KA BUKE ʻAHĀ A MOSE, I KAPA ʻIA NĀ HELU 16:13 - Ka Baibala Hemolele

¹³ “He mea liʻiliʻi anei kou lawe ʻana mai iā mākou mai loko mai o ka ʻāina e kahe ana ʻo ka waiū a me ka meli, e pepehi iā mākou ma ka wao nahele, ke hiki ʻole iā ʻoe e hoʻolilo iā ʻoe iho i aliʻi ma luna o mākou?

KA BUKE ʻAHĀ A MOSE, I KAPA ʻIA NĀ HELU 16:13 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 1:11

A hoʻonoho aku lākou i nā luna hoʻoluhi ma luna o lākou, i mea e hoʻokaumaha loa ai iā lākou i nā hana nui. A hana ihola lākou i nā kūlanakauhale papaʻa no Paraʻo, ʻo Pitoma, a ʻo Ramese.

KA BUKE ʻALUA A MOSE, I KAPA ʻIA PUKA ʻANA 1:22

kauoha aʻela ʻo Paraʻo i kona poʻe kānaka a pau, ʻī akula, “ʻO nā keiki kāne a pau ke hānau mai, e kiola aku iā lākou i ka muliwai; akā, ʻo nā kaikamāhine a pau, kā ʻoukou ia e hoʻōla ai.”

KA BUKE ʻALUA A MOSE, I KAPA ʻIA PUKA ʻANA 16:3

ʻĪ maila nā mamo a ʻIseraʻela iā lāua, “Inā i hāʻawi ʻia mai ka make no kākou, i ka lima o Iēhova, ma ka ʻāina ʻo ʻAigupita, i ka wā a kākou i noho ai ma nā ipu iʻa, a ʻai aku nō hoʻi kākou i ka ʻai a māʻona; no ka mea, ua lawe mai ʻolua iā kākou, ma loko o kēia wao nahele, e pepehi i kēia poʻe a pau i ka pōloli.”

KA BUKE ʻALUA A MOSE, I KAPA ʻIA PUKA ʻANA 17:3

Ma laila nā kānaka i make wai ai; ʻōhumu aʻela nā kānaka iā Mose, ʻī maila lākou, “No ke aha lā ʻoe i lawe mai ai iā mākou, mai ʻAigupita mai, e make mākou, a me kā mākou keiki, a me kā mākou holoholona, i ka make wai?”

KA BUKE ʻALUA A MOSE, I KAPA ʻIA PUKA ʻANA 2:14

ʻĪ maila kēlā, “Na wai lā ʻoe i hoʻolilo aʻe nei i aliʻi, a i luna kānāwai ma luna o mākou? Ke manaʻo nei anei ʻoe e pepehi mai iaʻu, e like me kou pepehi ʻana i ka ʻAigupita?” A laila makaʻu ihola ʻo Mose, ʻī ihola, “ʻOiaʻiʻo nō, ua ʻike ʻia kēia mea!”

KA BUKE ʻALUA A MOSE, I KAPA ʻIA PUKA ʻANA 2:23

¶ A nui nā lā i hala, make ke aliʻi o ʻAigupita, a kaniʻuhū ihola ka poʻe mamo a ʻIseraʻela, no ka luhi loa ʻana, a uē akula lākou; a hiki akula ko lākou uē ʻana i ke Akua no ko lākou luhi.

KA WĀNANA A ʻEZEKIʻELA 34:18

‘He mea ʻuʻuku anei iā ʻoukou, kā ʻoukou ʻai ʻana i ka ʻai maikaʻi, a ua hehi iho ʻoukou i ke koena o kā ʻoukou ʻai me ko ʻoukou mau wāwae? A ʻo ko ʻoukou inu ʻana i ka wai maikaʻi, a hoʻolepo hoʻi i ke koena me ko ʻoukou mau wāwae?

KA BUKE ʻAHĀ A MOSE, I KAPA ʻIA NĀ HELU 11:20

akā, he malama ʻokoʻa, a puka mai ia i waho ma ko ʻoukou mau puka ihu, a hoʻopailua ʻoukou ia; no ka mea, ua hoʻowahāwahā ʻoukou iā Iēhova e noho ana i waena o ʻoukou, a ua uē ʻoukou i mua ona, me ka ʻī ʻana aʻe, “No ke aha lā kākou i hele mai ai mai ʻAigupita mai?”’”

KA BUKE ʻAHĀ A MOSE, I KAPA ʻIA NĀ HELU 11:4

¶ A ʻo ka poʻe ʻē i hui pū ʻia mai me lākou, kuko nui aku lākou; a uē hou ihola nā mamo a ʻIseraʻela, ʻī aʻela, “Na wai lā e hāʻawi mai i ka ʻiʻo na kākou e ʻai ai?

KA BUKE ʻAHĀ A MOSE, I KAPA ʻIA NĀ HELU 11:5

“Ke hoʻomanaʻo nei mākou i ka iʻa a mākou i ʻai wale iho ai ma ʻAigupita; i nā kaʻukama me nā ipu ʻai maka, i nā leka me nā ʻakaʻakai, a me nā gālika;

KA BUKE ʻAHĀ A MOSE, I KAPA ʻIA NĀ HELU 13:27

ʻŌlelo maila lākou iā ia, ʻī maila, “Ua hele aku mākou i ka ʻāina āu i hoʻouna aku ai iā mākou, a he ʻoiaʻiʻo nō e kahe ana ka waiū a me ka meli i laila; eia hoʻi ka hua o ia wahi.

KA BUKE ʻAHĀ A MOSE, I KAPA ʻIA NĀ HELU 14:2

ʻŌhumu aʻela nā mamo a pau a ʻIseraʻela iā Mose a me ʻAʻarona; ʻī akula ke anaina kanaka a pau iā lāua, “E aho ko mākou make ma ka ʻāina ʻo ʻAigupita! E aho ko mākou make ma kēia wao nahele!

KA BUKE ʻAHĀ A MOSE, I KAPA ʻIA NĀ HELU 14:3

“No ke aha lā hoʻi i lawe mai nei ʻo Iēhova iā kākou i kēia ʻāina, e make i ka pahi kaua, a e lilo ai kā kākou mau wāhine a me nā keiki i pio? E aho paha e hoʻi kākou i ʻAigupita?”

KA BUKE ʻAHĀ A MOSE, I KAPA ʻIA NĀ HELU 16:12

¶ Hoʻouna akula ʻo Mose, e kiʻi iā Datana lāua ʻo ʻAbirama nā keiki a ʻEliaba; ʻī maila hoʻi lāua, “ʻAʻole māua e hele aku!

KA ʻEUANELIO I KĀKAU ʻIA AI E LUKA 19:14

“A ua hoʻowahāwahā kona poʻe kānaka iā ia, a hoʻouna akula i ka luna ma hope ona, ʻī akula, ‘ʻAʻole o mākou makemake i aliʻi ia ma luna o mākou.’

NĀ ʻOIHANA A KA POʻE LUNAʻŌLELO 7:35

“ʻO ua Mose lā, ka mea a lākou i hōʻole ai, me ka ʻī ʻana aʻe, ‘«ʻO wai ka mea i hoʻonoho iā ʻoe, i aliʻi, a i luna kānāwai»?’ ʻO ia nō kā ke Akua i hoʻouna aku ai i aliʻi, a i ola, ma ka lima o ka ʻānela āna i ʻike aku ai i waena o ka lāʻau ʻoʻoi.