KA BUKE ʻAHĀ A MOSE, I KAPA ʻIA NĀ HELU 12:11 - Ka Baibala Hemolele

¹¹ ʻĪ akula ʻo ʻAʻarona iā Mose, “Auē! e kuʻu haku, ke nonoi aku nei au iā ʻoe, mai kau mai ʻoe i kēia hewa ma luna o māua, i kahi a māua i hana lapuwale ai, a ua hana hewa ma laila.

KA BUKE ʻAHĀ A MOSE, I KAPA ʻIA NĀ HELU 12:11 Iomraidhean Croise

KA BUKE ʻALUA A SAMUʻELA 19:19

ʻĪ maila ia i ke aliʻi, “Mai manaʻo hewa mai kuʻu haku iaʻu, ʻaʻole hoʻi e hoʻomauhala i ka mea a kāu kauā i hana kolohe aku ai i ka lā a kuʻu haku a ke aliʻi i puka mai ai i waho o Ierusalema, i waiho ai ke aliʻi ia mea ma loko o kona naʻau.

KA BUKE ʻALUA A SAMUʻELA 24:10

¶ Kuʻi ihola ka naʻau o Dāvida iā ia iho, ma hope iho o kāna helu ʻana i nā kānaka. ʻĪ akula Dāvida iā Iēhova, “Ua hewa nui au i ka mea aʻu i hana iho nei; e Iēhova, e lawe aku ʻoe i ka hala o kāu kauā; no ka mea, ua hana lapuwale nō wau.”

KA BUKE MUA NO NĀ ALIʻI 13:6

ʻŌlelo maila hoʻi ke aliʻi, ʻī maila i ke kanaka o ke Akua, “E nonoi aku ʻoe i ka maka o Iēhova kou Akua, a e pule aku noʻu, i hoʻōla hou ʻia mai koʻu lima noʻu.” A nonoi akula ke kanaka o ke Akua iā Iēhova, a ua hoʻōla hou ʻia ko ke aliʻi lima nona, a lilo hoʻi ia e like me ma mua.

KA BUKE ʻALUA O KA ʻOIHANA ALIʻI 16:9

“No ka mea, e holoholo ana nā maka o Iēhova ma ka honua a pau e hōʻike ana i kona mana i ka poʻe i pono iā ia ko lākou naʻau; ua hana naʻaupō ʻoe i kēia mea; a ma kēia hope aku e kaua ʻia ana ʻoe.”

KA BUKE ʻALUA A MOSE, I KAPA ʻIA PUKA ʻANA 12:32

E lawe pū aku nō i kā ʻoukou poʻe hipa, a me kā ʻoukou poʻe bipi, e like me kā ʻolua i ʻōlelo ai, a e hele; a e hoʻomaikaʻi hoʻi ʻolua iaʻu.”

NĀ ʻŌLELO AKAMAI A SOLOMONA 30:32

¶ Inā he lapuwale ʻoe i kou hoʻokiʻekiʻe ʻana, Inā paha he manaʻo ʻino kou, e kau ana ka lima ma ka waha.

KA WĀNANA A IEREMIA 42:2

a ʻōlelo maila lākou iā Ieremia i ke kāula, “Ke noi aku nei mākou iā ʻoe e ʻae mai i ka hāʻule ʻana o ko mākou nonoi i mua ou, a e pule aku hoʻi iā Iēhova, i kou Akua no mākou, no kēia koena a pau; (no ka mea, ua koe mai mākou, he poʻe ʻuʻuku no loko mai o nā mea nui, e like me ka ʻike ʻana o kou mau maka iā mākou);

KA BUKE ʻAHĀ A MOSE, I KAPA ʻIA NĀ HELU 11:2

Kāhea akula nā kānaka iā Mose, a pule akula ʻo Mose iā Iēhova, a laila pio ihola ke ahi.

KA BUKE ʻAHĀ A MOSE, I KAPA ʻIA NĀ HELU 12:12

“Mai waiho wale iā ia me he mea make lā, me he mea lā i pala kona ʻiʻo i ka wā o kona puka ʻana mai i waho o ka ʻōpū o kona makuahine!”

NĀ ʻOIHANA A KA POʻE LUNAʻŌLELO 8:24

ʻŌlelo akula ʻo Simona, ʻī akula, “E pule aku ʻolua i ka Haku noʻu i hiki ʻole mai ai kēia mau mea a ʻolua e ʻōlelo mai nei ma luna oʻu.”

KA HŌʻIKE ʻANA A IOANE KA HAIPULE 3:9

‘Aia hoʻi, e hoʻolilo aku au i hale hālāwai o Sātana, i ka poʻe i ʻōlelo iā lākou iho, he poʻe Iudaio, ʻaʻole kā, ua wahaheʻe lākou; e hana aku nō au iā lākou, a e hele mai lākou a e kukuli hoʻomaikaʻi i mua o kou wāwae, a e ʻike auaneʻi lākou, ʻo wau nō kai aloha aku iā ʻoe.

KA BUKE MUA A SAMUʻELA 12:19

¶ ʻŌlelo maila nā kānaka a pau iā Samuʻela, “E pule ʻoe iā Iēhova i kou Akua no kāu poʻe kauā, i make ʻole ai mākou; no ka mea, me nā hewa a pau a mākou, ua pākuʻi mākou i kēia hewa hou, ʻo ke noi ʻana i aliʻi no mākou.”

KA BUKE MUA A SAMUʻELA 2:30

“No ia mea, ke ʻōlelo mai nei ʻo Iēhova ke Akua o kā ʻIseraʻela, ‘ʻĪ ihola au, ʻo ko ka hale ou, a me ko ka hale o kou makua kāne, e hele mau loa lākou i mua oʻu’; akā ʻānō, ke ʻī mai nei ʻo Iēhova, ‘Hōʻole akula au ia; no ka mea, ʻo nā mea e hoʻomaikaʻi mai iaʻu, naʻu lākou e hoʻomaikaʻi aku; a ʻo nā mea e hoʻowahāwahā mai iaʻu, e hoʻowahāwahā ʻia lākou.