KA BUKE ʻAHĀ A MOSE, I KAPA ʻIA NĀ HELU 16:45 - Ka Baibala Hemolele

⁴⁵ “E hoʻokaʻawale aʻe iā ʻolua iho mai waena aʻe o kēia anaina kanaka, i hoʻopau koke ai au iā lākou.” A moe ihola lāua i lalo ke alo.

KA BUKE ʻAHĀ A MOSE, I KAPA ʻIA NĀ HELU 16:45 Iomraidhean Croise

KA BUKE MUA A MOSE, I KAPA ʻIA KINOHI 19:14

Hele akula ʻo Lota i waho, ʻōlelo akula i kona mau hūnōna kāne i mare me nā kaikamāhine āna, ʻī akula, “E ala aʻe, e holo aku i waho o kēia wahi; no ka mea, e luku mai ana ʻo Iēhova i nēia kūlanakauhale.” Akā, ua like ia i ka manaʻo o nā hūnōna kāne me ka mea hoʻomāʻewaʻewa.

KA BUKE MUA O KA ʻOIHANA ALIʻI 21:16

Nānā aʻela nā maka o Dāvida i luna, a ʻike akula i ka ʻānela o Iēhova e kū ana ma waena o ka honua a ʻo ka lani, a he pahi kaua i unuhi ʻia ma kona lima i ʻō ʻia aku ma luna o Ierusalema. A laila, ʻo Dāvida a me nā lunakahiko i ʻaʻahu ʻia i ke kapa ʻinoʻino, hāʻule ihola lākou i lalo ke alo.

KA BUKE ʻAHĀ A MOSE, I KAPA ʻIA NĀ HELU 16:24

“E ʻōlelo aku ʻoe i ke anaina kanaka, e ʻī aku, ‘E hoʻokaʻawale aʻe iā ʻoukou iho mai kēlā ʻaoʻao a mai kēia ʻaoʻao aku o ka halelewa o Kora, ʻo Datana a ʻo ʻAbirama.’”

KA BUKE ʻAHĀ A MOSE, I KAPA ʻIA NĀ HELU 16:26

ʻŌlelo akula ia i ke anaina kanaka, ʻī akula, “E hoʻokaʻawale aku iā ʻoukou iho mai nā halelewa aku o kēia mau kānaka hewa, mai hoʻopā aku i kekahi mea o lākou nei, o make auaneʻi ʻoukou i loko o ko lākou hewa a pau.”

KA BUKE ʻAHĀ A MOSE, I KAPA ʻIA NĀ HELU 16:44

ʻŌlelo maila ʻo Iēhova iā Mose, ʻī maila,

KA BUKE ʻAHĀ A MOSE, I KAPA ʻIA NĀ HELU 20:6

Hele akula ʻo Mose lāua ʻo ʻAʻarona mai ke alo o ke anaina kanaka aku a ka puka o ka halelewa o ke anaina, a moe ihola lāua i lalo ke alo; a ʻikea maila ka nani o Iēhova iā lāua.

KA ʻEUANELIO I KĀKAU ʻIA AI E MATAIO 26:39

Hele iki akula ia, moe ihola kona alo i lalo, pule akula ia, ʻī akula, “E koʻu Makua ē, inā paha he mea hiki ia, e lawe aku ʻoe i kēia kīʻaha mai oʻu aku nei; akā hoʻi, aia i kou makemake, ʻaʻole i koʻu.”