KA BUKE ʻAHĀ A MOSE, I KAPA ʻIA NĀ HELU 14:14 - Ka Baibala Hemolele

¹⁴ a e haʻi aku lākou ia i nā kānaka o kēia ʻāina. Ua lohe lākou, e Iēhova, ʻo ʻoe nō me kēia poʻe kānaka, a ua ʻike ʻia hoʻi ʻoe, e Iēhova, he maka nō he maka; a ua kū hoʻi kou ao ma luna o lākou; a ua hele hoʻi ʻoe i mua o lākou i ke ao ma ke kia ao, a ma ke kia ahi i ka pō.

KA BUKE ʻAHĀ A MOSE, I KAPA ʻIA NĀ HELU 14:14 Iomraidhean Croise

KA BUKE MUA A MOSE, I KAPA ʻIA KINOHI 32:30

Kapa akula ʻo Iakoba i ka inoa o ia wahi ʻo Peniʻela; “No ka mea, ua ʻike iho nei au i ke Akua, he maka nō he maka, a ua mālama ʻia kuʻu ola.”

KA BUKE A NEHEMIA 9:12

“Me ke kia ao nō ʻoe i alakaʻi ai iā lākou i ke ao; A me ke kia ahi nō hoʻi i ka pō I mālamalama no lākou Ma ke alanui a lākou e hele ai.

KA BUKE A NEHEMIA 9:19

“A laila, ʻaʻole ʻoe i haʻalele iā lākou ma ka wao nahele, No kou lokomaikaʻi he nui loa. ʻAʻole nō i haʻalele ke kia ao iā lākou i ke ao, E alakaʻi ana iā lākou ma ke alanui; ʻAʻole hoʻi i haʻalele ke kia ahi i ka pō, I mālamalama no lākou, Ma ke alanui a lākou e hele ai.

KA BUKE O NĀ HALELŪ 105:39

Hohola aʻela ʻo ia i ke ao e uhi ai iā lākou, I ke ahi hoʻi, e hoʻomālamalama mai i ka pō.

KA BUKE O NĀ HALELŪ 78:14

Ma ke ao ʻo ia i alakaʻi mai ai iā lākou i ke ao, Ma ka mālamalama o ke ahi hoʻi i nā pō a pau.

KA BUKE ʻALUA A MOSE, I KAPA ʻIA PUKA ʻANA 15:14

“E lohe auaneʻi nā kānaka, a e makaʻu hoʻi; E loʻohia auaneʻi ka poʻe noho ma Pilisetia i ka weliweli.

KA BUKE ʻALUA A MOSE, I KAPA ʻIA PUKA ʻANA 33:11

A kamaʻilio maila ʻo Iēhova iā Mose, he maka nō he maka, e like me ke kamaʻilio ʻana o ke kanaka me kona hoa. A hoʻi akula ia i loko o kahi e hoʻomoana ai, a me kāna kauā, ʻo Iosua, ke keiki a Nuna, he kanaka ʻōpiopio; akā, ʻaʻole ia i hele i waho o ka halelewa.

KA BUKE ʻALUA A MOSE, I KAPA ʻIA PUKA ʻANA 33:16

“Ma hea lā e ʻike ʻia ai ua loaʻa iaʻu a me kou poʻe kānaka ka lokomaikaʻi ʻia i kou maka? ʻAʻole anei ma kou hele pū ʻana me mākou? A pēlā mākou e hoʻokaʻawale ʻia ai, ʻo wau a me koʻu poʻe kānaka, mai nā kānaka ʻē aku a pau loa e noho ana ma luna o ka honua.”

KA BUKE ʻALUA A MOSE, I KAPA ʻIA PUKA ʻANA 40:38

No ka mea, aia nō ma luna o ka halelewa, ua ao lā o Iēhova i ke ao, a he ahi hoʻi ma luna o laila i ka pō, i mua o nā maka o ko ka hale a pau o kā ʻIseraʻela, i ko lākou hele ʻana a pau.

KA BUKE ʻAHĀ A MOSE, I KAPA ʻIA NĀ HELU 10:34

Uhi ihola ke ao o Iēhova ma luna o lākou i ke ao i ko lākou hele ʻana aku ma waho o kahi hoʻomoana.

