KA BUKE ʻAHĀ A MOSE, I KAPA ʻIA NĀ HELU 14:9 - Ka Baibala Hemolele

⁹ “Akā, mai kipi aku ʻoukou iā Iēhova, mai makaʻu hoʻi i nā kānaka o ka ʻāina; no ka mea, he mea ʻai lākou na kākou; ua hala akula ko lākou malu mai o lākou aku lā, me kākou nō hoʻi ʻo Iēhova; mai makaʻu iā lākou.”

KA BUKE ʻAHĀ A MOSE, I KAPA ʻIA NĀ HELU 14:9 Iomraidhean Croise

KA BUKE MUA A MOSE, I KAPA ʻIA KINOHI 48:21

ʻĪ maila ʻo ʻIseraʻela iā Iosepa, “Eia hoʻi, ua kokoke au e make, a e noho ana nō ke Akua me ʻoukou, a e hoʻihoʻi aku nō ia iā ʻoukou i ka ʻāina o ko ʻoukou poʻe mākua.

KA BUKE ʻALUA O KA ʻOIHANA ALIʻI 13:12

“Eia hoʻi me mākou ke Akua i luna no mākou, a ʻo kona mau kāhuna nō hoʻi me nā mea kani e hoʻopūʻiwa iā ʻoukou. E nā mamo a ʻIseraʻela, mai kaua aku ʻoukou iā Iēhova i ke Akua o ko ʻoukou poʻe kūpuna; no ka mea, ʻaʻole pono iki ʻoukou pēlā!”

KA BUKE ʻALUA O KA ʻOIHANA ALIʻI 15:2

Hele akula ia e hālāwai pū me ʻAsa, ʻī akula iā ia, “E hoʻolohe mai iaʻu, e ʻAsa, a me kā Iuda a pau, a me kā Beniamina; ʻo Iēhova pū kekahi me ʻoukou i ko ʻoukou noho pū ʻana me ia; inā e ʻimi ʻoukou iā ia, e loaʻa nō ʻo ia iā ʻoukou; akā, inā e haʻalele ʻoukou iā ia, e haʻalele kēlā iā ʻoukou.

KA BUKE ʻALUA O KA ʻOIHANA ALIʻI 20:17

‘ʻAʻole ʻoukou e kaua i kēia manawa, e hoʻomākaukau ʻoukou, e kū mālie, a e nānā i ko Iēhova hoʻōla ʻana mai iā ʻoukou, e kā Iuda, a me ko Ierusalema;’ mai makaʻu ʻoukou, mai hopohopo; i ka lā ʻapōpō, e hele kūʻē aku ʻoukou i o lākou lā. ʻO Iēhova pū kekahi me ʻoukou.”

KA BUKE ʻALUA O KA ʻOIHANA ALIʻI 32:8

“Me ia he lima kanaka; akā, me kākou ʻo Iēhova ko kākou Akua, e kōkua mai iā kākou, a e kaua i ko kākou kaua.” A hilinaʻi nā kānaka i nā ʻōlelo a Hezekia, ke aliʻi o kā Iuda.

KA BUKE A NEHEMIA 4:14

A nānā au a kū aʻe, a ʻōlelo akula i nā kaukaualiʻi, a me nā luna, a me ke koena o ka poʻe kānaka, “Mai makaʻu ʻoukou i mua o lākou; e hoʻomanaʻo ʻoukou i ka Haku nui hoʻoweliweli, a e kaua ʻoukou no ko ʻoukou mau hoahānau, a me kā ʻoukou mau keiki kāne, a me kā ʻoukou mau kaikamāhine, a me kā ʻoukou mau wāhine, a me ko ʻoukou mau hale.”

KA BUKE O NĀ HALELŪ 106:24

A hoʻowahāwahā nō hoʻi lākou i ka ʻāina aloha, ʻAʻole hoʻi i hōʻoiaʻiʻo i kāna ʻōlelo.

KA BUKE O NĀ HALELŪ 121:5

¶ ʻO Iēhova nō kou kiaʻi; ʻO Iēhova nō kou malu, ma kou lima ʻākau.

KA BUKE O NĀ HALELŪ 14:4

¶ ʻAʻole anei i ʻike iki ka poʻe hana hewa a pau? Ka poʻe i pau ai koʻu poʻe kānaka i ka ʻai ʻia, E like me ko lākou ʻai ʻana i ka berena, ʻAʻole naʻe i kāhea i ka inoa ʻo Iēhova.

