KA BUKE ʻAHĀ A MOSE, I KAPA ʻIA NĀ HELU 14:11 - Ka Baibala Hemolele

¹¹ ¶ ʻĪ maila ʻo Iēhova iā Mose, “Pehea lā ka lōʻihi o ka hoʻonāukiuki ʻana mai o kēia poʻe kānaka iaʻu? Āhea lā hoʻi lākou e manaʻoʻiʻo mai ai iaʻu no nā mea mana a pau aʻu i hōʻike ai i waena o lākou?

KA BUKE ʻAHĀ A MOSE, I KAPA ʻIA NĀ HELU 14:11 Iomraidhean Croise

KA BUKE O NĀ HALELŪ 106:24

A hoʻowahāwahā nō hoʻi lākou i ka ʻāina aloha, ʻAʻole hoʻi i hōʻoiaʻiʻo i kāna ʻōlelo.

KA BUKE O NĀ HALELŪ 78:22

No ka mea, ʻaʻole lākou i manaʻoʻiʻo i ke Akua; ʻAʻole hoʻi i paulele i kona kōkua ʻana.

KA BUKE O NĀ HALELŪ 78:32

Akā, ma ia mau mea a pau, hana hewa hou ihola nō lākou, ʻAʻole i manaʻoʻiʻo i kāna mau hana kupanaha.

KA BUKE O NĀ HALELŪ 95:8

Mai hoʻopaʻakikī i ko ʻoukou naʻau, me ia ka hoʻonāukiuki ʻana, I ka lā i hoʻāʻo ʻia ai ma ka wao nahele;

KA BUKE ʻALUA A MOSE, I KAPA ʻIA PUKA ʻANA 10:3

Hele akula ʻo Mose lāua ʻo ʻAʻarona i loko i o Paraʻo lā, ʻī akula iā ia, “Ke ʻī mai nei ʻo Iēhova, ke Akua o nā Hebera, penei, ‘Pehea lā ka lōʻihi o kou hoʻohaʻahaʻa ʻole ʻana iā ʻoe iho i mua oʻu? E hoʻokuʻu mai ʻoe i koʻu poʻe kānaka, i hoʻokauā mai lākou naʻu.

KA BUKE ʻALUA A MOSE, I KAPA ʻIA PUKA ʻANA 16:28

ʻŌlelo maila ʻo Iēhova iā Mose, “Pehea lā ka lōʻihi o ko ʻoukou hōʻole ʻana, ʻaʻole e mālama i kaʻu mau kauoha, a me koʻu mau kānāwai?

KA BUKE ʻALUA A MOSE, I KAPA ʻIA PUKA ʻANA 23:21

“E ao iā ia e hoʻolohe i kona leo, mai hoʻohuhū aku iā ia; no ka mea, ʻaʻole ia e kala mai i kou hewa; aia hoʻi, ma loko ona koʻu inoa.

KA BUKE ʻALUA A MOSE, I KAPA ʻIA PUKA ʻANA 32:9

ʻĪ maila ʻo Iēhova iā Mose, “Ua ʻike nō au i kēia poʻe kānaka, aia hoʻi, he poʻe kānaka ʻāʻī ʻoʻoleʻa!

NĀ ʻŌLELO AKAMAI A SOLOMONA 1:22

“Pehea ka lōʻihi, e ka poʻe ʻike ʻole, E makemake ai ʻoukou i ka naʻaupō? A ʻoukou hoʻi, e ka poʻe hoʻowahāwahā, E makemake ai i ka hoʻowahāwahā ʻana? A ʻo ʻoukou, e ka poʻe naʻaupō, e inaina aku ai i ka naʻauao?

KA WĀNANA A IEREMIA 13:10

‘ʻO kēia poʻe kānaka hewa, ka poʻe manaʻo ʻole e hoʻolohe i kaʻu mau ʻōlelo, ka poʻe i hele ma ka paʻakikī o ko lākou naʻau, a hahai hoʻi ma muli o nā akua ʻē, e mālama iā lākou, a e hoʻomana iā lākou, e like auaneʻi lākou me kēia kāʻei, ka mea waiwai ʻole loa.

KA WĀNANA A IEREMIA 4:14

¶ E Ierusalema ē, holoi ʻoe i kou naʻau, i pau ka hewa, I hoʻōla ʻia hoʻi ʻoe. Pehea lā ka lōʻihi o ka noho ʻana o nā manaʻo lapuwale i loko ou?

KA WĀNANA A ʻEZEKIʻELA 20:13

“Akā, kipi maila ka ʻohana a ʻIseraʻela iaʻu ma ka wao nahele, ʻaʻole lākou i hele ma kaʻu mau kauoha, ua hoʻowahāwahā hoʻi lākou i koʻu mau kānāwai, ‘ʻo nā mea ke mālama ʻia e ke kanaka, e ola ia i laila’; a ua hoʻohaumia nui lākou i koʻu mau Sābati. A laila ʻōlelo akula au, E ninini aku au i koʻu ukiuki ma luna o lākou ma ka wao nahele, e hoʻopau ai iā lākou.