KA BUKE ʻAHĀ A MOSE, I KAPA ʻIA NĀ HELU 12:8

“E ʻōlelo aku ana au me ia he waha nō he waha, Ma ka mea akāka, ʻaʻole ma ka ʻōlelo nane; A e ʻike mai nō ia i ke aka o Iēhova. No ke aha lā hoʻi i makaʻu ʻole ai ʻolua I ka ʻōhumu aku i kuʻu kauā iā Mose?”

KA ʻEUANELIO I KĀKAU ʻIA AI E IOANE 1:18

ʻAʻole loa i ʻike pono kekahi i ke Akua; ʻo ke Keiki hiwahiwa, aia ma ka poli o ka Makua, ʻo ia kai hōʻike mai iā ia.

KA ʻEUANELIO I KĀKAU ʻIA AI E IOANE 14:9

ʻŌlelo maila ʻo Iesū iā ia, “Ua lōʻihi koʻu noho pū ʻana me ʻoukou, ʻaʻole anei ʻoe i ʻike iaʻu, e Pilipo? ʻO ka mea i ʻike iaʻu, ua ʻike nō ia i ka Makua; a pehea lā ʻoe i ʻōlelo mai ai, ‘E hōʻike mai ʻoe iā mākou i ka Makua’?

ʻO KA ʻEPISETOLE MUA A PAULO KA LUNAʻŌLELO I KO KORINETO 13:12

I kēia wā, ke ʻike pōwehiwehi nei kākou, me he aniani lā; i kēlā wā aku, he maka nō, he maka. I kēia wā, ua ʻike pōwehiwehi au; akā, i kēlā wā aku, e ʻike maoli aku au, e like me kaʻu i ʻike ʻia mai ai.

KA BUKE ʻALIMA A MOSE, I KAPA ʻIA KĀNĀWAI LUA 1:19

¶ “A iā kākou i haʻalele ai iā Horeba, hele kākou ma loko o kēlā wao nahele nui weliweli a pau, a ʻoukou i ʻike ai ma ke ala o ka mauna o kā ʻAmora, e like me kā Iēhova i kauoha mai ai iā kākou; a hiki kākou ma Kadesa Banea.

KA BUKE ʻALIMA A MOSE, I KAPA ʻIA KĀNĀWAI LUA 34:10

ʻAʻole i kū mai ke kāula ma ia hope mai i loko o kā ʻIseraʻela e like me Mose, ka mea a Iēhova i ʻike mai ai, he maka nō he maka;

KA BUKE ʻALIMA A MOSE, I KAPA ʻIA KĀNĀWAI LUA 5:24

“ʻĪ maila ʻoukou, ‘Aia hoʻi, ua hōʻike mai ʻo Iēhova iā mākou i kona nani a me kona mana, a ua lohe mākou i kona leo mai loko mai o ke ahi; a ua ʻike hoʻi mākou i kēia lā i kā ke Akua ʻōlelo pū ʻana me kānaka, a ola ia.

KA BUKE ʻALIMA A MOSE, I KAPA ʻIA KĀNĀWAI LUA 5:4

“Kamaʻilio ʻo Iēhova me ʻoukou ma ka mauna, he maka nō he maka, mai loko mai o ke ahi.

KA BUKE A IOSUA 5:1

¶ A lohe nā aliʻi a pau o kā ʻAmora, ka poʻe i noho ma ia ʻaoʻao o Ioredane ma ke komohana, a me nā aliʻi a pau o ko Kanaʻana, ka poʻe i noho ma kai, i hoʻomaloʻo ʻo Iēhova i nā wai o Ioredane, ma mua o nā mamo a ʻIseraʻela, a pau kākou i ka hele aʻe, maʻule ihola ko lākou naʻau, ʻaʻole hoʻi i koe ke aho i loko o lākou i mua o nā mamo a ʻIseraʻela.

ʻO KA ʻEPISETOLE HOʻOLAHA MUA A IOANE 3:2

E nā punahele, ʻānō lā, he poʻe keiki kākou na ke Akua; akā, ʻo ko kākou ʻano ma hope aku, ʻaʻole ʻikea ia; akā, ke ʻike nei kākou, a i kona wā e ʻikea mai ai, e like auaneʻi kākou me ia; no ka mea, e ʻike kākou iā ia ma kona ʻano maoli.