KA BUKE ʻAHĀ A MOSE, I KAPA ʻIA NĀ HELU 16:5 - Ka Baibala Hemolele

⁵ ʻōlelo akula ia iā Kora, a me kona poʻe a pau, ʻī akula, “A kakahiaka aʻe, e hōʻike mai ʻo Iēhova i ka mea nona, a me ka mea laʻa; a e hoʻokokoke aku ai iā ia i ona lā; ʻo ka mea āna e koho ai, ʻo ia kāna e hoʻokokoke aku ai i ona lā.

KA BUKE ʻAHĀ A MOSE, I KAPA ʻIA NĀ HELU 16:5 Iomraidhean Croise

KA BUKE O NĀ HALELŪ 105:26

Hoʻouna maila ʻo ia iā Mose, i kāna kauā, Iā ʻAʻarona hoʻi, ka mea āna i wae mai ai.

KA BUKE O NĀ HALELŪ 115:10

E ka ʻohana a ʻAʻarona, e hilinaʻi ʻoukou iā Iēhova; ʻO ia ko lākou kōkua, a me ko lākou pale kaua.

KA BUKE O NĀ HALELŪ 65:4

Pōmaikaʻi ke kanaka āu i koho mai ai, A e hoʻokokoke ai hoʻi, i noho ia ma kou mau pā hale; E māʻona auaneʻi mākou i ka pono o kou hale, ʻo kou luakini hoʻāno.

KA BUKE ʻALUA A MOSE, I KAPA ʻIA PUKA ʻANA 28:1

¶ “E lawe ʻoe i ou lā iā ʻAʻarona, i kou kaikuaʻana, a me kāna mau keiki kāne pū me ia, mai waena mai o nā mamo a ʻIseraʻela, i lawelawe ʻo ia naʻu ma ka ʻoihana a ke kahuna: ʻo ʻAʻarona, ʻo Nadaba, ʻo ʻAbihu, ʻo ʻEleazara, a me ʻItamara, nā keiki kāne a ʻAʻarona.

KA BUKE ʻALUA A MOSE, I KAPA ʻIA PUKA ʻANA 28:41

“A e kau nō ʻoe ia mau mea ma luna o ʻAʻarona ʻo kou kaikuaʻana, a me kāna mau keiki kāne pū me ia; a e poni ʻoe iā lākou, a e hoʻolaʻa iā lākou, a e hoʻokahuna iā lākou, i lawelawe lākou naʻu ma ka ʻoihana a ke kahuna.

KA BUKE ʻALUA A MOSE, I KAPA ʻIA PUKA ʻANA 28:43

“Ma luna o ʻAʻarona ia mea, a ma luna o kāna mau keiki kāne, iā lākou e hele mai ai i loko o ka halelewa o ka ʻaha kanaka, a iā lākou e hoʻokokoke mai ai i ke kuahu, e lawelawe ma kahi kapu, i kau ʻole ai ka hewa ma luna o lākou a make. He kānāwai mau loa ia nona, a no kāna poʻe mamo ma hope ona.

KA WĀNANA A IEREMIA 30:21

‘A no lākou iho auaneʻi ko lākou poʻe luna, A e laha aku nō ko lākou kiaʻāina mai loko aku o lākou; A e lawe mai nō wau iā ia a kokoke, A e hoʻokokoke mai nō ʻo ia iaʻu; No ka mea, ʻo wai kēia i hoʻoikaika i kona naʻau e hoʻokokoke mai iaʻu?’ wahi a Iēhova.

KA WĀNANA A IEREMIA 49:19

“Aia hoʻi, e piʻi mai nō ʻo ia, e like me ka liona mai ka nani o Ioredane mai, e kūʻē i ka noho ʻana o ka mea ikaika; akā, i ke ʻamo ʻana o ka maka, e holo aku nō ʻo ia, mai laila aku. ʻO wai kaʻu mea i wae ʻia, e hoʻonoho nō wau iā ia ma luna ona? ʻO wai ka mea like me aʻu nei? ʻO wai hoʻi ka mea e hālāwai me aʻu? A ʻo wai ke kahu hipa e hiki iā ia ke kū i mua oʻu?”