HOSEA 8:5

He mea hoʻopailua kou keiki bipi, e Samaria. “Ua hoʻaʻā ʻia kuʻu inaina iā lākou!” Pehea lā ka lōʻihi a loaʻa iā lākou ka maʻemaʻe?

ZEKARIA 8:14

¶ “No ka mea, penei ka ʻōlelo ʻana mai a Iēhova o nā kaua, ‘Me kaʻu i manaʻo ai e hoʻopaʻi aku i ko ʻoukou hewa, i ka wā o ko ʻoukou mau mākua i hoʻonāukiuki mai ai iaʻu,’ wahi a Iēhova o nā kaua, ‘ʻaʻole hoʻi au i hoʻololi hou i ka manaʻo;

KA BUKE ʻAHĀ A MOSE, I KAPA ʻIA NĀ HELU 14:23

ʻaʻole loa lākou e ʻike i ka ʻāina aʻu i hoʻohiki ai no ko lākou poʻe kūpuna, ʻaʻole hoʻi kekahi o ka poʻe i hoʻonāukiuki mai iaʻu e ʻike aku ia wahi.

KA BUKE ʻAHĀ A MOSE, I KAPA ʻIA NĀ HELU 14:27

“Pehea lā ka lōʻihi o ko kēia anaina kanaka ʻino e ʻōhumu mai ai iaʻu? Ua lohe nō wau i nā ʻōhumu ʻana a nā mamo a ʻIseraʻela i ʻōhumu mai ai iaʻu.

KA BUKE ʻAHĀ A MOSE, I KAPA ʻIA NĀ HELU 32:10

“A ua hoʻā ʻia ka inaina o Iēhova ia lā, a hoʻohiki ihola ia, i ka ʻī ʻana mai,

KA ʻEUANELIO I KĀKAU ʻIA AI E MATAIO 17:17

ʻŌlelo maila ʻo Iesū, ʻī maila, “E ka hanauna manaʻoʻiʻo ʻole a me ka hewa! Pehea hoʻi ka lōʻihi o koʻu noho pū ʻana me ʻoukou? Pehea hoʻi ka lōʻihi o koʻu hoʻomanawanui ʻana aku iā ʻoukou? E lawe mai iā ia i oʻu nei.”

KA ʻEUANELIO I KĀKAU ʻIA AI E MAREKO 9:19

ʻŌlelo maila ʻo ia iā lākou, ʻī maila, “Auē ka hanauna hoʻomaloka; pehea lā ka lōʻihi o koʻu noho pū ʻana me ʻoukou? Pehea ka lōʻihi o koʻu hoʻomanawanui ʻana aku iā ʻoukou? E lawe mai iā ia i oʻu nei!”

KA ʻEUANELIO I KĀKAU ʻIA AI E IOANE 10:38

“Akā, inā e hana au ia mau mea, a i manaʻoʻiʻo ʻole mai ʻoukou iaʻu, e manaʻoʻiʻo ʻoukou ia mau hana, i ʻike ai ʻoukou, a i manaʻoʻiʻo ai hoʻi, ʻo ka Makua i loko oʻu, a ʻo wau i loko ona.”

KA ʻEUANELIO I KĀKAU ʻIA AI E IOANE 12:37

He nui loa nā hana mana āna i hana ai i mua o lākou, ʻaʻole naʻe lākou i manaʻoʻiʻo iā ia.

KA ʻEUANELIO I KĀKAU ʻIA AI E IOANE 15:24

“Inā wau i hana ʻole i waena o lākou i nā hana ʻaʻole i hana ʻia e kekahi mea ʻē, inā ua hewa ʻole lākou; ʻānō hoʻi, ua ʻike lākou, a ua inaina mai lākou iaʻu, a me koʻu Makua.

KA BUKE ʻALIMA A MOSE, I KAPA ʻIA KĀNĀWAI LUA 1:32

“Akā, ma kēia mea, ʻaʻole nō ʻoukou i hōʻoiaʻiʻo aku i kā Iēhova ko ʻoukou Akua;

ʻO KA ʻEPISETOLE A PAULO KA LUNAʻŌLELO I KO HEBERA 3:16

ʻO wai lā ka poʻe i lohe, a laila hoʻonāukiuki akula? ʻAʻole anei ʻo ka poʻe a pau i hele mai, ma o Mose lā, mai ʻAigupita mai?

ʻO KA ʻEPISETOLE A PAULO KA LUNAʻŌLELO I KO HEBERA 3:18

Iā wai lā hoʻi kāna i hoʻohiki ai, ʻaʻole lākou e komo i kona wahi maha, ke ʻole ka poʻe i manaʻoʻiʻo ʻole?

ʻO KA ʻEPISETOLE A PAULO KA LUNAʻŌLELO I KO HEBERA 3:8

Mai hoʻopaʻakikī i ko ʻoukou naʻau e like me ia i ka hoʻonāukiuki ʻana, I ka lā i hoʻāʻo ʻia ai ma ka wao nahele;