KA BUKE ʻAHĀ A MOSE, I KAPA ʻIA NĀ HELU 13:27 - Ka Baibala Hemolele

²⁷ ʻŌlelo maila lākou iā ia, ʻī maila, “Ua hele aku mākou i ka ʻāina āu i hoʻouna aku ai iā mākou, a he ʻoiaʻiʻo nō e kahe ana ka waiū a me ka meli i laila; eia hoʻi ka hua o ia wahi.

KA BUKE ʻAHĀ A MOSE, I KAPA ʻIA NĀ HELU 13:27 Iomraidhean Croise

KA BUKE A NEHEMIA 9:25

“A lawe pio ihola lākou i nā kūlanakauhale i paʻa i ka pā, a me ka ʻāina maikaʻi, A lilo ihola iā lākou nā hale i lako i kēlā mea maikaʻi kēia mea maikaʻi, Nā pūnāwai i ʻeli ʻia, nā māla waina, A me nā māla ʻoliva a me nā lāʻau hua he nui. A ʻai ihola lākou a māʻona, a momona hoʻi, A ʻoliʻoli ihola lākou i kou hoʻomaikaʻi nui ʻana.

KA BUKE ʻALUA A MOSE, I KAPA ʻIA PUKA ʻANA 13:5

“A i ka wā a Iēhova e lawe aku ai iā ʻoe i loko i ka ʻāina o kā Kanaʻana, a ʻo kā Heta, a ʻo kā ʻAmora, a ʻo kā Heva a me kā Iebusa, i kahi āna i hoʻohiki ai i kou poʻe kūpuna, e hāʻawi mai ʻo ia nou, he ʻāina e kahe ana ʻo ka waiū a me ka meli; a laila, i kēia malama, e hana ʻoe i kēia ʻoihana.

KA BUKE ʻALUA A MOSE, I KAPA ʻIA PUKA ʻANA 3:17

“Ua ʻōlelo hoʻi au, ‘Naʻu nō ʻoukou e lawe aku i luna, mai loko aʻe o ka pōpilikia o ʻAigupita, a hiki i ka ʻāina o kā Kanaʻana a me kā Heta a me kā ʻAmora a me kā Pereza a me kā Heva, a me kā Iebusa, i ka ʻāina e kahe ana ʻo ka waiū a me ka meli.’

KA BUKE ʻALUA A MOSE, I KAPA ʻIA PUKA ʻANA 3:8

“Ua iho mai nei au i lalo nei e hoʻokuʻu iā lākou mai ka lima mai o ko ʻAigupita, a e lawe mai iā lākou mai ia ʻāina mai, a kekahi ʻāina maikaʻi, a nui nō hoʻi, he ʻāina e kahe ana ʻo ka waiū a me ka meli; i kahi o ka poʻe Kanaʻana, a me kā Heta, a me kā ʻAmora, a me kā Pereza, a me kā Heva, a me kā Iebusa.

KA BUKE ʻALUA A MOSE, I KAPA ʻIA PUKA ʻANA 33:3

“A i ka ʻāina e kahe ana o ka waiū a me ka mele; no ka mea, ʻaʻole au e piʻi aku i waena ou; no ka mea, he poʻe kānaka ʻāʻī ʻoʻoleʻa ʻoukou; o hoʻopau auaneʻi au iā ʻoe ma ke ala.”

KA WĀNANA A IEREMIA 11:5

i hoʻokō wau i ka hoʻohiki aʻu i hoʻohiki ai i ko ʻoukou poʻe mākua, e hāʻawi iā lākou i ‘ka ʻāina e kahe ana ʻo ka waiū,’ a me ka mele, e like me ia i kēia lā.”’” A laila ʻōlelo akula au, ʻī akula, “Pēlā ʻiʻo nō, e Iēhova.”

KA WĀNANA A IEREMIA 32:22

a hāʻawi maila nō lākou i kēia ʻāina, āu i hoʻohiki ai i ko lākou poʻe kūpuna e hāʻawi mai no lākou, he ʻāina e kahe ana ka waiū a me ka meli.

KA WĀNANA A ʻEZEKIʻELA 20:15

“Ua hāpai nō naʻe au i kuʻu lima iā lākou, ma ka wao nahele, e lawe ʻole au iā lākou i ka ʻāina aʻu i hāʻawi aku ai, ‘e kahe ana ka waiū a me ka meli,’ ka mea nani o nā ʻāina a pau;

KA WĀNANA A ʻEZEKIʻELA 20:6

i ka lā i hāpai ai au i kuʻu lima iā lākou, e lawe mai iā lākou mai ka ʻāina mai ʻo ʻAigupita, i ka ʻāina aʻu i nānā aku ai no lākou, e kahe ana ka waiū a me ka meli, ka mea nani o nā ʻāina a pau.

