KA BUKE ʻAHĀ A MOSE, I KAPA ʻIA NĀ HELU 11:23 - Ka Baibala Hemolele

²³ ʻŌlelo maila ʻo Iēhova iā Mose, “Ua hoʻopōkole ʻia anei ko Iēhova lima? E ʻike auaneʻi ʻoe i ka hoʻokō ʻia ʻana paha o kaʻu ʻōlelo iā ʻoe, a i ka ʻole ʻana paha.”

KA BUKE ʻAHĀ A MOSE, I KAPA ʻIA NĀ HELU 11:23 Iomraidhean Croise

KA BUKE MUA A MOSE, I KAPA ʻIA KINOHI 18:14

“E hākālia anei kekahi mea iā Iēhova? I ka wā i ʻōlelo ʻia ai e hoʻi hou mai ana au i ou lā, i kēia manawa o kēlā makahiki, a e loaʻa iā Sara he keiki kāne.”

KA BUKE ʻALUA NO NĀ ALIʻI 4:43

ʻĪ akula kāna mea lawelawe, “Kā! E waiho anei au i kēia mea i mua o ka haneri kānaka?” ʻĪ hou maila ia, “E hāʻawi aku na nā kānaka, e ʻai ai lākou; no ka mea, ke ʻōlelo mai nei ʻo Iēhova pēnēia, ‘E ʻai lākou, a koe nō.’”

KA BUKE ʻALUA NO NĀ ALIʻI 7:2

A laila kekahi luna kiaʻi no ke aliʻi ka mea āna i hilinaʻi ai ma kona lima, ʻōlelo maila ia i ke kanaka o ke Akua, ʻī maila, “Aia hoʻi, inā e hana mai ʻo Iēhova i nā puka ma ka lani, e hiki mai anei kēia mea?” ʻĪ akula ia, “E ʻike auaneʻi kou mau maka, akā, ʻaʻole ʻoe e ʻai ia mea.”

KA BUKE O NĀ HALELŪ 78:41

A huli i hope lākou a hoʻāʻo i ke Akua, Hōʻehaʻeha nō hoʻi i ka Mea Hemolele o kā ʻIseraʻela.

KA BUKE ʻALUA A MOSE, I KAPA ʻIA PUKA ʻANA 6:1

¶ A laila ʻōlelo maila ʻo Iēhova iā Mose, “ʻĀnō, e ʻike auaneʻi ʻoe i ka mea aʻu e hana aku ai iā Paraʻo; no ka mea, e hoʻokuʻu aku nō ʻo ia iā lākou me ka lima ikaika, a me ka lima ikaika hoʻi ʻo ia e kipaku aku ai iā lākou, mai kona ʻāina aku.”

KA WĀNANA A ʻISAIA 50:2

“Iaʻu i hele mai ai, he aha ka mea i kanaka ʻole ai? A iaʻu i hea aku ai, ʻaʻohe mea nāna i ō mai? Ua hoʻopōkole loa ʻia anei koʻu lima, i ʻole au e hoʻōla aku? ʻAʻole anei oʻu mana e hoʻopakele ai? Aia hoʻi, i kuʻu pāpā ʻana, hoʻomaloʻo nō wau i ke kai, A hoʻolilo nō wau i nā muliwai, i wao nahele; Pilau maila ko lākou iʻa; no ka mea, ʻaʻohe wai, e make hoʻi, no ka make wai.

KA WĀNANA A ʻISAIA 59:1

¶ Aia hoʻi, ʻaʻole i pōkole ka lima o Iēhova, I mea e ʻole ai ia e hoʻōla; ʻAʻole hoʻi i kaumaha kona pepeiao, I mea e ʻole ai ia e hoʻolohe;

KA WĀNANA A IEREMIA 14:9

“No ke aha lā ʻoe e like ai me ke kanaka pilihua, E like hoʻi me ke kanaka koa hiki ʻole ke hoʻōla? Akā, ʻo ʻoe, e Iēhova, eia nō ʻoe i waenakonu o mākou, A ua kapa ʻia mākou ma kou inoa; Mai haʻalele ʻoe iā mākou!”

