KA BUKE ʻAHĀ A MOSE, I KAPA ʻIA NĀ HELU 12:13 - Ka Baibala Hemolele

¹³ Kāhea akula ʻo Mose iā Iēhova, ʻī akula, “E ke Akua ē, ke noi aku nei au iā ʻoe, e hoʻōla mai ʻoe iā ia!”

KA BUKE ʻAHĀ A MOSE, I KAPA ʻIA NĀ HELU 12:13 Iomraidhean Croise

KA BUKE MUA A MOSE, I KAPA ʻIA KINOHI 20:17

Pule akula ʻo ʻAberahama i ke Akua, a hoʻōla maila ke Akua iā ʻAbimeleka, me kāna wahine a me kāna poʻe kauā wahine; a hānau keiki lākou.

KA BUKE MUA NO NĀ ALIʻI 13:6

ʻŌlelo maila hoʻi ke aliʻi, ʻī maila i ke kanaka o ke Akua, “E nonoi aku ʻoe i ka maka o Iēhova kou Akua, a e pule aku noʻu, i hoʻōla hou ʻia mai koʻu lima noʻu.” A nonoi akula ke kanaka o ke Akua iā Iēhova, a ua hoʻōla hou ʻia ko ke aliʻi lima nona, a lilo hoʻi ia e like me ma mua.

KA BUKE O NĀ HALELŪ 30:2

E Iēhova koʻu Akua, ua ʻulono aku au iā ʻoe, A ua hoʻōla mai nei ʻoe iaʻu.

KA BUKE O NĀ HALELŪ 41:4

¶ ʻĪ akula au, “E Iēhova, e aloha mai iaʻu; E hoʻōla i kuʻu ʻuhane; no ka mea, ua hana hewa aku au iā ʻoe.”

KA BUKE ʻALUA A MOSE, I KAPA ʻIA PUKA ʻANA 15:26

ʻĪ maila, “A i hoʻolohe mau mai ʻoe i ka leo o Iēhova, ʻo kou Akua, a e hana i ka mea pono i mua o kona maka, a e hoʻolohe i ka mea āna e kauoha mai ai, a mālama i kona mau kānāwai, a laila ʻaʻole au e kau ma luna ou i kekahi o kēia mau maʻi aʻu i kau ai ma luna o ko ʻAigupita; no ka mea, ʻo wau nō Iēhova, ka mea hoʻōla aku iā ʻoe.”

KA BUKE ʻALUA A MOSE, I KAPA ʻIA PUKA ʻANA 4:7

ʻĪ maila ʻo ia, “E hoʻoholo hou aʻe ʻoe i kou lima ma kou umauma.” Hoʻoholo hou i kona lima ma kona umauma, a unuhi hou mai, aia hoʻi, ua hoʻi hou aʻela nō e like me kekahi ʻiʻo ona.

KA WĀNANA A ʻISAIA 30:26

A e like auaneʻi ka mālamalama o ka mahina, me ka mālamalama o ka lā, a e pāhiku nō ka mālamalama o ka lā, e like me ka mālamalama o nā lā ʻehiku, i ka lā e wahī ai ʻo Iēhova i ka ʻeha o kona poʻe kānaka, a hoʻōla hoʻi i ka ʻeha o ko lākou hahau ʻia.

KA WĀNANA A IEREMIA 17:14

E hoʻōla mai ʻoe iaʻu, e Iēhova, a e hoʻōla ʻia mai nō wau; E hoʻopakele mai ʻoe iaʻu a e hoʻopakele ʻia mai nō wau; No ka mea, ʻo ʻoe nō kaʻu e kaena ai.

KA BUKE ʻAHĀ A MOSE, I KAPA ʻIA NĀ HELU 11:2

Kāhea akula nā kānaka iā Mose, a pule akula ʻo Mose iā Iēhova, a laila pio ihola ke ahi.

KA BUKE ʻAHĀ A MOSE, I KAPA ʻIA NĀ HELU 12:12

“Mai waiho wale iā ia me he mea make lā, me he mea lā i pala kona ʻiʻo i ka wā o kona puka ʻana mai i waho o ka ʻōpū o kona makuahine!”

KA BUKE ʻAHĀ A MOSE, I KAPA ʻIA NĀ HELU 14:2

ʻŌhumu aʻela nā mamo a pau a ʻIseraʻela iā Mose a me ʻAʻarona; ʻī akula ke anaina kanaka a pau iā lāua, “E aho ko mākou make ma ka ʻāina ʻo ʻAigupita! E aho ko mākou make ma kēia wao nahele!

KA BUKE ʻAHĀ A MOSE, I KAPA ʻIA NĀ HELU 16:41

¶ Ia lā aʻe, ʻōhumu aʻela ke anaina kanaka a pau o nā mamo a ʻIseraʻela, iā Mose a iā ʻAʻarona, ʻī maila, “Ua make iā ʻolua ko Iēhova poʻe kānaka.”

KA ʻEUANELIO I KĀKAU ʻIA AI E LUKA 23:34

A laila ʻōlelo akula ʻo Iesū, “E ka Makua, e kala iho ʻoe i ko lākou nei hewa; no ka mea, ʻaʻole o lākou ʻike i kā lākou mea e hana nei.” Puʻunaue aʻela lākou i kona mau kapa, hailona ihola.

KA ʻEUANELIO I KĀKAU ʻIA AI E LUKA 6:28

“E hoʻomaikaʻi aku i ka poʻe i hōʻino mai iā ʻoukou, e pule aku hoʻi no ka poʻe i hoʻohewa wale mai iā ʻoukou.

NĀ ʻOIHANA A KA POʻE LUNAʻŌLELO 7:60

Kukuli ihola ia a hea akula me ka leo nui, “E ka Haku, mai kau ʻoe i kēia hewa ma luna o lākou!” A pau kāna ʻōlelo ʻana pēlā, hiamoe ihola ia.

ʻO KA ʻEPISETOLE A PAULO KA LUNAʻŌLELO I KO ROMA 12:21

E ao o lanakila ka hewa ma luna ou; akā, e hoʻolanakila i ka pono ma luna o ka hewa.

ʻO KA ʻEPISETOLE HOʻOLAHA A IAKOBO 5:15

A ʻo ka pule o ka manaʻoʻiʻo, e hoʻōla nō ia i ka mea maʻi, a na ka Haku e hoʻāla mai iā ia; a inā i hana hewa ʻo ia, e kala ʻia mai ia.

KA BUKE MUA A SAMUʻELA 12:23

“ʻO wau hoʻi, ʻaʻole loa wau e hana hewa iā Iēhova ma ka hoʻōki ʻana i ka pule no ʻoukou; akā, e aʻo aku au iā ʻoukou i ka ʻaoʻao maikaʻi a me ka pono.

KA BUKE MUA A SAMUʻELA 15:11

“Ke mihi nei au i kuʻu hoʻonoho ʻana iā Saula i aliʻi; no ka mea, ua huli aʻe ia mai ka hahai ʻana iaʻu, ʻaʻole ia i hoʻokō i kaʻu mau kauoha.” Huhū ihola ʻo Samuʻela; a kāhea akula ia iā Iēhova ia pō a pau.