KA WĀNANA A IEREMIA 50:44

“Aia hoʻi, e piʻi mai nō ia e like me ka liona mai ka nani o Ioredane mai, a i loko o kahi noho o ka mea ikaika; akā, i ka ʻamo ʻana o ka maka, e holo aku nō lākou mai laila aku, ʻo wai ka mea i wae ʻia, e hoʻonoho wau iā ia ma luna ona? ʻO wai ka mea like me aʻu nei? ʻO wai hoʻi ka mea e hālāwai me aʻu? A ʻo wai ke kahu hipa e hiki iā ia ke kū i mua oʻu?”

KA WĀNANA A ʻEZEKIʻELA 40:46

“A ʻo ke keʻena e nānā ana i ke kūkulu ʻākau, no nā kāhuna nō ia ka poʻe iā lākou ka mālama i ke kuahu; ʻo ia nā keiki a Zadoka i waena o nā mamo a Levi, ka poʻe hoʻokokoke iā Iēhova, e mālama iā ia.”

KA WĀNANA A ʻEZEKIʻELA 43:19

‘A e hāʻawi aku ʻoe i nā kāhuna, ʻo nā Levi, no nā hua a Zadoka, nā mea i hoʻokokoke mai iaʻu,’ wahi a Iēhova ka Haku, ‘e lawelawe noʻu, i bipi ʻōpiopio i mōhai lawehala.

KA WĀNANA A ʻEZEKIʻELA 45:4

“A e lilo ia ʻāpana hoʻāno o ka ʻāina no nā kāhuna, nā mea lawelawe o ka wahi hoʻāno, nā mea e hele kokoke mai e lawelawe na Iēhova; e lilo nō ia i kahua no ko lākou mau hale, a i wahi hoʻāno no ke keʻena kapu.

KA BUKE ʻAKOLU A MOSE, I KAPA ʻIA ʻOIHANA KAHUNA 10:3

A laila ʻōlelo aʻela ʻo Mose iā ʻAʻarona, “ʻO ka mea kēia a Iēhova i ʻōlelo mai ai, i ka ʻī ʻana, “E hoʻāno ʻia mai nō wau e ka poʻe e hoʻokokoke mai i oʻu nei, A e hoʻonani ʻia mai hoʻi au ma ke alo o nā kānaka a pau.’” A hakanū ihola ʻo ʻAʻarona.

KA BUKE ʻAKOLU A MOSE, I KAPA ʻIA ʻOIHANA KAHUNA 8:2

“E lawe ʻoe iā ʻAʻarona a me kāna mau keiki pū, a me nā kapa komo, a me ka ʻaila poni, a me ka bipi kāne i mōhai lawehala, a me nā hipa kāne ʻelua, a me ka hīnaʻi berena hū ʻole.

MALAKI 3:18

A laila, e huli mai auaneʻi ʻoukou, a e nānā maopopo i waena o ka poʻe pono a ʻo ka poʻe hewa, i waena hoʻi o ka mea mālama i ke Akua, a me ka mea mālama ʻole.

KA BUKE ʻAHĀ A MOSE, I KAPA ʻIA NĀ HELU 16:3

Hōʻuluʻulu aʻela lākou e kūʻē iā Mose a iā ʻAʻarona, ʻī maila iā lāua, “He nui loa kā ʻolua; no ka mea, ua laʻa ke anaina kanaka a pau loa, a ʻo Iēhova kekahi i waena o lākou; no ke aha lā hoʻi ʻolua e hoʻokiʻekiʻe aʻe nei iā ʻolua iho ma luna o ke anaina kanaka o Iēhova?”

KA BUKE ʻAHĀ A MOSE, I KAPA ʻIA NĀ HELU 16:6

“ʻO kēia kā ʻoukou e hana ai: e lawe ʻoukou i nā ipu kuni ʻala, ʻo Kora a me kona mau hoa a pau;

KA BUKE ʻAHĀ A MOSE, I KAPA ʻIA NĀ HELU 17:5

“A ʻo ke koʻokoʻo o ke kanaka aʻu e wae iho ai, e pua nō ia; a e hoʻopau nō wau mai oʻu aku nei i nā ʻōhumu ʻana a ka poʻe mamo a ʻIseraʻela e ʻōhumu aku nei iā ʻolua.”

KA BUKE ʻAHĀ A MOSE, I KAPA ʻIA NĀ HELU 17:8

¶ A ia lā aʻe, komo akula ʻo Mose i loko o ka halelewa o ke kānāwai; aia hoʻi, ua ʻōpuʻu mai ke koʻokoʻo o ʻAʻarona no ka ʻohana a Levi, a ua mōhala aʻe nā ʻōpuʻu, ua pua i nā pua, a ua hua mai i nā hua ʻalemona.

