KA BUKE ʻAHĀ A MOSE, I KAPA ʻIA NĀ HELU 16:41 - Ka Baibala Hemolele

⁴¹ ¶ Ia lā aʻe, ʻōhumu aʻela ke anaina kanaka a pau o nā mamo a ʻIseraʻela, iā Mose a iā ʻAʻarona, ʻī maila, “Ua make iā ʻolua ko Iēhova poʻe kānaka.”

KA BUKE ʻAHĀ A MOSE, I KAPA ʻIA NĀ HELU 16:41 Iomraidhean Croise

KA BUKE MUA NO NĀ ALIʻI 18:17

Eia kekahi, i ka wā i ʻike ai ʻo ʻAhaba iā ʻElia, ʻī maila ʻo ʻAhaba iā ia, “ʻO ʻoe nō anei ka mea i hoʻopilikia i kā ʻIseraʻela?”

KA BUKE O NĀ HALELŪ 106:13

¶ Poina koke iā lākou kāna mau hana, ʻAʻole lākou i kakali i kāna aʻo ʻana.

KA BUKE O NĀ HALELŪ 106:23

A laila, ʻōlelo nō ʻo ia e luku iā lākou, Inā i kū ʻole ʻo Mose, kona mea i wae ʻia ma ka hakahaka i mua ona, E pale aku i kona huhū i ʻole ia e luku mai.

KA WĀNANA A ʻISAIA 26:11

¶ Ua hāpai ʻia kou lima, e Iēhova, ʻAʻole naʻe lākou i nānā; E ʻike nō naʻe lākou me ka hilahila, I kou aloha nui i nā kānaka ou, E ʻoiaʻiʻo nō, e ʻai nō ke ahi i kou poʻe ʻenemi.

KA WĀNANA A IEREMIA 38:4

No laila, ʻōlelo aʻela nā aliʻi i ke aliʻi nui, “Ke nonoi aku nei mākou iā ʻoe, e make kēia kanaka; no ka mea, pēlā ʻo ia e hoʻonāwaliwali nei i nā lima o nā kānaka kaua, ka poʻe e koe nei ma kēia kūlanakauhale, a me ka lima o nā kānaka a pau, i kāna ʻōlelo ʻana iā lākou i nā ʻōlelo e like me ia; no ka mea, ʻaʻole ʻimi kēia kanaka i ka mea e maluhia ai kēia poʻe kānaka; akā, i ka mea e pōʻino ai.”

KA WĀNANA A IEREMIA 43:3

akā, ke hoʻoikaika mai nei ʻo Baruka, ke keiki a Neria iā ʻoe e kūʻē iā mākou, e hāʻawi hoʻi iā mākou i loko o ka lima o ko Kaledea i pepehi mai lākou iā mākou, a lawe pio hoʻi iā mākou i Babulona.”

ʻAMOSA 7:10

¶ A laila, hoʻouna akula ʻo ʻAmazia, ke kahuna o Betela, i o Ieroboama lā, ke aliʻi o kā ʻIseraʻela, ʻī akula, “Ua kūʻē mai ʻo ʻAmosa iā ʻoe i waena o ko ka hale o ʻIseraʻela; ʻaʻole e hiki i ka ʻāina ke hoʻomanawanui i kāna mau ʻōlelo a pau.

KA BUKE ʻAHĀ A MOSE, I KAPA ʻIA NĀ HELU 14:2

ʻŌhumu aʻela nā mamo a pau a ʻIseraʻela iā Mose a me ʻAʻarona; ʻī akula ke anaina kanaka a pau iā lāua, “E aho ko mākou make ma ka ʻāina ʻo ʻAigupita! E aho ko mākou make ma kēia wao nahele!

KA ʻEUANELIO I KĀKAU ʻIA AI E MATAIO 5:11

“E pōmaikaʻi ana nō ʻoukou, ke hōʻino mai kānaka iā ʻoukou, ke hoʻomaʻau mai nō hoʻi; a noʻu nei, e ʻōlelo wahaheʻe mai ai iā ʻoukou i nā mea ʻino a pau.

NĀ ʻOIHANA A KA POʻE LUNAʻŌLELO 21:28

kāhea akula lākou, “E nā kānaka o kā ʻIseraʻela, e alu! Eia ke kanaka nāna i aʻo aku i kānaka a pau mai ʻō a ʻō i ka mea kūʻē i kānaka, a me ke Kānāwai, a me kēia wahi; a lawe mai nō hoʻi ia i mau Helene ma loko o ka luakini, a ua hoʻohaumia i kēia wahi hemolele.”

NĀ ʻOIHANA A KA POʻE LUNAʻŌLELO 5:28

ʻĪ akula, “ʻAʻole anei mākou i pāpā aku iā ʻoukou, mai aʻo aku ma kēia inoa? Aia hoʻi, ua hoʻopiha ʻoukou iā Ierusalema nei i ko ʻoukou manaʻo, a ke makemake nei ʻoukou e hoʻoili mai i ke koko o kēia kanaka ma luna o mākou.”

ʻO KA ʻEPISETOLE MUA A PAULO KA LUNAʻŌLELO I KO KORINETO 10:10

Mai ʻōhumu ʻoukou, e like me ka ʻōhumu ʻana o kekahi o lākou, a ua luku ʻia lākou e ka mea make.

ʻO KA ʻEPISETOLE LUA A PAULO KA LUNAʻŌLELO I KO KORINETO 6:8

ma ka mahalo ʻia mai a me ka mahalo ʻole ʻia mai, ma ka ʻōlelo ʻino ʻia mai, a me ka ʻōlelo maikaʻi ʻia mai; e like me nā mea hoʻopunipuni; akā, he ʻoiaʻiʻo naʻe;

ʻO KA ʻEPISETOLE HOʻOLAHA A IUDA 1:16

ʻO ia ka poʻe ʻōhumu, ʻoluʻolu ʻole, e hele ana ma ko lākou kuko iho: haʻanui ihola ko lākou waha me ka ʻōlelo hoʻokano aku, mahalo aʻela hoʻi i ko ke kino no ka uku ʻia mai.