KA BUKE ʻAHĀ A MOSE, I KAPA ʻIA NĀ HELU 15:24 - Ka Baibala Hemolele

²⁴ a laila, inā paha e hana hewa naʻaupō ʻia, a ua ʻike ʻole ʻia e ke anaina kanaka, e kaumaha aku nō ke anaina kanaka a pau i hoʻokahi bipi kāne hou i mōhai kuni, i mea ʻala ʻoluʻolu no Iēhova, me kāna mōhai ʻai, a me kāna mōhai inu, ma muli o ke kānāwai; a i hoʻokahi keiki kao i mōhai hala.

KA BUKE ʻAHĀ A MOSE, I KAPA ʻIA NĀ HELU 15:24 Iomraidhean Croise

KA BUKE A ʻEZERA 6:17

A kaumaha akula no ka hoʻolaʻa ʻana i kēia hale o ke Akua, i hoʻokahi haneri bipi kāne, i ʻelua haneri hipa kāne, a i ʻehā haneri keiki hipa; a i ʻumikumamālua nā kao kāne i mōhai hala no kā ʻIseraʻela a pau, e like me nā ʻohana o kā ʻIseraʻela.

KA BUKE A ʻEZERA 8:35

¶ A ʻo nā keiki a ka poʻe pio i hoʻi hou mai, kaumaha aku lākou i nā mōhai kuni i ke Akua o kā ʻIseraʻela, he ʻumikumamālua nā bipi kāne no kā ʻIseraʻela a pau, a he kanaiwakumamāono nā hipa kāne, a he kanahikukumamāhiku nā keiki hipa, he ʻumikumamālua nā kao kāne, i mōhai hala; ʻo ia mea a pau i mōhai kuni iā Iēhova.

KA BUKE ʻAKOLU A MOSE, I KAPA ʻIA ʻOIHANA KAHUNA 23:19

‘A laila e kaumaha ʻoukou i hoʻokahi keiki kao, i mōhai lawehala, a i ʻelua keiki hipa o ka makahiki mua, i ʻālana o nā mōhai hoʻomalu.

KA BUKE ʻAKOLU A MOSE, I KAPA ʻIA ʻOIHANA KAHUNA 4:2

“E ʻōlelo aku ʻoe i nā mamo a ʻIseraʻela, penei, ‘Inā no ka ʻike ʻole e hana hewa kekahi ʻuhane i kekahi kauoha a Iēhova, i ka mea pono ʻole ke hana, a e hana hewa aku i kekahi o ia mau mea;

KA BUKE ʻAKOLU A MOSE, I KAPA ʻIA ʻOIHANA KAHUNA 4:22

¶ ‘Aia hana hewa ke aliʻi, a no ka ʻike ʻole i hana aku ai i kekahi o nā kauoha a Iēhova kona Akua, i ka mea pono ʻole ke hana, a ua hewa ia;

KA BUKE ʻAKOLU A MOSE, I KAPA ʻIA ʻOIHANA KAHUNA 4:23

a inā i loaʻa iā ia kona hewa āna i hana ai; e lawe mai nō ʻo ia i kāna mōhai he keiki kao, he kāne kīnā ʻole.

KA BUKE ʻAKOLU A MOSE, I KAPA ʻIA ʻOIHANA KAHUNA 5:15

“Inā e hana kekahi i ka hewa, a lawehala no ka ʻike ʻole, ma nā mea hoʻāno o Iēhova, a laila e lawe mai ʻo ia iā Iēhova no kona hewa, i ka hipa kāne kīnā ʻole no loko mai o nā ʻohana, me ka mea āu i manaʻo ai ma nā sekela kālā, ma muli o ke sekela o ke keʻena kapu, i mōhai hala.

KA BUKE ʻAKOLU A MOSE, I KAPA ʻIA ʻOIHANA KAHUNA 5:18

“A e lawe mai ʻo ia i ka hipa kāne kīnā ʻole no loko mai o ka ʻohana, me ka mea āu i manaʻo ai, i ke kahuna i mōhai hala; a e hana ke kahuna i kalahala nona, no kona ʻike ʻole i hewa ai a ʻike ʻole hoʻi, a e kala ʻia nō ia.

KA BUKE ʻAHĀ A MOSE, I KAPA ʻIA NĀ HELU 15:23

i nā mea a pau a Iēhova i kauoha mai ai ma ka lima o Mose, mai ka lā a Iēhova i kauoha mai ai, a ma kēia hope aku i waena o nā hanauna o ʻoukou;

KA BUKE ʻAHĀ A MOSE, I KAPA ʻIA NĀ HELU 15:26

‘A e kala ʻia ia no ke anaina a pau o nā mamo a ʻIseraʻela, a no ke kanaka ʻē e noho ana i waena o lākou; no ka mea, i loko o ka naʻaupō ka poʻe kānaka a pau.

KA BUKE ʻAHĀ A MOSE, I KAPA ʻIA NĀ HELU 28:15

‘A hoʻokahi keiki kao i mōhai lawehala iā Iēhova e kaumaha ʻia aku ai, he ʻokoʻa ka mōhai kuni mau a me kāna mōhai inu.