KA BUKE ʻAHĀ A MOSE, I KAPA ʻIA NĀ HELU 12:2 - Ka Baibala Hemolele

² ʻĪ aʻela lāua, “Ma o Mose lā wale nō anei kā Iēhova ʻōlelo ʻana mai? ʻAʻole anei ia i ʻōlelo ma o kāua nei kekahi?” A lohe maila ʻo Iēhova.

KA BUKE ʻAHĀ A MOSE, I KAPA ʻIA NĀ HELU 12:2 Iomraidhean Croise

KA BUKE MUA A MOSE, I KAPA ʻIA KINOHI 29:33

Hāpai hou ihola ia, a hānau maila he keiki kāne; ʻī maila, “No ka mea, ua lohe ʻo Iēhova i kuʻu hoʻowahāwahā ʻia; no laila, ua hāʻawi mai hoʻi ʻo ia i kēia keiki kāne.” Kapa ihola ia i kona inoa, ʻo Simeona.

KA BUKE ʻALUA A SAMUʻELA 11:27

A pau aʻela ke kanikau ʻana, kiʻi akula ʻo Dāvida, a lawe maila iā ia i kona hale, a lilo aʻela ia i wahine nāna; a hānau maila ia i keiki kāne nāna; akā, he ʻino ka mea a Dāvida i hana ai i mua o Iēhova.

KA BUKE ʻALUA NO NĀ ALIʻI 19:4

‘Malia paha e hoʻolohe mai ʻo Iēhova kou Akua i nā ʻōlelo a pau a Rabesake, ka mea a ke aliʻi o ʻAsuria kona haku i hoʻouna mai ai e hōʻino i ke Akua ola; a e ʻāhewa aku i nā ʻōlelo a Iēhova kou Akua i lohe ai; no laila e pule aku ʻoe no ka poʻe i koe i loaʻa.’”

KA BUKE ʻALUA A MOSE, I KAPA ʻIA PUKA ʻANA 4:14

Wela maila ka inaina o Iēhova iā Mose, ʻī maila kēlā, “ʻAʻole anei ke kaikuaʻana ou ʻo ʻAʻarona kā Levi? Ua ʻike nō au e hiki nō iā ia ke ʻōlelo; aia hoʻi ke hele mai nei ia e hālāwai me ʻoe; aia ʻike mai kēlā iā ʻoe, e ʻoliʻoli auaneʻi ʻo ia ma kona naʻau.

KA BUKE ʻALUA A MOSE, I KAPA ʻIA PUKA ʻANA 4:30

Haʻi akula ʻo ʻAʻarona i nā ʻōlelo a pau a Iēhova i ʻōlelo mai ai iā Mose; a hana ihola ia i nā ʻōuli i mua o nā maka o kānaka.

KA BUKE ʻALUA A MOSE, I KAPA ʻIA PUKA ʻANA 5:1

¶ Ma hope iho, hele akula ʻo Mose lāua ʻo ʻAʻarona, a haʻi akula iā Paraʻo, “Ke ʻī mai nei ʻo Iēhova ke Akua o kā ʻIseraʻela penei, ‘E hoʻokuʻu mai ʻoe i koʻu poʻe kānaka, i ʻahaʻaina lākou naʻu ma ka wao nahele.’”

KA BUKE ʻALUA A MOSE, I KAPA ʻIA PUKA ʻANA 7:10

Hele akula ʻo Mose lāua ʻo ʻAʻarona i o Paraʻo lā, hana ihola lāua e like me ke kauoha ʻana a Iēhova, a kiola ihola ʻo ʻAʻarona i kona koʻokoʻo i mua o Paraʻo, a i mua o kāna poʻe kauā, a lilo ihola ia i nahesa.

NĀ ʻŌLELO AKAMAI A SOLOMONA 13:10

Ma ka haʻaheo wale nō ka hakakā; Ma ka poʻe kūkākūkā pono ka naʻauao.

KA WĀNANA A ʻISAIA 37:4

‘Malia paha e lohe ʻo Iēhova, kou Akua, i nā ʻōlelo a Rabesake, ka mea a ke aliʻi o ʻAsuria, a kona haku i hoʻouna ai e hōʻino ai i ke Akua ola, a e hoʻopaʻi hoʻi i nā ʻōlelo a Iēhova a kou Akua i lohe ai. No laila, e pule aku ʻoe no ke koena o nā kānaka i ʻike ʻia.’”