KA BUKE O NĀ HALELŪ 46:11

ʻO Iēhova Sābāōta ʻo ia me kākou; ʻO ko Iakoba Akua ko kākou wahi e malu ai. Sila.

KA BUKE O NĀ HALELŪ 46:7

ʻO Iēhova Sābāōta, ʻo ia me kākou; ʻO ko Iakoba Akua ko kākou wahi e malu ai. Sila.

KA BUKE O NĀ HALELŪ 46:8

¶ E hele mai e nānā i nā hana a Iēhova, I kona hoʻoneoneo ʻana ma ka honua.

KA BUKE O NĀ HALELŪ 74:14

ʻUlupā ihola ʻoe i nā poʻo o ka Leviatana, A hāʻawi iā ia i ʻai na nā kānaka o ka wao nahele.

KA BUKE O NĀ HALELŪ 91:1

¶ ʻO ka mea noho iho ma kahi malu o ka Mea Kiʻekiʻe Loa, E moe ʻo ia ma ke aka o ka Mea Mana Loa.

KA BUKE ʻALUA A MOSE, I KAPA ʻIA PUKA ʻANA 14:13

ʻŌlelo akula ʻo Mose i nā kānaka, “Mai makaʻu ʻoukou, e kū mālie ʻoukou, a e nānā aku i ka hoʻōla ʻana o Iēhova, i ka mea āna e hōʻike mai ai iā ʻoukou i kēia lā; no ka mea, ʻo ko ʻAigupita a ʻoukou i ʻike ai i kēia lā, ʻaʻole ʻoukou e ʻike hou iā lākou, ma hope mau loa aku.

KA BUKE ʻALUA A MOSE, I KAPA ʻIA PUKA ʻANA 33:16

“Ma hea lā e ʻike ʻia ai ua loaʻa iaʻu a me kou poʻe kānaka ka lokomaikaʻi ʻia i kou maka? ʻAʻole anei ma kou hele pū ʻana me mākou? A pēlā mākou e hoʻokaʻawale ʻia ai, ʻo wau a me koʻu poʻe kānaka, mai nā kānaka ʻē aku a pau loa e noho ana ma luna o ka honua.”

KA WĀNANA A ʻISAIA 1:2

E hoʻolohe, e nā lani, e hāliu mai hoʻi, e ka honua, No ka mea, ʻo Iēhova kai ʻōlelo mai, “Ua hānai au i nā keiki, a ua mālama hoʻi, Akā, ua kipi mai lākou iaʻu.

KA WĀNANA A ʻISAIA 32:2

E like auaneʻi ke kanaka me kahi lulu o ka makani, Me ka māmalu hoʻi no ka ua; E like me nā ʻauwai ma kahi maloʻo, E like hoʻi me ka malu o ka pōhaku nui ma ka ʻāina māluhiluhi.

KA WĀNANA A ʻISAIA 41:10

‘Mai makaʻu ʻoe; no ka mea, ʻo wau pū nō me ʻoe; Mai weliweli hoʻi; no ka mea, ʻo wau nō kou Akua. Naʻu nō i hoʻoikaika aku iā ʻoe, A naʻu hoʻi ʻoe i kōkua aku; Ua hoʻokūpaʻa aku au iā ʻoe i ka lima ʻākau o koʻu pono.’

KA WĀNANA A ʻISAIA 41:14

“Mai makaʻu, e ka ʻenuhe, e Iakoba ē, ʻO ʻoukou nō hoʻi, e nā kānaka o kā ʻIseraʻela; Naʻu nō ʻoe e kōkua aku,” wahi a Iēhova, kou Hoʻōla Pānaʻi, Ka Mea Hemolele hoʻi o kā ʻIseraʻela.

KA WĀNANA A ʻISAIA 63:10

Akā, kipi nō lākou, a hōʻeha akula i kona ʻUhane Hemolele; No laila ʻo ia i huli ai i ʻenemi no lākou, A kaua mai nō hoʻi iā lākou.

KA WĀNANA A IEREMIA 1:19

“A e kaua mai nō lākou iā ʻoe, ʻaʻole naʻe lākou e lanakila ma luna ou; no ka mea, ʻo wau pū nō me ʻoe, e hoʻopakele iā ʻoe,” wahi a Iēhova.