KA WĀNANA A IEREMIA 32:17

‘Auē, e ka Haku, e Iēhova ē! Aia hoʻi, nāu nō i hana ka lani a me ka honua, ma kou mana nui, a me ka lima kākāuha, ʻaʻohe mea i hiki ʻole iā ʻoe.

KA WĀNANA A IEREMIA 32:27

“Aia hoʻi, ʻo wau nō ʻo Iēhova, ke Akua o nā mea ʻiʻo a pau; e hiki ʻole anei kekahi mea iaʻu?”

KA WĀNANA A ʻEZEKIʻELA 12:25

“No ka mea, ʻo wau nō Iēhova; e ʻōlelo aku nō wau, a e kō ʻiʻo nō ka mea aʻu i ʻōlelo ai, ʻaʻole e hoʻopaneʻe hou ʻia aku; no ka mea, i ko ʻoukou mau lā, e ka ʻohana kipi, e ʻōlelo au i ka ʻōlelo, a e hoʻokō iho nō,” wahi a Iēhova ka Haku.’”

KA WĀNANA A ʻEZEKIʻELA 24:14

“Naʻu na Iēhova i ʻōlelo, a e hiki mai nō ia, a e hana aku nō au; ʻaʻole au e hoʻi hope, ʻaʻole au e menemene, ʻaʻole hoʻi au e huli aʻe; e like me kou mau ʻaoʻao, a ma muli o kāu hana ʻana, e hoʻopaʻi ai lākou iā ʻoe,” wahi a Iēhova ka Haku.’”

KA BUKE NO DANIʻELA 6:20

A kokoke ia i ka lua, hea akula ia me ka leo kaniʻuhū iā Daniʻela; kāhea aku ke aliʻi iā Daniʻela, ʻī akula, “E Daniʻela, e ke kauā a ke Akua ola, ua hiki anei i kou Akua, ka Mea āu i hoʻokauā mau aku ai, ke hoʻopakele iā ʻoe mai nā liona aʻe?”

MIKA 2:7

E ka mea i kapa ʻia ʻo ka hale o Iakoba, “Ua pauaho anei ka ʻUhane o Iēhova? ʻO kēia anei kāna mau hana? ʻAʻole anei he maikaʻi kaʻu mau ʻōlelo I ka mea e hele pono ana?

KA BUKE ʻAHĀ A MOSE, I KAPA ʻIA NĀ HELU 11:22

“E kālua ʻia anei nā pūʻā hipa a me nā pūʻā bipi na lākou, i mea e māʻona ai lākou? E hōʻiliʻili ʻia paha anei nā iʻa a pau o ke kai na lākou, i mea e māʻona ai lākou?”

KA BUKE ʻAHĀ A MOSE, I KAPA ʻIA NĀ HELU 23:19

“ʻAʻole ke Akua he kanaka, i hoʻopunipuni mai ai ia, ʻAʻole hoʻi ia he keiki a ke kanaka i mihi ia. Ua ʻī mai nō ia, ʻaʻole anei ia e hana mai nō hoʻi? Ua ʻōlelo mai nō ʻo ia, ʻaʻole anei ia e hoʻokō?

KA ʻEUANELIO I KĀKAU ʻIA AI E MATAIO 19:26

Nānā maila ʻo Iesū iā lākou, ʻī maila, “He mea hiki ʻole ia i kānaka; akā, e hiki ʻiʻo nō nā mea a pau i ke Akua.”

KA ʻEUANELIO I KĀKAU ʻIA AI E MATAIO 24:35

“E lilo ana ka lani a me ka honua; akā, ʻaʻole loa e lilo kaʻu mau ʻōlelo.

KA ʻEUANELIO I KĀKAU ʻIA AI E LUKA 1:37

“No ka mea, ʻaʻohe mea hiki ʻole i ke Akua.”