KA BUKE ʻAHĀ A MOSE, I KAPA ʻIA NĀ HELU 11:25 - Ka Baibala Hemolele

²⁵ Iho maila ʻo Iēhova ma ke ao, a ʻōlelo maila iā ia, a lawe aʻela ia i ko ka ʻUhane ma luna o Mose, a hāʻawi akula i ka poʻe lunakahiko he kanahiku; a i ka manawa i kau iho ai ka ʻUhane ma luna o lākou, a laila wānana maila lākou, ʻaʻole i hoʻōki.

KA BUKE ʻAHĀ A MOSE, I KAPA ʻIA NĀ HELU 11:25 Iomraidhean Croise

KA BUKE ʻALUA NO NĀ ALIʻI 2:15

¶ A ʻo nā haumāna a ka poʻe kāula ma Ieriko, i kū maila, ʻike akula lākou iā ia, ʻī aʻela, “Ua kau mai ka ʻuhane o ʻElia ma luna o ʻElisai.” A hele akula lākou e hālāwai me ia, a kūlou ihola lākou ma ka honua i mua ona.

KA BUKE A NEHEMIA 9:20

“Hāʻawi maila nō hoʻi ʻoe i kou ʻUhane maikaʻi e aʻo mai iā lākou, ʻAʻole hoʻi ʻoe i kāʻili i kāu mane mai ko lākou waha mai, A hāʻawi aku ʻoe iā lākou i ka wai no ko lākou make wai ʻana.

KA BUKE O NĀ HALELŪ 99:7

ʻŌlelo maila ʻo ia iā lākou ma ke kia ao; A mālama akula lākou i kāna mau kauoha, A me ka ʻōlelo paʻa āna i hāʻawi mai ai iā lākou.

KA BUKE ʻALUA A MOSE, I KAPA ʻIA PUKA ʻANA 32:32

“ʻĀnō hoʻi, inā paha e kala mai ʻoe i ko lākou hewa—akā, i ʻole, ke nonoi aku nei au iā ʻoe e holoi mai ʻoe iaʻu, mai ka buke āu i palapala ai.”

KA BUKE ʻALUA A MOSE, I KAPA ʻIA PUKA ʻANA 34:5

Iho maila ʻo Iēhova ma loko o ke ao, a kū pū me ia i laila, a haʻi maila i ka inoa ʻo Iēhova.

KA BUKE ʻALUA A MOSE, I KAPA ʻIA PUKA ʻANA 40:38

No ka mea, aia nō ma luna o ka halelewa, ua ao lā o Iēhova i ke ao, a he ahi hoʻi ma luna o laila i ka pō, i mua o nā maka o ko ka hale a pau o kā ʻIseraʻela, i ko lākou hele ʻana a pau.

KA WĀNANA A ʻISAIA 63:11

A laila, hoʻomanaʻo ihola kona poʻe kānaka i nā lā kahiko iā Mose, ʻAuhea ka Mea nāna lākou i lawe, mai loko mai o ke kai, Me ke kahu ʻohana hipa? ʻAuhea hoʻi ka Mea nāna i waiho i kona ʻUhane Hemolele i waenakonu ona?

KA WĀNANA A ʻEZEKIʻELA 8:11

Kū maila i mua o lākou nā kānaka he kanahiku o nā lunakahiko o ka ʻohana a ʻIseraʻela, a i waenakonu o lākou e kū ana ʻo Iaʻazania, ke keiki a Sapana, e paʻa ana kēlā kanaka kēia kanaka i kona kapuahi kuni mea ʻala i kona lima. Pūnohu nui aʻela ka uahi mea ʻala paʻapū.

KA BUKE ʻAHĀ A MOSE, I KAPA ʻIA NĀ HELU 11:17

“A e iho nō au i lalo, kamaʻilio pū me ʻoe i laila; a e lawe au i ko ka ʻUhane ma luna ou, a e kau aku ma luna o lākou; a e amo pū lākou me ʻoe i ke kaumaha o nā kānaka, i halihali ʻole ai ʻoe, ʻo ʻoe wale nō, ia mea.

KA BUKE ʻAHĀ A MOSE, I KAPA ʻIA NĀ HELU 12:5

Iho ihola ʻo Iēhova ma loko o ke kia ao, kū maila ia ma ka puka o ka halelewa, kāhea maila iā ʻAʻarona lāua ʻo Miriama; a hele akula lāua.

KA BUKE ʻAHĀ A MOSE, I KAPA ʻIA NĀ HELU 16:25

¶ Kū aʻela ʻo Mose, a hele akula i o Datana a me ʻAbirama lā, a hahai akula nā lunakahiko o kā ʻIseraʻela iā ia.

KA BUKE ʻAHĀ A MOSE, I KAPA ʻIA NĀ HELU 24:2

ʻAlawa aʻela nā maka o Balaʻama i luna, ʻike aʻela i kā ʻIseraʻela e hoʻomoana ana ma ko lākou mau ʻohana; a kau maila ka ʻUhane o ke Akua ma luna ona.

KA BUKE ʻAHĀ A MOSE, I KAPA ʻIA NĀ HELU 27:18

ʻĪ maila ʻo Iēhova iā Mose, “E lawe ʻoe iā Iosua ke keiki a Nuna, he kanaka i loko ona ka ʻUhane, a e kau ʻoe i kou lima ma luna ona;

NĀ ʻOIHANA A KA POʻE LUNAʻŌLELO 11:28

Kū maila kekahi o lākou, ʻo ʻAgabo kona inoa, hōʻike maila, ma ka ʻUhane, he wī nui e hiki mai ana ma nā ʻāina a pau; a hiki ʻiʻo mai nō i ke au iā Kelaudio Kaisara.

ʻO KA ʻEPISETOLE MUA A PAULO KA LUNAʻŌLELO I KO KORINETO 14:32

No ka mea, ʻo ka mea a ka ʻuhane i loko o ke kāula, ua mālama nō ia i ke kāula.

ʻO KA ʻEPISETOLE HOʻOLAHA A IAKOBO 1:17

ʻO nā haʻawina maikaʻi a pau a me nā makana hemolele a pau, no luna mai ia i iho mai ai no ka Makua mai o ka mālamalama, ʻaʻole ona ʻano hou, ʻaʻole loa ia e luli iki.

ʻO KA ʻEPISETOLE HOʻOLAHA ʻALUA A PETERO 1:21

No ka mea, i ka wā kahiko, ʻaʻole no ka manaʻo o kānaka, kā nā kāula; akā, ua ʻōlelo mai ua kanaka hemolele o ke Akua i ka uluhia mai e ka ʻUhane Hemolele.

KA BUKE NO NĀ LUNA KĀNĀWAI 3:10

Kau mai ka ʻUhane o Iēhova ma luna ona, a hoʻoponopono ia i kā ʻIseraʻela, a hele akula i ke kaua; a hāʻawi maila ʻo Iēhova ma kona lima, iā Kusana-Risataima, ke aliʻi o Mesopotamia. A lanakila aʻela kona lima ma luna o Kusana-Risataima.

KA BUKE MUA A SAMUʻELA 10:10

A hiki aku lāua ma laila ma ka puʻu, aia hoʻi, he poʻe kāula i hālāwai mai me ia; a hiki mai ka ʻUhane o ke Akua ma luna ona, a wānana pū akula ia me lākou.