KA BUKE ʻAHĀ A MOSE, I KAPA ʻIA NĀ HELU 17:7 - Ka Baibala Hemolele

⁷ A waiho akula ʻo Mose i nā koʻokoʻo i mua o Iēhova, ma loko o ka halelewa o ke kānāwai.

KA BUKE ʻAHĀ A MOSE, I KAPA ʻIA NĀ HELU 17:7 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 38:21

¶ Eia ka huina o ka halelewa, ʻo ka halelewa hoʻi o ke Kānāwai, e like me ia i helu ʻia, ma muli o ke kauoha a Mose, no ka hana a ko Levi, ma ka lima o ʻItamara, ke keiki a ʻAʻarona, ke kahuna.

KA BUKE ʻAHĀ A MOSE, I KAPA ʻIA NĀ HELU 1:50

“Akā, e hoʻonoho ʻoe i nā Levi ma luna o ka halelewa o ke Kānāwai, a ma luna hoʻi o nā ipu a pau o loko, a ʻo nā mea a pau o ia wahi: e halihali lākou i ka halelewa, a me kāna mau ipu a pau; a e lawelawe lākou nāna, a e hoʻomoana lākou a puni ka halelewa.

KA BUKE ʻAHĀ A MOSE, I KAPA ʻIA NĀ HELU 1:53

“Akā, ʻo nā Levi, e hoʻomoana lākou ma ka halelewa o ke Kānāwai a puni, i kau ʻole mai ai ka inaina ma luna iho o ke anaina kanaka o nā mamo a ʻIseraʻela; a na nā Levi e mālama i ka ʻoihana o ka halelewa o ke Kānāwai.”

KA BUKE ʻAHĀ A MOSE, I KAPA ʻIA NĀ HELU 14:10

Akā, kēnā aʻela ke anaina kanaka a pau e hailuku iā lāua i nā pōhaku. A laila ʻikea aʻela ka nani o Iēhova ma ka halelewa o ke anaina, i mua o nā mamo a pau a ʻIseraʻela.

KA BUKE ʻAHĀ A MOSE, I KAPA ʻIA NĀ HELU 17:4

“A e waiho ʻoe ia mau mea ma ka halelewa o ke anaina, i mua o ke Kānāwai, kahi aʻu e hālāwai ai me ʻolua.

KA BUKE ʻAHĀ A MOSE, I KAPA ʻIA NĀ HELU 17:6

ʻŌlelo akula ʻo Mose i nā mamo a ʻIseraʻela, a hāʻawi maila kēlā luna kēia luna i kekahi koʻokoʻo iā ia, hoʻokahi luna hoʻokahi koʻokoʻo no nā ʻohana o ko lākou poʻe kūpuna, he ʻumikumamālua mau koʻokoʻo; a i waena o ko lākou mau koʻokoʻo, ke koʻokoʻo o ʻAʻarona.

KA BUKE ʻAHĀ A MOSE, I KAPA ʻIA NĀ HELU 18:2

“A ʻo kou poʻe hoahānau hoʻi o ka ʻohana a Levi, ka ʻohana a ou kupuna kāne, ʻo lākou kāu e lawe pū ai me ʻoe, i hui pū ʻia ai me ʻoe, a e lawelawe lākou nāu; akā ʻo ʻoe a me kāu mau keiki me ʻoe, i mua o ka halelewa o ke kānāwai ʻoukou.

KA BUKE ʻAHĀ A MOSE, I KAPA ʻIA NĀ HELU 9:15

¶ I ka lā i kūkulu ʻia ai ka halelewa, uhi ihola ke ao ma luna o ka halelewa, ma ke keʻena o ke Kānāwai; a ahiahi, ua ʻikea ka mea me he ahi lā ma luna o ka halelewa a hiki i kakahiaka.

NĀ ʻOIHANA A KA POʻE LUNAʻŌLELO 7:44

“Ua loaʻa nō i ko kākou poʻe kūpuna ma ka wao nahele, ka halelewa hōʻike, e like me ka ʻōlelo āna i ʻōlelo mai ai iā Mose, e hana ia mea, me ke kumu āna i ʻike ai.