KA WĀNANA A IEREMIA 42:11

‘Mai makaʻu i ke aliʻi o Babulona, i ka mea a ʻoukou e makaʻu nei; mai makaʻu iā ia,’ wahi a Iēhova; ‘no ka mea, ʻo wau pū me ʻoukou e hoʻōla iā ʻoukou, a e hoʻopakele hoʻi iā ʻoukou mai kona lima aku.

KA WĀNANA A IEREMIA 48:45

¶ “Kū nō ka poʻe i heʻe ma ka malu o Hesebona no ka ikaika ʻole; E puka mai nō naʻe ke ahi mai Hesebona mai, ʻO ka lapalapa ahi hoʻi ma loko mai i Sihona, E hoʻopau nō ia i ka mokuna ʻo Moaba, A me ka piko poʻo o nā kānaka hoʻohaunaele.

KA BUKE NO DANIʻELA 9:5

ua lawehala mākou, a ua hana hewa hoʻi, me ka hana ʻino wale aku, a me ke kipi aku nō hoʻi, ma ka haʻalele ʻana i kāu mau kauoha, a me kou mau kānāwai.

KA BUKE NO DANIʻELA 9:9

“I ka Haku ko mākou Akua ke aloha, a me ke kala i nā hala; ua kipi aku nō naʻe mākou iā ia;

KA BUKE ʻAHĀ A MOSE, I KAPA ʻIA NĀ HELU 13:30

¶ Hoʻomālielie iho ʻo Kaleba i kānaka i mua o Mose, ʻī maila, “E hele koke aku kākou, a e komo i ka ʻāina; no ka mea, e hiki pono nō iā kākou ke lanakila ma luna ona.”

KA BUKE ʻAHĀ A MOSE, I KAPA ʻIA NĀ HELU 17:6

ʻŌlelo akula ʻo Mose i nā mamo a ʻIseraʻela, a hāʻawi maila kēlā luna kēia luna i kekahi koʻokoʻo iā ia, hoʻokahi luna hoʻokahi koʻokoʻo no nā ʻohana o ko lākou poʻe kūpuna, he ʻumikumamālua mau koʻokoʻo; a i waena o ko lākou mau koʻokoʻo, ke koʻokoʻo o ʻAʻarona.

KA BUKE ʻAHĀ A MOSE, I KAPA ʻIA NĀ HELU 20:2

¶ ʻAʻohe wai i laila no ke anaina kanaka; a hoʻākoakoa aʻela lākou iā lākou iho, a kūʻē iā Mose lāua me ʻAʻarona.

KA BUKE ʻAHĀ A MOSE, I KAPA ʻIA NĀ HELU 24:8

“Na ke Akua ia i kaʻi mai nei, mai ʻAigupita mai; Iā ia hoʻi ka ikaika me he reʻema lā; E ʻai iho ʻo ia i nā lāhui kanaka i kona poʻe ʻenemi, A e uhaʻi ia i ko lākou mau iwi, E hou ʻia hoʻi lākou i kāna mau pua.

KA ʻEUANELIO I KĀKAU ʻIA AI E MATAIO 1:23

“«Aia hoʻi, e hāpai ana kekahi wahine puʻupaʻa, a e hānau mai ia i Keiki Kāne, a e kapa ʻia kona inoa ʻo ʻEmanuʻela»;” ʻo ke ʻano kēia, “«ʻo ke Akua me kākou».”

ʻO KA ʻEPISETOLE A PAULO KA LUNAʻŌLELO I KO ROMA 8:31

¶ He aha hoʻi kā kākou e ʻōlelo ai no kēia mau mea? A ʻo ke Akua me kākou, ʻo wai lā ke kūʻē mai iā kākou?

KA BUKE ʻALIMA A MOSE, I KAPA ʻIA KĀNĀWAI LUA 1:21

‘Aia hoʻi, ke waiho mai nei ʻo Iēhova kou Akua i ka ʻāina i mua ou; e piʻi aʻe, e komo, e like me kā Iēhova ke Akua o kou mau kūpuna i ʻōlelo mai ai iā ʻoe; mai makaʻu, mai hoʻopauaho.’

KA BUKE ʻALIMA A MOSE, I KAPA ʻIA KĀNĀWAI LUA 1:26

¶ “ʻAʻole naʻe ʻoukou i piʻi aku; akā, kipi aku ʻoukou i ke kauoha a Iēhova ko ʻoukou Akua.

