KA BUKE ʻAHĀ A MOSE, I KAPA ʻIA NĀ HELU 14:42 - Ka Baibala Hemolele

⁴² “Mai noho a piʻi aku ʻoukou, ʻaʻole ʻo Iēhova me ʻoukou; o pepehi ʻia auaneʻi ʻoukou i mua o ko ʻoukou poʻe ʻenemi.

KA BUKE ʻAHĀ A MOSE, I KAPA ʻIA NĀ HELU 14:42 Iomraidhean Croise

KA BUKE ʻALUA O KA ʻOIHANA ALIʻI 15:2

Hele akula ia e hālāwai pū me ʻAsa, ʻī akula iā ia, “E hoʻolohe mai iaʻu, e ʻAsa, a me kā Iuda a pau, a me kā Beniamina; ʻo Iēhova pū kekahi me ʻoukou i ko ʻoukou noho pū ʻana me ia; inā e ʻimi ʻoukou iā ia, e loaʻa nō ʻo ia iā ʻoukou; akā, inā e haʻalele ʻoukou iā ia, e haʻalele kēlā iā ʻoukou.

KA BUKE O NĀ HALELŪ 89:43

Ua hoʻohuli aʻe nō hoʻi ʻoe i ka maka o kāna pahi kaua, ʻAʻole hoʻi ʻoe i hoʻokūpaʻa iā ia ma ke kaua.

KA BUKE ʻAHĀ A MOSE, I KAPA ʻIA NĀ HELU 14:43

“No ka mea, aia nō kā ʻAmeleka a me kā Kanaʻana i mua o ʻoukou, a e hāʻule auaneʻi ʻoukou i ka pahi kaua; no ka mea, ua huli aʻe ʻoukou mai o Iēhova aku; no ia mea, ʻaʻole ʻo Iēhova me ʻoukou.”

KA BUKE ʻALIMA A MOSE, I KAPA ʻIA KĀNĀWAI LUA 1:42

“ʻĪ maila ʻo Iēhova iaʻu, ‘E ʻī aku ʻoe iā lākou, “Mai piʻi ʻoukou, ʻaʻole hoʻi e kaua aku; no ka mea, ʻaʻole ʻo wau me ʻoukou; o luku ʻia mai ʻoukou e ko ʻoukou poʻe ʻenemi.”’

KA BUKE ʻALIMA A MOSE, I KAPA ʻIA KĀNĀWAI LUA 31:17

“A laila e hoʻaʻā ʻia aku koʻu inaina iā lākou ia lā, a e haʻalele aku au iā lākou, e hūnā au i koʻu maka mai o lākou aku, a e pau lākou i ka luku ʻia, a e loʻohia lākou e nā ʻino a me nā pilikia he nui loa; no laila, e ʻōlelo mai ai lākou ia lā, ‘ʻAʻole anei i hiki mai kēia mau mea ʻino i luna o kākou, no ka noho ʻole mai o ko kākou Akua i waena o kākou?’

KA BUKE A IOSUA 7:12

“No laila, ʻaʻole hiki i nā mamo a ʻIseraʻela, ke kū i mua o ko lākou poʻe ʻenemi, ua huli lākou i ko lākou kua i nā ʻenemi o lākou; no ka mea, ua laʻa lākou; ʻaʻole loa hoʻi au e noho pū hou me ʻoukou, ke hoʻopau ʻole ʻoukou ia mea laʻa mai o ʻoukou aku.

KA BUKE A IOSUA 7:8

“E koʻu Haku, he aha lā kaʻu e ʻōlelo aku ai, i ka wā e huli ai kā ʻIseraʻela i ko lākou kua i nā ʻenemi o lākou?

KA BUKE NO NĀ LUNA KĀNĀWAI 16:20

ʻĪ maila ia, “Ma luna ou auaneʻi ko Pilisetia, e Samesona!” Ala aʻela ia, mai kona hiamoe ʻana, ʻī maila, “E hele au i waho e like me nā wā ma mua, e hoʻoluliluli!” ʻAʻole ia i ʻike, ua haʻalele ʻo Iēhova iā ia.