KA ʻEUANELIO I KĀKAU ʻIA AI E IOANE 15:16

“ʻAʻole ʻoukou i wae mai iaʻu; akā, ʻo wau kai wae aku iā ʻoukou, a i hoʻokaʻawale iā ʻoukou, i hele ai ʻoukou, a e hoʻohua mai ai i ka hua, a i mau ai hoʻi ko ʻoukou hua; i hāʻawi mai ai ka Makua iā ʻoukou i ka mea a ʻoukou e nonoi ai iā ia ma koʻu inoa.

NĀ ʻOIHANA A KA POʻE LUNAʻŌLELO 1:2

a hiki i ka lā i lawe ʻia aku ai ia i luna, ma hope o kāna kauoha ʻana mai ma ka ʻUhane Hemolele i nā lunaʻōlelo āna i wae mai ai.

NĀ ʻOIHANA A KA POʻE LUNAʻŌLELO 1:24

Pule akula lākou, ʻī akula, “E ka Haku, ka mea ʻike i ka naʻau o nā mea a pau loa, e hōʻike mai ʻoe i ka mea o lāua nei āu e koho mai ai,

NĀ ʻOIHANA A KA POʻE LUNAʻŌLELO 13:2

I ko lākou hoʻomana ʻana i ka Haku, a me ka hoʻokē ʻai ʻana, ʻī maila ka ʻUhane Hemolele, “E hoʻokaʻawale ʻoukou iā Barenaba lāua me Saulo naʻu, no ka hana aʻu i hea aku ai iā lāua.”

NĀ ʻOIHANA A KA POʻE LUNAʻŌLELO 15:7

Nui loa ihola ka hoʻopaʻapaʻa, a laila, kū maila ʻo Petero, ʻī maila iā lākou, “E nā kānaka, nā hoahānau, ua ʻike nō ʻoukou i nā lā ma mua, wau nō ko kākou mea a ke Akua i wae ai, i lohe ko nā ʻāina ʻē i ka ʻōlelo maikaʻi ma koʻu waha, a e manaʻoʻiʻo mai.

NĀ ʻOIHANA A KA POʻE LUNAʻŌLELO 22:14

“ʻĪ maila ia, ‘Ua koho mai ke Akua o ko kākou poʻe kūpuna iā ʻoe, i ʻike ʻoe i kona makemake, a e ʻike aku hoʻi i ka Mea Pono, a e lohe hoʻi i ka leo o kona waha.

ʻO KA ʻEPISETOLE A PAULO KA LUNAʻŌLELO I KO ʻEPESO 2:13

Akā, i nēia manawa i loko o Kristo Iesū, ʻo ʻoukou ka poʻe i mamao aku ma mua, ua hoʻokokoke ʻia mai ma ke koko o Kristo.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 2:19

ʻOiaʻiʻo hoʻi, ke kūpaʻa mau nei ke kumu a ke Akua mai, me kēia hōʻailona ona; “Ua ʻike mai nō ka Haku i kona poʻe ponoʻī;” a, “ʻO ka mea i hoʻohiki i ka inoa ʻo Kristo e haʻalele loa aku ia i ka hewa.”

ʻO KA ʻEPISETOLE A PAULO KA LUNAʻŌLELO I KO HEBERA 12:14

¶ E hahai ma ke kuʻikahi me nā kānaka a pau, a ma ka hemolele hoʻi, ʻaʻohe kanaka i nele ia mea e ʻike aku i ka Haku.

KA HŌʻIKE ʻANA A IOANE KA HAIPULE 1:6

a i hoʻolilo mai iā kākou he aupuni, a he mau kāhuna hoʻi no ke Akua no kona Makua; iā ia ka hoʻonani ʻia a me ka hoʻomana ʻia, a i ke ao pau ʻole. ʻĀmene.

KA BUKE MUA A SAMUʻELA 2:28

‘A ua wae anei au iā ia no loko mai o nā hanauna kanaka a pau o kā ʻIseraʻela i kahuna naʻu, e kaumaha aku ma luna o koʻu kuahu, e kuni i ka mea ʻala, e hoʻokomo i ka ʻēpoda i mua oʻu? A ua hāʻawi anei i ko ka hale o kou makua kāne i nā mōhai kuni a pau a nā mamo a ʻIseraʻela?