KA BUKE ʻAHĀ A MOSE, I KAPA ʻIA NĀ HELU 13:29 - Ka Baibala Hemolele

²⁹ “E noho ana kā ʻAmeleka ma ka ʻĀina Kūkulu Hema; ʻo kā Heta, me kā Iebusa, a me kā ʻAmora, ua noho lākou ma nā mauna; a ua noho ko Kanaʻana ma ka moana a ma kapa o Ioredane.”

KA BUKE ʻAHĀ A MOSE, I KAPA ʻIA NĀ HELU 13:29 Iomraidhean Croise

KA BUKE MUA A MOSE, I KAPA ʻIA KINOHI 14:7

A hoʻi maila lākou, a hiki maila i ʻEne Misepata, ʻo ia ʻo Kadesa, a hahau aku ia i ko ka ʻāina a pau o kā ʻAmeleka, a me kā ʻAmora i noho lā ma Hazezona Tamara.

KA BUKE A NEHEMIA 9:8

“Loaʻa ihola iā ʻoe kona naʻau he kūpaʻa i mua ou, A hoʻohiki ihola ʻoe me ia i ka berita E hāʻawi i ka ʻāina o nā Kanaʻana, Nā Heta, nā ʻAmora A me nā Pereza, a me nā Iebusa, A me nā Giregasa, E hāʻawi nō i kāna poʻe mamo, A hoʻokō iho nō ʻoe i kāu ʻōlelo; No ka mea, he mea hana pololei nō ʻoe.

KA BUKE O NĀ HALELŪ 83:7

ʻO ko Gebela, a me ko ʻAmona, a me ko ʻAmeleka; ʻO ko Pilisetia pū, a me ka poʻe e noho ma Turo;

KA BUKE ʻALUA A MOSE, I KAPA ʻIA PUKA ʻANA 3:17

“Ua ʻōlelo hoʻi au, ‘Naʻu nō ʻoukou e lawe aku i luna, mai loko aʻe o ka pōpilikia o ʻAigupita, a hiki i ka ʻāina o kā Kanaʻana a me kā Heta a me kā ʻAmora a me kā Pereza a me kā Heva, a me kā Iebusa, i ka ʻāina e kahe ana ʻo ka waiū a me ka meli.’

KA BUKE ʻALUA A MOSE, I KAPA ʻIA PUKA ʻANA 3:8

“Ua iho mai nei au i lalo nei e hoʻokuʻu iā lākou mai ka lima mai o ko ʻAigupita, a e lawe mai iā lākou mai ia ʻāina mai, a kekahi ʻāina maikaʻi, a nui nō hoʻi, he ʻāina e kahe ana ʻo ka waiū a me ka meli; i kahi o ka poʻe Kanaʻana, a me kā Heta, a me kā ʻAmora, a me kā Pereza, a me kā Heva, a me kā Iebusa.

KA BUKE ʻAHĀ A MOSE, I KAPA ʻIA NĀ HELU 13:17

¶ Hoʻouna akula ʻo Mose iā lākou e mākaʻikaʻi i ka ʻāina ʻo Kanaʻana, ʻī akula hoʻi iā lākou, “E haele ʻoukou ma kēia ʻAoʻao Kūkulu Hema, a e piʻi i luna i ka mauna.

KA BUKE ʻAHĀ A MOSE, I KAPA ʻIA NĀ HELU 13:30

¶ Hoʻomālielie iho ʻo Kaleba i kānaka i mua o Mose, ʻī maila, “E hele koke aku kākou, a e komo i ka ʻāina; no ka mea, e hiki pono nō iā kākou ke lanakila ma luna ona.”

KA BUKE ʻAHĀ A MOSE, I KAPA ʻIA NĀ HELU 14:25

(Ua noho nō kā ʻAmeleka a me kā Kanaʻana ma ke awāwa.) ʻApōpō, e huli ʻoukou, a e komo aku i loko o ka wao nahele, ma ke ala e hiki ai i ke Kai ʻUla.

KA BUKE ʻAHĀ A MOSE, I KAPA ʻIA NĀ HELU 14:43

“No ka mea, aia nō kā ʻAmeleka a me kā Kanaʻana i mua o ʻoukou, a e hāʻule auaneʻi ʻoukou i ka pahi kaua; no ka mea, ua huli aʻe ʻoukou mai o Iēhova aku; no ia mea, ʻaʻole ʻo Iēhova me ʻoukou.”

KA BUKE ʻAHĀ A MOSE, I KAPA ʻIA NĀ HELU 14:45

A laila, iho maila kā ʻAmeleka a me kā Kanaʻana e noho ana ma ia puʻu, pepehi ihola iā lākou, a hoʻopuehu akula a hiki i Horema.

KA BUKE ʻAHĀ A MOSE, I KAPA ʻIA NĀ HELU 24:20

Nānā akula hoʻi ʻo ia i kā ʻAmeleka, haʻi maila ia i kāna ʻōlelo nane, ʻī maila, “ʻO ʻAmeleka, ke poʻokela o nā lāhui kanaka, Akā ʻo kona hope, e make mau loa nō ʻo ia.”

