KA BUKE ʻAHĀ A MOSE, I KAPA ʻIA NĀ HELU 16:15 - Ka Baibala Hemolele

¹⁵ ¶ Huhū loa ihola ʻo Mose, a ʻī akula iā Iēhova, “Mai maliu mai ʻoe i kā lākou mōhai; ʻaʻole au i lawe noʻu i kekahi hoki o lākou, ʻaʻole hoʻi au i hana ʻeha aku i kekahi o lākou.”

KA BUKE ʻAHĀ A MOSE, I KAPA ʻIA NĀ HELU 16:15 Iomraidhean Croise

KA BUKE ʻALUA A SAMUʻELA 22:22

“No ka mea, ua mālama aku au i nā ʻaoʻao o Iēhova, ʻAʻole hoʻi au i hele hewa aku mai koʻu Akua aku.

KA BUKE ʻALUA A MOSE, I KAPA ʻIA PUKA ʻANA 32:19

A kokoke ia i hiki i kahi o lākou i hoʻomoana ai, ʻike akula ia i ka bipi keiki, a me ka haʻa ʻana; ulu puni ihola ko Mose huhū, kiola akula ia i nā papa, mai kona lima aku, a nahā ihola lāua ma lalo iho o ka mauna.

NĀ ʻŌLELO AKAMAI A SOLOMONA 21:27

ʻO ka mōhai o ka poʻe hewa, he hoʻopailua ia; Ua ʻoi aku hoʻi ka hewa, ke lawe ʻo ia ia mea me ka manaʻo ʻino.

KA BUKE ʻAHĀ A MOSE, I KAPA ʻIA NĀ HELU 12:3

(A ʻo ua kanaka lā ʻo Mose, ua ʻoi aku kona akahai ma mua o ko nā kānaka a pau ma luna o ka honua.)

KA BUKE ʻAHĀ A MOSE, I KAPA ʻIA NĀ HELU 16:16

ʻĪ akula ʻo Mose iā Kora, “ʻApōpō, e hele ʻoe me ou poʻe a pau i mua o Iēhova, ʻo ʻoe, ʻo lākou a me ʻAʻarona.

KA ʻEUANELIO I KĀKAU ʻIA AI E MATAIO 5:22

Eia hoʻi kaʻu e ʻōlelo aku nei iā ʻoukou, ʻo ka mea e huhū hala ʻole aku i kona hoahānau, e lilo ana ia i mea no ka hoʻohewa ʻia; a ʻo ka mea e hāʻiliʻili aku i kona hoahānau, ‘Ē, pupuka!’ E lilo ia i mea no ka ʻaha hoʻokolokolo; a ʻo ka mea e hāʻiliʻili aku, ‘Ē, lapuwale!’ E lilo ia i mea no ke ahi i Gehena.

KA ʻEUANELIO I KĀKAU ʻIA AI E MAREKO 3:5

Nānā aʻela ʻo ia iā lākou me ka inaina; no ka mea, ua minamina ia no ka paʻakikī o ko lākou naʻau. ʻĪ aʻela ia i ua kanaka lā, “E ʻō mai kou lima.” A ʻō maila ia, a laila hoʻōla ʻia ihola ia, e like me kekahi lima.

ʻO KA ʻEPISETOLE MUA A PAULO KA LUNAʻŌLELO I KO KORINETO 9:15

ʻAʻole hoʻi au i lawe i kekahi o kēia mau mea; ʻaʻole hoʻi au i palapala aku i kēia, i hana ʻia mai iaʻu pēlā; no ka mea, he mea maikaʻi iaʻu ka make, he mea ʻino ke hoʻonele mai kekahi iaʻu i kēia kaena ʻana.

ʻO KA ʻEPISETOLE LUA A PAULO KA LUNAʻŌLELO I KO KORINETO 1:12

¶ No ka mea, ʻo ko mākou kaena kēia, ʻo ka hōʻike ʻana nō o ko mākou naʻau; ma ka manaʻo hoʻokahi a me ka naʻau kūpono i kā ke Akua, ʻaʻole ma ko ke kino akamai; akā, ma ka lokomaikaʻi o ke Akua, ko mākou noho ʻana i kēia ao; a pēlā ʻiʻo hoʻi i waena o ʻoukou.

ʻO KA ʻEPISETOLE LUA A PAULO KA LUNAʻŌLELO I KO KORINETO 7:2

¶ E ʻike mai ʻoukou iā mākou; ʻaʻole mākou i hana ʻino aku i kekahi, ʻaʻole hoʻi mākou i hoʻokolohe aku i kekahi, ʻaʻole nō hoʻi mākou i ʻālunu aku i kā kekahi.

ʻO KA ʻEPISETOLE A PAULO KA LUNAʻŌLELO I KO ʻEPESO 4:26

«A i huhū ʻoukou, e ao o hewa auaneʻi»; mai hoʻomau i ko ʻoukou inaina a napoʻo ka lā.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 2:10

ʻO ʻoukou ko mākou poʻe hōʻike, a ʻo ke Akua kekahi, i ka hemolele, a me ka pono, a me ka hala ʻole o ko mākou noho ʻana i waena o ʻoukou ka poʻe i manaʻoʻiʻo.