kāne naʻu.

KA BUKE ʻALUA A MOSE, I KAPA ʻIA PUKA ʻANA 23:19

“E lawe mai nō ʻoe i loko o ka hale o Iēhova, kou Akua, i ka mua o nā hua mua o kou ʻāina. Mai hoʻolapalapa ʻoe i ke kao keiki ma loko o ka waiū o kona makuahine.

KA BUKE ʻALUA A MOSE, I KAPA ʻIA PUKA ʻANA 34:26

“E lawe mai nō ʻoe i ka mua o nā hua mua o kou ʻāina i loko o ka hale o Iēhova, ʻo kou Akua. Mai hoʻolapalapa ʻoe i ke keiki kao i loko o ka waiū o kona makuahine.”

KA WĀNANA A ʻEZEKIʻELA 44:30

“A ʻo ka mua o nā hua mua a pau, ʻo nā mea a pau, a me nā ʻālana o nā mea a pau, ʻo kēlā ʻālana kēia ʻālana a ʻoukou, no nā kāhuna nō ia; a e hāʻawi ʻoukou na ke kahuna i ka mua o ko ʻoukou palaoa kāwili, i hoʻokau mai ʻo ia i ka hoʻomaikaʻi ʻana ma loko o kou hale.

KA BUKE ʻAKOLU A MOSE, I KAPA ʻIA ʻOIHANA KAHUNA 2:12

‘A ʻo ka ʻālana o nā hua mua, e mōhai aku nō ʻoukou ia mau mea iā Iēhova; ʻaʻole hoʻi lākou e kuni ʻia ma ke kuahu i mea ʻala ʻono.

KA BUKE ʻAKOLU A MOSE, I KAPA ʻIA ʻOIHANA KAHUNA 2:14

¶ ‘A inā e mōhai aku ʻoe na Iēhova i ka mōhai ʻai no kāu mau hua mua, ʻo nā ʻōpuʻu maka moʻa ma ke ahi, nā hua hohoa ʻia, ʻo ia kāu e ʻālana ai i mōhai ʻai no kāu mau hua mua.

KA BUKE ʻAKOLU A MOSE, I KAPA ʻIA ʻOIHANA KAHUNA 23:17

‘E lawe mai hoʻi ʻoukou i ʻelua pōpō berena hoʻoluli ʻelua hapaʻumi dila, he palaoa wali ia, e hoʻomoʻa ʻia ia me ka hū; he mau hua mua ia no Iēhova.

KA BUKE ʻAKOLU A MOSE, I KAPA ʻIA ʻOIHANA KAHUNA 23:20

‘A e hoʻāli ke kahuna ia mau mea me ka berena o nā hua mua i mōhai hoʻāli ma ke alo o Iēhova, me nā keiki hipa ʻelua; e laʻa ia no Iēhova na ke kahuna.

KA BUKE ʻALIMA A MOSE, I KAPA ʻIA KĀNĀWAI LUA 18:3

¶ “Eia kā ke kahuna wahi na nā kānaka mai, na ka poʻe e kaumaha aku i ka mōhai, i ka bipi kāne paha, i ka hipa paha; a e hāʻawi aku lākou i ka ʻūhā mua a me nā pāpālina ʻelua, a me ka ʻōpū na ke kahuna.

KA BUKE ʻALIMA A MOSE, I KAPA ʻIA KĀNĀWAI LUA 18:4

“ʻO ka hua mua o kāu palaoa, ʻo kou waina, a me kou ʻaila, a ʻo ka hulu ʻako mua o kāu poʻe hipa, ʻo kāu ia e hāʻawi aku ai nāna.

KA BUKE ʻALIMA A MOSE, I KAPA ʻIA KĀNĀWAI LUA 26:2

e kiʻi ʻoe i kekahi o nā hua mua a pau o ka honua, a ʻo kāu ia e lawe no ka ʻāina a Iēhova kou Akua i hāʻawi mai ai nou, a e waiho i loko o ka hīnaʻi, a e hele aku ʻoe ma kahi a Iēhova kou Akua i wae ai e hoʻopaʻa i kona inoa ma laila.

KA BUKE ʻALIMA A MOSE, I KAPA ʻIA KĀNĀWAI LUA 32:14

“Me ka bata o ka bipi, a me ka waiū hipa, A me nā keiki hipa momona; A me nā hipa kāne no Basana, a me nā kao kāne, A me ka palaoa maikaʻi loa; Inu ihola ʻoe i ke koko hua waina, i ka waina maikaʻi.