KA BUKE ʻAHĀ A MOSE, I KAPA ʻIA NĀ HELU 14:19 - Ka Baibala Hemolele

¹⁹ “Ke noi aku nei au iā ʻoe, e kala mai ʻoe i ka hala o kēia poʻe kānaka, e like me ka nui o kou lokomaikaʻi; e like hoʻi me kāu i kala mai ai i kēia poʻe kānaka mai ʻAigupita mai, a hiki i kēia manawa.”

KA BUKE ʻAHĀ A MOSE, I KAPA ʻIA NĀ HELU 14:19 Iomraidhean Croise

KA BUKE MUA NO NĀ ALIʻI 8:34

a laila, e hoʻolohe ʻoe ma ka lani, a e kala mai i ka hewa o kou poʻe kānaka ʻIseraʻela, a e lawe hou mai ʻoe iā lākou i ka ʻāina āu i hāʻawi mai ai i ko lākou mau mākua.

KA BUKE O NĀ HALELŪ 106:45

A hoʻomanaʻo maila ʻo ia i kona berita me lākou, A minamina ihola ʻo ia, e like me ka nui o kona lokomaikaʻi ʻana.

KA BUKE O NĀ HALELŪ 78:38

Lokomaikaʻi mai nō naʻe ʻo ia, a kala mai ka hala, ʻAʻole i ʻānai mai iā lākou; Hoʻohuli pinepine aku ʻo ia i kona huhū, ʻAʻole i hoʻāla i kona inaina a pau.

KA BUKE O NĀ HALELŪ 85:2

Ua kala mai ʻoe i ka hewa o kou poʻe kānaka, Ua uhi mai ʻoe i ko lākou hala a pau. Sila.

KA BUKE ʻALUA A MOSE, I KAPA ʻIA PUKA ʻANA 32:32

“ʻĀnō hoʻi, inā paha e kala mai ʻoe i ko lākou hewa—akā, i ʻole, ke nonoi aku nei au iā ʻoe e holoi mai ʻoe iaʻu, mai ka buke āu i palapala ai.”

KA BUKE ʻALUA A MOSE, I KAPA ʻIA PUKA ʻANA 33:17

¶ ʻŌlelo maila ʻo Iēhova, iā Mose, “E hana nō hoʻi au i kēia mea āu i ʻōlelo mai ai; no ka mea, ua loaʻa iā ʻoe ka lokomaikaʻi ʻia i koʻu maka, a ua ʻike aku au iā ʻoe ma ka inoa.”

KA BUKE ʻALUA A MOSE, I KAPA ʻIA PUKA ʻANA 34:9

ʻĪ akula ia, “A inā i loaʻa iaʻu ka lokomaikaʻi ʻia mai i mua ou, e ka Haku ē, ke nonoi aku nei au e hele pū aku koʻu Haku me mākou; (he poʻe kānaka ʻāʻī ʻoʻoleʻa naʻe kēia); a e kala mai ʻoe i ko mākou hala me ko mākou hewa, a e lawe ʻoe iā mākou i hoʻoilina nou.”

KA WĀNANA A ʻISAIA 55:7

E haʻalele ke kanaka hewa i kona ʻaoʻao, A me ke kanaka lawehala, i kona mau manaʻo; A e hoʻi mai hoʻi ʻo ia i o Iēhova lā, a e lokomaikaʻi nō ʻo ia iā ia, A i ko kākou Akua hoʻi; no ka mea, e kala nui loa auaneʻi ʻo ia.

KA BUKE NO DANIʻELA 9:19

“E ka Haku ē, e hoʻolono mai; e ka Haku ē, e kala mai; e ka Haku ē, e hoʻolohe mai, a e hana hoʻi; mai kakali, no kou pono iho nō, e koʻu Akua: no kou kūlanakauhale a me kou poʻe i kapa ʻia ma kou inoa.”

ʻAMOSA 7:2

A i ka wā i hoʻopau ai lākou i ka ʻai ʻana i ka weuweu o ka ʻāina, a laila ʻī akula au, “E Iēhova ka Haku, ke noi aku nei au, e kala mai ʻoe. Pehea lā e kū mai ai ʻo Iakoba? No ka mea, ua ʻuʻuku ia.”

ʻAMOSA 7:5

A laila, ʻī akula au, “E ka Haku, e Iēhova, ke noi aku nei au, e oki; Pehea e kū mai ai ʻo Iakoba? No ka mea, ua ʻuʻuku ia.”

IONA 3:10

¶ A ʻike mai ke Akua i kā lākou hana ʻana, ua huli lākou mai ko lākou ʻaoʻao hewa mai; mihi ihola ke Akua no ka ʻino āna i ʻōlelo ai e hana mai iā lākou, ʻaʻole ia i hana mai.

IONA 4:2

A pule akula nō ia iā Iēhova, ʻī akula, “Ke noi aku nei au iā ʻoe, e Iēhova, ʻaʻole anei kēia kuʻu ʻōlelo, i kuʻu noho ʻana ma koʻu ʻāina? No laila i holo aku ai au ma mua i Taresisa; no ka mea, ua ʻike nō au he Akua ahonui ʻoe, a me ke aloha, e hākālia ana i ka huhū, a he lokomaikaʻi nui, a me ka haʻalele i ka manaʻo hoʻopaʻi.

MIKA 7:18

ʻO wai lā ke Akua e like me ʻoe, e kala ana i ka hewa, A e māʻalo aʻe ana i ka hala o ke koena o kona hoʻoilina? ʻAʻole ia e hoʻomau loa aku i kona inaina; No ka mea, ke makemake nei nō ia i ke aloha.

HABAKUKA 3:2

¶ E Iēhova, ua lohe au i ka mea āu i ʻōlelo ai, a weliweli ihola au; E Iēhova, e hoʻāla hou mai ʻoe i kāu hana i waena o nā makahiki, I waena o nā makahiki e hōʻike mai; I loko o ka huhū, e hoʻomanaʻo mai ʻoe i ke aloha.

KA BUKE ʻAHĀ A MOSE, I KAPA ʻIA NĀ HELU 23:21

“ʻAʻole ia i ʻike i ka hewa i loko o kā Iakoba, ʻAʻole hoʻi ʻo ia i ʻike i ke kekeʻe i loko o kā ʻIseraʻela. Me ia nō ʻo Iēhova ʻo kona Akua, I waena hoʻi o lākou ka hoʻōho aliʻi.

ʻO KA ʻEPISETOLE HOʻOLAHA A IAKOBO 5:15

A ʻo ka pule o ka manaʻoʻiʻo, e hoʻōla nō ia i ka mea maʻi, a na ka Haku e hoʻāla mai iā ia; a inā i hana hewa ʻo ia, e kala ʻia mai ia.