KA BUKE ʻAHĀ A MOSE, I KAPA ʻIA NĀ HELU 13:2 - Ka Baibala Hemolele

² “E hoʻouna aku ʻoe i nā kānaka e mākaʻikaʻi ai i ka ʻāina ʻo Kanaʻana, kahi aʻu e hāʻawi aku nei i nā mamo a ʻIseraʻela; i hoʻokahi kanaka o kēlā ʻohana a ʻo kēia ʻohana a nā kūpuna o lākou kā ʻoukou e hoʻouna aku ai, he mau luna kēlā mea kēia mea i waena o lākou.”

KA BUKE ʻAHĀ A MOSE, I KAPA ʻIA NĀ HELU 13:2 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 18:25

Wae akula ʻo Mose i kānaka maiau o kā ʻIseraʻela a pau, a hoʻolilo ihola iā lākou i mau poʻo ma luna o kānaka, nā luna no nā tausani, nā luna no nā haneri, nā luna no nā kanalima, a me nā luna no nā ʻumi.

KA BUKE ʻAHĀ A MOSE, I KAPA ʻIA NĀ HELU 1:4

“A me ʻolua pū kekahi kanaka o kēlā ʻohana o kēia ʻohana; ʻo kēlā mea ʻo kēia mea o lākou ka luna no ka ʻohana o kona poʻe kūpuna.

KA BUKE ʻAHĀ A MOSE, I KAPA ʻIA NĀ HELU 11:16

¶ ʻŌlelo maila ʻo Iēhova iā Mose, “E hōʻuluʻulu mai ʻoe i oʻu nei i nā kānaka he kanahiku o ka poʻe kahiko o kā ʻIseraʻela, i nā mea āu e ʻike ai he poʻe kahiko o nā kānaka, a he poʻe luna hoʻi no lākou; a e kaʻi mai ʻoe iā lākou ma ka halelewa o ke anaina i kū ai lākou me ʻoe i laila.

KA BUKE ʻAHĀ A MOSE, I KAPA ʻIA NĀ HELU 13:16

ʻO ia nā inoa o nā kānaka a Mose i hoʻouna aku ai e mākaʻikaʻi i ka ʻāina. A kapa akula ʻo Mose iā Hosea ke keiki a Nuna, ʻo Iosua.

KA BUKE ʻAHĀ A MOSE, I KAPA ʻIA NĀ HELU 13:3

A ma ke kauoha a Iēhova i hoʻouna aku ai ʻo Mose iā lākou, mai ka wao nahele ʻo Parana aku; a ʻo ia mau kānaka a pau, he mau luna lākou no nā mamo a ʻIseraʻela.

KA BUKE ʻAHĀ A MOSE, I KAPA ʻIA NĀ HELU 32:8

“Pēlā nō i hana ai ko ʻoukou poʻe mākua, iaʻu i hoʻouna aku ai iā lākou mai Kadesa Banea aku e mākaʻikaʻi i ka ʻāina.

KA BUKE ʻAHĀ A MOSE, I KAPA ʻIA NĀ HELU 34:18

“A e lawe hoʻi ʻoukou i kekahi luna o kēlā ʻohana o kēia ʻohana e puʻunaue i ka ʻāina, ma nā puʻu e ili ana.

KA BUKE ʻALIMA A MOSE, I KAPA ʻIA KĀNĀWAI LUA 1:15

“A lawe akula au i nā luna o ko ʻoukou mau ʻohana, i nā kānaka naʻauao, a ʻike ʻia, a hoʻolilo ihola iā lākou i poʻo ma luna o ʻoukou, i luna no nā tausani, i luna no nā haneri, i luna no nā kanalima, a i luna no nā ʻumi, i aliʻi no ko ʻoukou mau ʻohana.

KA BUKE ʻALIMA A MOSE, I KAPA ʻIA KĀNĀWAI LUA 9:23

“A iā Iēhova hoʻi i hoʻouna aku ai iā ʻoukou mai Kadesa Banea aku, i ka ʻī ʻana aku, ‘E piʻi ʻoukou a noho ma ka ʻāina aʻu i hāʻawi ai no ʻoukou’; a laila kipi maila ʻoukou i ke kauoha a Iēhova ko ʻoukou Akua, ʻaʻole ʻoukou i hōʻoia aku iā ia, ʻaʻole hoʻi ʻoukou i hoʻolohe i kona leo.

KA BUKE A IOSUA 3:12

“E lawe hoʻi ʻoukou, no ʻoukou, i ʻumi kānaka a me kumamālua, mai loko mai o nā ʻohana a ʻIseraʻela, pākahi ke kanaka i ka ʻohana hoʻokahi.