KA BUKE ʻAHĀ A MOSE, I KAPA ʻIA NĀ HELU 16:28 - Ka Baibala Hemolele

²⁸ ʻĪ akula ʻo Mose, “Ma kēia mea e ʻike ai ʻoukou, ʻo wau nō kā Iēhova i hoʻouna mai nei e hana i kēia mau hana a pau; no ka mea, ʻaʻole ia na kuʻu manaʻo iho.

KA BUKE ʻAHĀ A MOSE, I KAPA ʻIA NĀ HELU 16:28 Iomraidhean Croise

KA BUKE MUA NO NĀ ALIʻI 18:36

Eia hoʻi kekahi, i ka wā i kaumaha ai i ka mōhai ahiahi, hoʻokokoke aʻela ʻo ʻElia ke kāula, ʻī akula hoʻi, “E Iēhova ke Akua o ʻAberahama, a me ʻIsaʻaka, a me ʻIseraʻela, i kēia lā e hōʻike ʻia ai ʻo ʻoe nō ke Akua i loko o kā ʻIseraʻela, a ʻo wau nei kāu kauā, a no kāu ʻōlelo i hana aku ai au i kēia mau mea a pau.

KA BUKE ʻALUA A MOSE, I KAPA ʻIA PUKA ʻANA 3:12

ʻĪ maila kēlā, “He ʻoiaʻiʻo, ʻo wau nō kekahi me ʻoe, eia hoʻi ka hōʻailona o koʻu hoʻouna ʻana aku iā ʻoe; i ka wā āu e lawe mai ai i ka poʻe kānaka mai ʻAigupita mai, e hoʻomana auaneʻi ʻoukou i ke Akua ma kēia kuahiwi.”

KA BUKE ʻALUA A MOSE, I KAPA ʻIA PUKA ʻANA 4:12

“No laila, ō hele, a ʻo wau pū nō me kou waha, e aʻo aku ana iā ʻoe i ka mea āu e ʻōlelo aku ai.”

KA BUKE ʻALUA A MOSE, I KAPA ʻIA PUKA ʻANA 4:15

“Nāu e ʻōlelo aku iā ia, a e waiho aku i nā hua ma kona waha; a ʻo wau pū nō me kou waha, a me kona waha, a e aʻo aku iā ʻolua i kā ʻolua mea e hana ai.

KA BUKE ʻALUA A MOSE, I KAPA ʻIA PUKA ʻANA 7:9

“I ka wā e ʻōlelo mai ai ʻo Paraʻo iā ʻolua, i ka ʻī ʻana mai, ‘E hōʻike mai ʻolua i kekahi hana mana’; a laila e ʻōlelo aʻe ʻoe iā ʻAʻarona, ‘E lālau i kou koʻokoʻo, a e kiola iho i mua o Paraʻo, a e lilo ia i nahesa.’”

KA WĀNANA A IEREMIA 23:16

¶ Ke ʻōlelo mai nei ʻo Iēhova o nā kaua penei, “Mai hoʻolohe ʻoukou i nā ʻōlelo a nā kāula, ka poʻe wānana mai iā ʻoukou. Hoʻolilo nō lākou iā ʻoukou i mea lapuwale; Haʻi mai nō lākou i ka hihiʻo o ko lākou naʻau iho, ʻAʻole mai ka waha o Iēhova mai.

KA WĀNANA A ʻEZEKIʻELA 13:17

¶ “ʻO ʻoe hoʻi, e ke keiki a ke kanaka, e hoʻokūʻē i kou wahi maka i nā kaikamāhine o koʻu poʻe kānaka, ka poʻe i wānana, mai loko aʻe o ko lākou naʻau iho; a e wānana kūʻē ʻoe iā lākou,

ZEKARIA 2:9

“Aia hoʻi, e lūlū aku nō au i kuʻu lima ma luna o lākou, a e hao ʻia aku lākou e ko lākou poʻe kauā; a e ʻike auaneʻi ʻoukou ua hoʻouna mai ʻo Iēhova o nā kaua iaʻu.

ZEKARIA 4:9

“Ua hoʻokumu ihola nā lima o Zerubabela i kēia hale, a na kona mau lima hoʻi e hoʻopaʻa; a e ʻike auaneʻi ʻoe, na Iēhova o nā kaua wau i hoʻouna mai i o ʻoukou lā.

KA BUKE ʻAHĀ A MOSE, I KAPA ʻIA NĀ HELU 24:13

‘Inā e hāʻawi mai ʻo Balaka i ke kālā a me ke gula a piha kona hale, inā ʻaʻole e hiki iaʻu ke hoʻohala i ka ʻōlelo a Iēhova, e hana i ka maikaʻi, ʻaʻole hoʻi i ka hewa ma kuʻu manaʻo iho: ʻo kā Iēhova e ʻōlelo mai ai, ʻo ia kaʻu e haʻi aku ai’?

KA ʻEUANELIO I KĀKAU ʻIA AI E IOANE 11:42

“A ua ʻike nō au, ua hoʻolohe mai ʻoe iaʻu i nā manawa a pau; akā, no ka ʻaha kanaka e kū mai nei i ʻōlelo aku ai au, i manaʻoʻiʻo mai ai lākou, ʻo ʻoe kai hoʻouna mai iaʻu.”

KA ʻEUANELIO I KĀKAU ʻIA AI E IOANE 14:11

“E manaʻoʻiʻo mai iaʻu, ʻo wau nō i loko o ka Makua, a ʻo ka Makua i loko oʻu; akā i ʻole, e manaʻoʻiʻo mai iaʻu no kēia mau hana.

KA ʻEUANELIO I KĀKAU ʻIA AI E IOANE 5:30

¶ “ʻAʻole e hiki iaʻu wale iho, ke hana i kekahi mea: e like me kaʻu i lohe ai, pēlā hoʻi kaʻu e hoʻopaʻi ai; a he pono kaʻu hoʻopaʻi ʻana; no ka mea, ʻaʻole wau e ʻimi i koʻu makemake iho; akā, i ka makemake o ka Makua nāna au i hoʻouna mai.

KA ʻEUANELIO I KĀKAU ʻIA AI E IOANE 5:36

“Akā, he hōʻike koʻu i ʻoi aku ma mua o kā Ioane; no ka mea, ʻo nā hana a ka Makua i hāʻawi mai ai naʻu e hana, ʻo kēia mau hana aʻu e hana nei ke hōʻike mai noʻu, ua hoʻouna mai ka Makua iaʻu.

KA ʻEUANELIO I KĀKAU ʻIA AI E IOANE 6:38

“No ka mea, ʻaʻole au i iho mai, mai ka lani mai e hana i koʻu makemake; akā, i ka makemake o ka Mea nāna au i hoʻouna mai.

KA BUKE ʻALIMA A MOSE, I KAPA ʻIA KĀNĀWAI LUA 18:22

“A i ʻōlelo aku kekahi kāula ma ka inoa ʻo Iēhova, a hiki ʻole mai ia mea, ʻaʻole hoʻi ia e kō, ʻo ia ka mea a Iēhova i ʻōlelo ʻole mai ai; ua ʻōlelo aku ua kāula lā me ka hoʻokiʻekiʻe; mai makaʻu aku ʻoe iā ia.