KA BUKE ʻAHĀ A MOSE, I KAPA ʻIA NĀ HELU 11:18 - Ka Baibala Hemolele

¹⁸ “E ʻōlelo aku hoʻi ʻoe i nā kānaka, ‘E huikala ʻoukou iā ʻoukou iho no ka lā ʻapōpō, a e ʻai auaneʻi ʻoukou i ka ʻiʻo; no ka mea, ua uē aku ʻoukou ma loko o nā pepeiao o Iēhova, ua ʻī aku, “Na wai lā e hāʻawi mai i ka ʻiʻo na kākou e ʻai ai? Ua pono kākou ma ʻAigupita”; no ia mea, e hāʻawi mai nō ʻo Iēhova i ʻiʻo na ʻoukou, a e ʻai iho hoʻi ʻoukou.

KA BUKE ʻAHĀ A MOSE, I KAPA ʻIA NĀ HELU 11:18 Iomraidhean Croise

KA BUKE MUA A MOSE, I KAPA ʻIA KINOHI 35:2

A laila, ʻī akula ʻo Iakoba i ko ka hale ona, a i ka poʻe a pau me ia, “E haʻalele ʻoukou i nā akua ʻē i waena o ʻoukou, e huikala iā ʻoukou iho, a e ʻaʻahu iho i nā kapa hou.

KA BUKE NO IOBA 20:13

“Inā e ʻauʻa ia mea, a haʻalele ʻole ia, A e mālama hoʻi ia ma waenakonu o kona waha;

KA BUKE NO IOBA 20:23

“I ka wā e hoʻopiha ai ia i kona ʻōpū, E hoʻolei mai nō ke Akua i kona inaina ma luna ona, A e hoʻoua mai nō ia ma luna ona i kāna ʻai ʻana.

KA BUKE O NĀ HALELŪ 78:20

“Aia hoʻi! Hahau aʻela ʻo ia i ka pōhaku, a kahe ihola nā wai, A huliāmahi maila nā waikahe; E hiki anei iā ia ke hāʻawi mai i ka ʻai? A e hoʻomākaukau hoʻi i iʻa no kona poʻe kānaka?”

KA BUKE ʻALUA A MOSE, I KAPA ʻIA PUKA ʻANA 16:8

ʻĪ maila ʻo Mose, “E hāʻawi mai ana ʻo Iēhova i ke ahiahi, i iʻa na ʻoukou e ʻai ai, a kakahiaka i ʻai e māʻona ai; no ka mea, ua lohe mai ʻo Iēhova i ka ʻōhumu ʻana a ʻoukou i ʻōhumu aku ai iā ia; he aha hoʻi ʻo māua? ʻAʻole no māua kā ʻoukou ʻōhumu ʻana; akā, no Iēhova.”

KA BUKE ʻALUA A MOSE, I KAPA ʻIA PUKA ʻANA 19:10

ʻŌlelo maila ʻo Iēhova iā Mose, “E hele ʻoe i kānaka, e hoʻolaʻa iā lākou i kēia lā, a ʻapōpō; e holoi hoʻi lākou i ko lākou kapa.

KA BUKE ʻALUA A MOSE, I KAPA ʻIA PUKA ʻANA 19:15

ʻĪ akula ia i kānaka, “E hoʻomākaukau ʻoukou, no ke kolu o ka lā; mai komo aʻe i nā wāhine.”

KA BUKE ʻALUA A MOSE, I KAPA ʻIA PUKA ʻANA 19:22

“A e huikala hoʻi nā kāhuna iā lākou iho, ʻo ka poʻe e hoʻokokoke ana iā Iēhova, o pohā aku ʻo Iēhova i o lākou lā.”

KA BUKE ʻAHĀ A MOSE, I KAPA ʻIA NĀ HELU 11:1

¶ I ka ʻōhumu ʻana a nā kānaka, ua hewa ia i nā pepeiao o Iēhova; lohe aʻela ʻo Iēhova, a hoʻā ʻia kona inaina; ʻā akula ke ahi o Iēhova i waena o lākou, a ʻai akula ma ka palena o kahi hoʻomoana.

KA BUKE ʻAHĀ A MOSE, I KAPA ʻIA NĀ HELU 11:19

‘E ʻai nō ʻoukou, ʻaʻole i ka lā hoʻokahi, ʻaʻole i nā lā ʻelua, ʻaʻole hoʻi i nā lā ʻelima, ʻaʻole nō hoʻi i nā lā he ʻumi, ʻaʻole nō hoʻi i nā lā he iwakālua;

NĀ ʻOIHANA A KA POʻE LUNAʻŌLELO 7:39

“ʻAʻole i makemake ai ko kākou poʻe kūpuna e hoʻolohe iā ia; akā, kipaku akula, a ma ka naʻau, huli hou nō lākou i ʻAigupita,

KA BUKE A IOSUA 7:13

“E kū i luna, a e hoʻomaʻemaʻe i kānaka, a e ʻōlelo aku, ‘E hoʻomaʻemaʻe ʻoukou iā ʻoukou iho, no ka lā ʻapōpō; no ka mea, ke ʻī mai nei ʻo Iēhova, ke Akua o kā ʻIseraʻela penei, “He mea laʻa i waena pono o ʻoukou, e kā ʻIseraʻela; ʻaʻole ʻoukou e hiki ke kū i mua o ko ʻoukou ʻenemi a kipaku ʻoukou i kēlā mea laʻa, mai o ʻoukou aku.”

KA BUKE NO NĀ LUNA KĀNĀWAI 21:2

Hele maila nā kānaka i ka hale o ke Akua, noho ihola ma laila a ahiahi i mua i ke alo o ke Akua, hoʻokiʻekiʻe aʻela i ko lākou leo, a uē nui ihola.