KA BUKE ʻAKOLU A MOSE, I KAPA ʻIA ʻOIHANA KAHUNA 20:24

‘Akā, ua ʻōlelo aku au iā ʻoukou, “E loaʻa iā ʻoukou ko lākou ʻāina; naʻu ia e hāʻawi aku no ʻoukou ponoʻī, he ʻāina e kahe ai ka waiū a me ka meli.” ʻO wau nō Iēhova ko ʻoukou Akua nāna ʻoukou i hoʻokaʻawale aʻe mai nā lāhui kanaka ʻē aʻe.

KA BUKE ʻAHĀ A MOSE, I KAPA ʻIA NĀ HELU 14:7

ʻōlelo akula lāua i ka poʻe mamo a pau a ʻIseraʻela, ʻī akula, “ʻO ka ʻāina a mākou i kaʻahele ai e mākaʻikaʻi, he ʻāina maikaʻi loa ia.

KA BUKE ʻAHĀ A MOSE, I KAPA ʻIA NĀ HELU 14:8

“Inā i ʻoluʻolu mai ʻo Iēhova iā kākou, a laila e kaʻi aku ʻo ia iā kākou i ua ʻāina lā, a e hāʻawi mai hoʻi ia no kākou; ‘he ʻāina e kahe ana ka waiū a me ka meli.’

KA BUKE ʻAHĀ A MOSE, I KAPA ʻIA NĀ HELU 16:13

“He mea liʻiliʻi anei kou lawe ʻana mai iā mākou mai loko mai o ka ʻāina e kahe ana ʻo ka waiū a me ka meli, e pepehi iā mākou ma ka wao nahele, ke hiki ʻole iā ʻoe e hoʻolilo iā ʻoe iho i aliʻi ma luna o mākou?

KA BUKE ʻAHĀ A MOSE, I KAPA ʻIA NĀ HELU 16:14

“ʻAʻole nō hoʻi ʻoe i lawe aku iā mākou i ka ʻāina e kahe ana ʻo ka waiū a me ka meli, me ka hāʻawi mai no mākou i nā kula a me nā māla waina. E pōʻalo anei ʻoe i nā maka o kēia poʻe kānaka? ʻAʻole nō māua e hele aku!”

KA BUKE ʻALIMA A MOSE, I KAPA ʻIA KĀNĀWAI LUA 11:9

a i lōʻihi ai ko ʻoukou mau lā ma ka ʻāina a Iēhova i hoʻohiki ai i ko ʻoukou mau kūpuna e hāʻawi no lākou, a me kā lākou poʻe mamo, ‘he ʻāina e kahe ana ʻo ka waiū a me ka meli.’

KA BUKE ʻALIMA A MOSE, I KAPA ʻIA KĀNĀWAI LUA 26:9

‘A ua lawe mai hoʻi ʻo ia iā kākou me kēia wahi, a ua hāʻawi iā kākou i kēia ʻāina, “he ʻāina e kahe ana ʻo ka waiū a me ka meli.”

KA BUKE ʻALIMA A MOSE, I KAPA ʻIA KĀNĀWAI LUA 27:3

“A e kahakaha iho ma luna o ia mau mea i nā hua ʻōlelo a pau o kēia kānāwai, aia hiki aku ʻoe ma kēlā ʻaoʻao, i komo aku ai ʻoe ma ka ʻāina a Iēhova kou Akua i hāʻawi mai ai iā ʻoe, ‘he ʻāina e kahe ana ʻo ka waiū a me ka meli’; e like me kā Iēhova ke Akua o kou mau kūpuna i ʻōlelo mai ai iā ʻoe.

KA BUKE ʻALIMA A MOSE, I KAPA ʻIA KĀNĀWAI LUA 31:20

“A i ka manawa e lawe aku ai au iā lākou ma ka ʻāina, aʻu i hoʻohiki ai i ko lākou mau kūpuna, e kahe ana ʻo ka waiū a me ka meli; a ʻai iho lākou a māʻona, a momona; a laila e huli aʻe lākou i nā akua ʻē, a e mālama iā lākou, a e hoʻowahāwahā mai iaʻu, a e uhaʻi i kuʻu berita.

KA BUKE ʻALIMA A MOSE, I KAPA ʻIA KĀNĀWAI LUA 6:3

“E hoʻolohe hoʻi ʻoe, e kā ʻIseraʻela, a hoʻomanaʻo e mālama hoʻi, i pōmaikaʻi ai ʻoe, i māhuahua loa ai hoʻi ʻoukou, ‘ma ka ʻāina e kahe ana ʻo ka waiū a me ka meli,’ e like me kā Iēhova ke Akua o kou poʻe kūpuna i ʻōlelo mai ai iā ʻoe.

KA BUKE A IOSUA 5:6

Hoʻokahi kanahā makahiki i ʻauana ai nā mamo a ʻIseraʻela ma ka wao nahele, a pau i ka make ka lāhui kaua, ka poʻe i hele mai mai ʻAigupita mai, i hoʻolohe ʻole i ka leo o Iēhova, hoʻohiki nō ʻo Iēhova iā lākou, ʻaʻole e hōʻike mai iā lākou i ka ʻāina āna i hoʻohiki ai i ko lākou mau mākua, e hāʻawi mai no lākou, “he ʻāina e kahe ana ʻo ka waiū a me ka meli.”