KA BUKE ʻAHĀ A MOSE, I KAPA ʻIA NĀ HELU 11:26 - Ka Baibala Hemolele

²⁶ ¶ ʻElua kānaka i koe aku ma kahi hoʻomoana, ʻo ʻEledada, ka inoa o kekahi, a ʻo Medada ka inoa o kekahi. Kau maila ka ʻUhane ma luna o lāua; no ka poʻe lāua i kākau ʻia, ʻaʻole naʻe lāua i hele aku i ka halelewa, a wānana maila lāua ma kahi hoʻomoana.

KA BUKE ʻAHĀ A MOSE, I KAPA ʻIA NĀ HELU 11:26 Iomraidhean Croise

KA BUKE ʻALUA O KA ʻOIHANA ALIʻI 15:1

¶ Hiki maila ka ʻUhane o ke Akua ma luna o ʻAzaria ke keiki a ʻOdeda.

KA BUKE A NEHEMIA 9:30

“Akā, hoʻomanawanui nō ʻoe iā lākou i nā makahiki he nui nō, A aʻo pinepine aku ʻoe iā lākou me kou ʻUhane i loko o ka poʻe kāula. ʻAʻole naʻe i hāliu mai ko lākou pepeiao; No laila hāʻawi akula ʻoe iā lākou i loko o ka lima o nā lāhui kanaka o nā ʻāina.

KA BUKE ʻALUA A MOSE, I KAPA ʻIA PUKA ʻANA 3:11

ʻĪ akula ʻo Mose i ke Akua, “ʻO wai lā wau, i hele aku ai au i o Paraʻo lā, a i lawe mai ai hoʻi au i nā mamo a ʻIseraʻela mai loko mai o ʻAigupita?”

KA WĀNANA A IEREMIA 1:6

A laila, ʻī ihola au, “Auē, e ka Haku, e Iēhova! Aia hoʻi, ʻaʻole au i ʻike i ka ʻōlelo; no ka mea, he keiki nō wau.”

KA WĀNANA A IEREMIA 36:5

A kauoha aʻela ʻo Ieremia iā Baruka, ʻī aʻela, “Ua paʻa wau, ʻaʻole hiki iaʻu ke hele i loko o ka hale o Iēhova.

KA BUKE ʻAHĀ A MOSE, I KAPA ʻIA NĀ HELU 11:27

A holo maila kekahi kanaka ʻōpiopio, a haʻi maila iā Mose, ʻī maila, “Ke wānana maila ʻo ʻEledada lāua ʻo Medada ma kahi hoʻomoana.”

KA BUKE ʻAHĀ A MOSE, I KAPA ʻIA NĀ HELU 24:2

ʻAlawa aʻela nā maka o Balaʻama i luna, ʻike aʻela i kā ʻIseraʻela e hoʻomoana ana ma ko lākou mau ʻohana; a kau maila ka ʻUhane o ke Akua ma luna ona.

KA BUKE MUA A SAMUʻELA 10:22

No ia mea, nīnau hou lākou iā Iēhova, “E hiki mai auaneʻi ua kanaka lā ma ʻaneʻi?” ʻĪ maila ʻo Iēhova, “Aiʻa, ua peʻe ʻo ia ma loko o nā ukana.”

KA BUKE MUA A SAMUʻELA 10:6

“A e hiki mai ka ʻUhane o Iēhova ma luna ou, a e wānana pū ʻoe me lākou, a e lilo ʻoe i kanaka ʻokoʻa.

KA BUKE MUA A SAMUʻELA 20:26

Akā, ʻaʻole ʻo Saula i ʻōlelo iki ia lā; no ka mea, manaʻo ihola ia, “Ua hiki mai kekahi mea iā ia, ua haumia ʻo ia; ʻoiaʻiʻo, ua haumia ʻo ia.”