KA BUKE ʻALIMA A MOSE, I KAPA ʻIA KĀNĀWAI LUA 1:29

“ʻĪ akula au iā ʻoukou, ‘Mai hopohopo ʻoukou, mai makaʻu hoʻi iā lākou.

KA BUKE ʻALIMA A MOSE, I KAPA ʻIA KĀNĀWAI LUA 31:6

“E ikaika ʻoukou, a e koa hoʻi; mai hopohopo ʻoukou, mai makaʻu iā lākou; no ka mea, ʻo Iēhova kou Akua, ʻo ia ke hele pū me ʻoe; ʻaʻole ia e kuʻu aku iā ʻoe, ʻaʻole hoʻi e haʻalele iā ʻoe.”

KA BUKE ʻALIMA A MOSE, I KAPA ʻIA KĀNĀWAI LUA 31:8

“A ʻo Iēhova, ʻo ia ke hele i mua ou; ʻo ia pū kekahi me ʻoe, ʻaʻole ʻo ia e kuʻu aku, ʻaʻole hoʻi e haʻalele iā ʻoe; mai makaʻu ʻoe, mai hopohopo.”

KA BUKE ʻALIMA A MOSE, I KAPA ʻIA KĀNĀWAI LUA 32:42

“E hoʻoinu au i nā pua aʻu i ke koko a ʻona, E ʻai iho kuʻu pahi kaua i ka ʻiʻo, Me ke koko o ka mea i pepehi ʻia, a me ko ka mea i pio, I ke poʻo hoʻi o nā aliʻi o ka poʻe ʻenemi.”’

KA BUKE ʻALIMA A MOSE, I KAPA ʻIA KĀNĀWAI LUA 7:18

“Mai makaʻu ʻoe iā lākou; e hoʻomanaʻo pono ʻoe i ka mea a Iēhova kou Akua i hana ai iā Paraʻo, a me ko ʻAigupita a pau:

KA BUKE ʻALIMA A MOSE, I KAPA ʻIA KĀNĀWAI LUA 7:21

“Mai makaʻu ʻoe iā lākou; no ka mea, i waena ou ʻo Iēhova kou Akua, he Akua nui, hoʻoweliweli.

KA BUKE ʻALIMA A MOSE, I KAPA ʻIA KĀNĀWAI LUA 9:7

¶ “E hoʻomanaʻo ʻoe, mai hoʻopoina i kou hoʻonāukiuki ʻana iā Iēhova kou Akua ma ka wao nahele; ma ka lā i puka mai ai ʻoukou mai ka ʻāina ʻo ʻAigupita mai, a hiki ʻoukou ma kēia wahi, ua kipi ʻoukou iā Iēhova.

ʻO KA ʻEPISETOLE A PAULO KA LUNAʻŌLELO I KO PILIPI 1:27

¶ E hana wale ʻoukou ma ka pono o ka ʻeuanelio a Kristo; a inā paha e hele aku au e ʻike iā ʻoukou, inā paha hoʻi ma kahi ʻē e lohe auaneʻi au i kā ʻoukou mau mea, e ʻike nō ua kūpaʻa ʻoukou ma ka ʻuhane hoʻokahi, me ka manaʻo hoʻokahi, a me ka hoʻoikaika pū ʻana i ka manaʻoʻiʻo o ka ʻeuanelio;

KA BUKE A IOSUA 1:5

“ʻAʻole loa e hiki i kekahi kanaka ke kū i mua ou, i nā lā a pau o kou ola ʻana. Me aʻu i noho pū ai me Mose, pēlā nō wau me ʻoe. ʻAʻole au e waiho aku, ʻaʻole hoʻi e haʻalele iā ʻoe.

KA BUKE A IOSUA 14:12

“ʻĀnō, e hāʻawi mai iaʻu i kēia mauna, ka mea a Iēhova i ʻōlelo mai ai i kēlā lā; no ka mea, ua lohe ʻoe ia lā i ka noho ʻana i laila o ka poʻe ʻAnakima, a ua nui ko lākou mau kūlanakauhale, a ua paʻa i ka pā; inā e kōkua mai ʻo Iēhova iaʻu, e kipaku auaneʻi au iā lākou i waho e like me ka ʻōlelo a Iēhova.”

KA BUKE NO NĀ LUNA KĀNĀWAI 1:22

¶ ʻO ka ʻohana a Iosepa kekahi i piʻi, e kaua aku iā Betela; a ʻo Iēhova pū nō me lākou.