KA BUKE ʻALIMA A MOSE, I KAPA ʻIA KĀNĀWAI LUA 20:17

“E luku loa aku iā lākou: i kā Heta, i kā ʻAmora, i kā Kanaʻana, i kā Pereza, i kā Heva, a me kā Iebusa, e like me kā Iēhova kou Akua i kauoha mai ai iā ʻoe;

KA BUKE ʻALIMA A MOSE, I KAPA ʻIA KĀNĀWAI LUA 7:1

¶ “Aia kaʻi aku ʻo Iēhova kou Akua iā ʻoe i ka ʻāina āu e hele aku nei e noho i laila, a hoʻokuke aku ia i nā lāhui kanaka, he nui ma mua ou, i kā Heta, i kā Giregasa, me kā ʻAmora, me kā Kanaʻana, me kā Pereza, me kā Heva, a me kā Iebusa, i ʻehiku lāhui kanaka, ua ʻoi aku ko lākou nui a me ko lākou ikaika i kou;

KA BUKE A IOSUA 10:5

A laila, ʻākoakoa maila nā aliʻi ʻelima o kā ʻAmora, ʻo ke aliʻi o Ierusalema, ʻo ke aliʻi o Heberona, ʻo ke aliʻi o Iaremuta, ʻo ke aliʻi o Lakisa, a me ke aliʻi o ʻEgelona, a piʻi akula lākou a me ko lākou huna kaua a pau, a hoʻomoana ihola ma ke alo o Gibeona, a kaua akula.

KA BUKE A IOSUA 10:6

¶ Hoʻouna koke maila nā kānaka o Gibeona iā Iosua, ma kahi āna i hoʻomoana ai ma Gilegala, ʻī maila, “Mai hoʻokaʻulua ʻoe i kou lima i kāu poʻe kauā nei; e piʻi koke mai i o mākou nei, e hoʻopakele, a e kōkua mai iā mākou; no ka mea, ua ʻākoakoa mai nei nā aliʻi a pau o kā ʻAmora, ka poʻe e noho ana ma nā mauna, e kūʻē iā mākou.”

KA BUKE A IOSUA 3:10

ʻĪ maila ʻo Iosua, “Eia ka mea e ʻike ai ʻoukou i ka noho pū ʻana o ke Akua ola me ʻoukou, a e ʻoiaʻiʻo nō, e kipaku aku ia ma mua o ʻoukou i kā Kanaʻana, a me kā Heta, a me kā Heva, a me kā Pereza, a me kā Giregasa, a me kā ʻAmora, a me kā Iebusa.

KA BUKE A IOSUA 5:1

¶ A lohe nā aliʻi a pau o kā ʻAmora, ka poʻe i noho ma ia ʻaoʻao o Ioredane ma ke komohana, a me nā aliʻi a pau o ko Kanaʻana, ka poʻe i noho ma kai, i hoʻomaloʻo ʻo Iēhova i nā wai o Ioredane, ma mua o nā mamo a ʻIseraʻela, a pau kākou i ka hele aʻe, maʻule ihola ko lākou naʻau, ʻaʻole hoʻi i koe ke aho i loko o lākou i mua o nā mamo a ʻIseraʻela.

KA BUKE A IOSUA 9:1

¶ A lohe nā aliʻi a pau loa ma kēia ʻaoʻao o Ioredane, ma nā mauna, a ma nā awāwa, a mākaʻi ma kahi e pili ana i ka Moana Nui ma ke alo o Lebanona, ʻo kā Heta, a me kā ʻAmora, a me ko Kanaʻana, a me kā Pereza, a me kā Heva, a me kā Iebusa,

KA BUKE NO NĀ LUNA KĀNĀWAI 3:5

Noho pū ihola nō nā mamo a ʻIseraʻela me ko Kanaʻana, a me kā Heta, a me kā ʻAmora, a me kā Pereza, a me kā Heva, a me kā Iebusa.

KA BUKE NO NĀ LUNA KĀNĀWAI 6:3

A i ka manawa i lūlū ai kā ʻIseraʻela, a laila, piʻi maila ko Midiana, a me kā ʻAmeleka, a me ka poʻe noho ma ka Hikina, hele kūʻē maila lākou.

KA BUKE MUA A SAMUʻELA 14:48

Hana ikaika akula ia, a luku akula i kā ʻAmeleka, a hoʻopakele i kā ʻIseraʻela i ka lima o ka poʻe i luku mai iā lākou.

KA BUKE MUA A SAMUʻELA 27:8

¶ Hele akula ʻo Dāvida me kona poʻe kānaka, a kaua akula i ko Gesura, a me ko Gerezi, a me ka ʻAmeleka; no ka mea, he poʻe kamaʻāina kahiko lākou o ka ʻāina, kahi e hele aku ai i Sura, a hiki loa i ka ʻāina ʻo ʻAigupita.

KA BUKE MUA A SAMUʻELA 30:1

¶ A i ka hiki ʻana aku o Dāvida me kona poʻe kānaka ma Zikelaga i ka pō ʻakolu, ua hele mai nā ʻAmeleka ma ka ʻaoʻao hema a ma Zikelaga, a ua luku aku iā Zikelaga, a puhi akula ia i ke ahi;

KA BUKE MUA A SAMUʻELA 7:14

A ʻo nā kūlanakauhale i lilo i ko Pilisetia, ua hoʻihoʻi ʻia mai ia no kā ʻIseraʻela, mai ʻEkerona a hiki i Gata; a me ko laila ʻāina a puni na kā ʻIseraʻela i lawe aʻe mai loko mai o ka lima o ko Pilisetia. A ua kuʻikahi kā ʻIseraʻela me kā ʻAmora.