KA BUKE ʻAHĀ A MOSE, I KAPA ʻIA NĀ HELU 11:31 - Ka Baibala Hemolele

³¹ ¶ A huaʻi maila ka makani mai o Iēhova mai, a hoʻopuka maila i nā sēlū mai ka moana mai, a hoʻohāʻule ihola iā lākou ma kahi hoʻomoana, e like me kekahi lā hele ma kēia ʻaoʻao, a me kēlā ʻaoʻao, a puni i kahi hoʻomoana, ʻelua paha kūbita ma luna o ka honua.

KA BUKE ʻAHĀ A MOSE, I KAPA ʻIA NĀ HELU 11:31 Iomraidhean Croise

KA BUKE O NĀ HALELŪ 105:40

Nonoi akula lākou, a lawe maila ia i nā silo, A hoʻomāʻona maila ʻo ia iā lākou i ka berena o ka lani.

KA BUKE O NĀ HALELŪ 106:15

Hāʻawi maila ʻo ia iā lākou i ka mea a lākou i noi aku ai; A hāʻawi mai naʻe i ka hoʻokiʻi i loko o ko lākou ʻuhane.

KA BUKE O NĀ HALELŪ 135:7

Nāna nō e hoʻopiʻi ka ʻohu mai nā kihi aku o ka honua; Nāna nō e hana nā uila no ka ua, A hoʻopuka maila ʻo ia i ka makani mai loko mai o kona waihona.

KA BUKE ʻALUA A MOSE, I KAPA ʻIA PUKA ʻANA 10:13

ʻŌ akula ʻo Mose i kona koʻokoʻo ma luna o ka ʻāina ʻo ʻAigupita, a huaʻi maila ʻo Iēhova i ka makani mai ka hikina mai ma luna o ka ʻāina, ia lā a pō, ia pō a ao; a i kakahiaka, hoʻopuka maila ua makani hikina lā i nā ʻūhini.

KA BUKE ʻALUA A MOSE, I KAPA ʻIA PUKA ʻANA 10:19

Huaʻi hou maila ʻo Iēhova i makani komohana ikaika, a lawe akula ia i nā ʻūhini, a hoʻopaʻa ihola iā lākou i loko o ke Kai ʻUla. ʻAʻohe ʻūhini hoʻokahi i koe ma ka ʻāina a pau i ʻAigupita.

KA BUKE ʻALUA A MOSE, I KAPA ʻIA PUKA ʻANA 15:10

“Pupuhi nō ʻoe me kou makani, Uhi maila ke kai iā lākou, Pohō ihola lākou i lalo i ke kai me he kēpau lā.

KA BUKE ʻALUA A MOSE, I KAPA ʻIA PUKA ʻANA 16:13

¶ A i ke ahiahi, hiki maila nā sēlū, a uhi maila ma kahi a lākou i hoʻomoana ai; a kakahiaka aʻe, ahu ihola ka hau, a puni nā kahua.

KA BUKE ʻAHĀ A MOSE, I KAPA ʻIA NĀ HELU 11:30

Hoʻi maila ʻo Mose i kahi hoʻomoana, ʻo ia a me ka poʻe lunakahiko o kā ʻIseraʻela.