KA BUKE ʻAHĀ A MOSE, I KAPA ʻIA NĀ HELU 13:33 - Ka Baibala Hemolele

³³ “Ma laila mākou i ʻike ai i nā kānaka nunui, i nā keiki a ʻAnaka, na ka poʻe kānaka nunui mai; ua like mākou me nā ʻūhini i ko mākou maka, a pēlā hoʻi mākou i mua o ko lākou maka.”

KA BUKE ʻAHĀ A MOSE, I KAPA ʻIA NĀ HELU 13:33 Iomraidhean Croise

KA BUKE MUA A MOSE, I KAPA ʻIA KINOHI 6:4

Noho ihola nā kānaka nunui ma ka honua ia manawa; a ma hope aku, a komo akula nā keiki a ke Akua i loko i nā kaikamāhine a nā kānaka, a hānau mai na lākou ka poʻe kānaka ikaika, he poʻe kānaka kaulana lākou i ka wā kahiko.

KA BUKE MUA O KA ʻOIHANA ALIʻI 11:23

Pepehi ihola hoʻi ʻo ia i kekahi kanaka ʻAigupita, he kanaka nunui, he ʻelima haʻilima ke kiʻekiʻe; a he ihe nō ma ka lima o ka ʻAigupita, e like me ka lāʻau o ka mea ulana lole; a iho akula kēlā i ona lā me ke koʻokoʻo, a kāʻili aʻela i ka ihe mai loko aʻe o ka lima o ka ʻAigupita, a pepehi ihola iā ia me kāna ihe.

KA WĀNANA A ʻISAIA 40:22

ʻO ia nō ke noho ma ka pōʻai o ka honua, A ua like hoʻi ko laila poʻe e noho ana me nā ʻūhini; Nāna nō e hoʻopālahalaha aku nā lani me he pākū lā, A hohola nō hoʻi lākou me he hale lole lā, kahi e noho ai.

KA BUKE ʻAHĀ A MOSE, I KAPA ʻIA NĀ HELU 13:22

A piʻi akula lākou ma ke Kūkulu Hema, a hiki aku i Heberona, i kahi o ʻAhimana, ʻo Sesai a me Talemai, nā keiki a ʻAnaka. (Ua hoʻokumu ʻia ʻo Heberona ʻehiku makahiki ma mua o Zoana i ʻAigupita.)

KA BUKE ʻAHĀ A MOSE, I KAPA ʻIA NĀ HELU 13:28

“Akā, ua ikaika nā kānaka e noho ana ma ia ʻāina; a ua paʻa i nā pā pōhaku nā kūlanakauhale, a nui loa; eia hoʻi kekahi, ua ʻike mākou i nā keiki a ʻAnaka ma laila.

KA BUKE ʻAHĀ A MOSE, I KAPA ʻIA NĀ HELU 14:1

¶ Hoʻokiʻekiʻe aʻela ke anaina kanaka a pau i ko lākou leo, a hoʻōho aʻela; a uē ihola nā kānaka ia pō.

KA BUKE ʻALIMA A MOSE, I KAPA ʻIA KĀNĀWAI LUA 1:28

‘Ma hea lā uaneʻi kākou e piʻi aku ai? Ua hoʻoweliweli mai ko kākou mau hoahānau i ko kākou naʻau, ua ʻī mai, “Ua nui ʻē aku nā kānaka, ua lōʻihi hoʻi lākou iā kākou; a ʻo nā kūlanakauhale nui, ua paʻa i ka pā pōhaku a hala i ka lani; a ua ʻike hoʻi mākou i nā keiki a ʻAnaka ma laila.”’

KA BUKE ʻALIMA A MOSE, I KAPA ʻIA KĀNĀWAI LUA 2:10

I ka manawa ma mua i noho ai ka poʻe ʻEmima ma laila, he poʻe nunui a lehulehu, he poʻe lōʻihi e like me ka poʻe ʻAnakima.

KA BUKE ʻALIMA A MOSE, I KAPA ʻIA KĀNĀWAI LUA 3:11

“No ka mea, ʻo ʻOga ke aliʻi o Basana wale nō i koe o nā kānaka nunui; aia hoʻi, ʻo kona wahi moe, he wahi moe hao; ʻaʻole anei ia ma Rabata no nā mamo a ʻAmona? ʻEiwa nō kūbita o kona lōʻihi, a ʻehā kūbita o kona laulā, ma kā ke kanaka kūbita.

KA BUKE ʻALIMA A MOSE, I KAPA ʻIA KĀNĀWAI LUA 9:2

“He poʻe kānaka nunui a lōʻihi, nā keiki a ka poʻe ʻAnakima, a ʻoukou i ʻike ai, a ua lohe hoʻi ʻoe, ‘ʻO wai lā auaneʻi e hiki ke kū i mua o nā keiki a ʻAnaka?’

KA BUKE A IOSUA 11:21

¶ Ia manawa, hele aʻela ʻo Iosua, a luku akula i ka poʻe ʻAnakima, ma nā mauna, ma Heberona, ma Debira, a ma ʻAnaba, a ma nā mauna o Iuda a pau, a ma nā mauna a pau o ʻIseraʻela. Luku loa akula ʻo Iosua iā lākou, me ko lākou mau kūlanakauhale.

KA BUKE A IOSUA 14:12

“ʻĀnō, e hāʻawi mai iaʻu i kēia mauna, ka mea a Iēhova i ʻōlelo mai ai i kēlā lā; no ka mea, ua lohe ʻoe ia lā i ka noho ʻana i laila o ka poʻe ʻAnakima, a ua nui ko lākou mau kūlanakauhale, a ua paʻa i ka pā; inā e kōkua mai ʻo Iēhova iaʻu, e kipaku auaneʻi au iā lākou i waho e like me ka ʻōlelo a Iēhova.”

KA BUKE A IOSUA 15:14

Ua kipaku aku ʻo Kaleba i nā keiki kāne ʻekolu a ʻAnaka, iā Sesai a me ʻAhimana, a me Talemai, ka poʻe i hānau na ʻAnaka.

KA BUKE MUA A SAMUʻELA 17:24

A ʻo nā kānaka a pau o kā ʻIseraʻela, a ʻike akula lākou iā ia, holo lākou mai kona maka aku, a makaʻu nui ihola.

KA BUKE MUA A SAMUʻELA 17:42

Nānā aʻela ke kanaka Pilisetia, a ʻike maila iā Dāvida, hoʻowahāwahā maila iā ia; no ka mea, he ʻōpiopio ʻo ia, a he ʻehu, a maikaʻi ke nānā aku.