MIKA 6:4

“No ka mea, ua lawe mai au iā ʻoe mai ka ʻāina ʻo ʻAigupita mai, A ua hoʻōla au iā ʻoe ma ka hale o nā kauā mai; A ua hoʻouna aku au i mua ou iā Mose, iā ʻAʻarona, a me Miriama.

KA BUKE ʻAHĀ A MOSE, I KAPA ʻIA NĀ HELU 11:1

¶ I ka ʻōhumu ʻana a nā kānaka, ua hewa ia i nā pepeiao o Iēhova; lohe aʻela ʻo Iēhova, a hoʻā ʻia kona inaina; ʻā akula ke ahi o Iēhova i waena o lākou, a ʻai akula ma ka palena o kahi hoʻomoana.

KA BUKE ʻAHĀ A MOSE, I KAPA ʻIA NĀ HELU 11:29

ʻĪ akula ʻo Mose iā ia, “Ke huā nei anei ʻoe noʻu? Ke ake nei au e lilo ko Iēhova poʻe kānaka a pau i poʻe kāula, a e kau mai ʻo Iēhova i kona ʻUhane ma luna o lākou!”

KA BUKE ʻAHĀ A MOSE, I KAPA ʻIA NĀ HELU 12:3

(A ʻo ua kanaka lā ʻo Mose, ua ʻoi aku kona akahai ma mua o ko nā kānaka a pau ma luna o ka honua.)

KA BUKE ʻAHĀ A MOSE, I KAPA ʻIA NĀ HELU 16:3

Hōʻuluʻulu aʻela lākou e kūʻē iā Mose a iā ʻAʻarona, ʻī maila iā lāua, “He nui loa kā ʻolua; no ka mea, ua laʻa ke anaina kanaka a pau loa, a ʻo Iēhova kekahi i waena o lākou; no ke aha lā hoʻi ʻolua e hoʻokiʻekiʻe aʻe nei iā ʻolua iho ma luna o ke anaina kanaka o Iēhova?”

ʻO KA ʻEPISETOLE A PAULO KA LUNAʻŌLELO I KO ROMA 12:10

E launa aku hoʻi kekahi i kekahi, ma ke aloha hoahānau; e hoʻopakela aku kekahi i kekahi ma ka hoʻomaikaʻi ʻana.

ʻO KA ʻEPISETOLE A PAULO KA LUNAʻŌLELO I KO ROMA 12:3

¶ No ka mea, ma ka haʻawina i hāʻawi ʻia mai iaʻu, ke ʻōlelo aku nei au i kēlā mea i kēia mea i waena o ʻoukou, mai manaʻo mahalo iho ʻo ia iā ia iho a pono ʻole ka manaʻo; akā, e manaʻo hoʻohaʻahaʻa, e like me ka haʻawina o ka manaʻoʻiʻo a ke Akua i hāʻawi mai ai i kēlā mea a i kēia mea.

ʻO KA ʻEPISETOLE A PAULO KA LUNAʻŌLELO I KO PILIPI 2:14

E hana ʻoukou i nā mea a pau me ka ʻōhumu ʻole, a me ka hoʻopaʻapaʻa ʻole;

ʻO KA ʻEPISETOLE A PAULO KA LUNAʻŌLELO I KO PILIPI 2:3

Mai hana ʻoukou i kekahi mea me ka hakakā a me ka hoʻokiʻekiʻe wale; akā, me ka naʻau akahai e hōʻoi aku i ka manaʻo maikaʻi iā haʻi, ʻaʻole iā ʻoukou iho.

ʻO KA ʻEPISETOLE HOʻOLAHA MUA A PETERO 5:5

ʻO ʻoukou, e ka poʻe ʻōpiopio, e noho pono ʻoukou ma lalo o nā lunakahiko. ʻO ʻoukou hoʻi a pau, e noho pono ʻoukou, kekahi ma lalo iho o kekahi, a e hoʻouhi ʻia ʻoukou i ka manaʻo hoʻohaʻahaʻa; no ka mea, «ua kūʻē ke Akua i ka poʻe hoʻokiʻekiʻe; akā, ke lokomaikaʻi nei ʻo ia» i ka poʻe hoʻohaʻahaʻa.