KA BUKE ʻAHĀ A MOSE, I KAPA ʻIA NĀ HELU 11:17 - Ka Baibala Hemolele

¹⁷ “A e iho nō au i lalo, kamaʻilio pū me ʻoe i laila; a e lawe au i ko ka ʻUhane ma luna ou, a e kau aku ma luna o lākou; a e amo pū lākou me ʻoe i ke kaumaha o nā kānaka, i halihali ʻole ai ʻoe, ʻo ʻoe wale nō, ia mea.

KA BUKE ʻAHĀ A MOSE, I KAPA ʻIA NĀ HELU 11:17 Iomraidhean Croise

KA BUKE MUA A MOSE, I KAPA ʻIA KINOHI 11:5

Iho maila ʻo Iēhova i lalo e nānā i ke kūlanakauhale a me ka hale pākuʻi a nā keiki a kānaka i hana ai.

KA BUKE MUA A MOSE, I KAPA ʻIA KINOHI 17:22

¶ A oki ihola kāna kamaʻilio ʻana me ia, hoʻi akula ke Akua i luna mai o ʻAberahama aku.

KA BUKE MUA A MOSE, I KAPA ʻIA KINOHI 17:3

Moe ihola ʻo ʻAberama i lalo kona alo, a kamaʻilio maila ke Akua me ia, ʻī maila,

KA BUKE MUA A MOSE, I KAPA ʻIA KINOHI 18:33

A pau aʻela kā Iēhova kamaʻilio ʻana me ʻAberahama, hele akula ʻo Iēhova; a hoʻi hou maila ʻo ʻAberahama i kona wahi.

KA BUKE ʻALUA NO NĀ ALIʻI 2:15

¶ A ʻo nā haumāna a ka poʻe kāula ma Ieriko, i kū maila, ʻike akula lākou iā ia, ʻī aʻela, “Ua kau mai ka ʻuhane o ʻElia ma luna o ʻElisai.” A hele akula lākou e hālāwai me ia, a kūlou ihola lākou ma ka honua i mua ona.

KA BUKE ʻALUA NO NĀ ALIʻI 2:9

A hiki akula lāua ma kēlā ʻaoʻao, ʻī akula ʻo ʻElia iā ʻElisai, “E nonoi mai ʻoe i ka mea aʻu e hana aku ai nou, ma mua o kuʻu lawe ʻia ʻana mai ou aku lā.” ʻĪ maila ʻo ʻElisai, “Ke nonoi aku nei au iā ʻoe, i pāpālua o kou ʻuhane ma luna oʻu.”

KA BUKE A NEHEMIA 9:20

“Hāʻawi maila nō hoʻi ʻoe i kou ʻUhane maikaʻi e aʻo mai iā lākou, ʻAʻole hoʻi ʻoe i kāʻili i kāu mane mai ko lākou waha mai, A hāʻawi aku ʻoe iā lākou i ka wai no ko lākou make wai ʻana.

KA BUKE ʻALUA A MOSE, I KAPA ʻIA PUKA ʻANA 18:18

“E ʻoiaʻiʻo nō, e mae wale ʻoe, ʻo ʻoe, a me kēia poʻe kānaka me ʻoe; no ka mea, ua kaumaha kēia mea iā ʻoe; ʻaʻole hiki iā ʻoe ke hana, ʻo ʻoe wale nō.

KA BUKE ʻALUA A MOSE, I KAPA ʻIA PUKA ʻANA 18:22

“Na lākou nō e hoʻoponopono i kānaka i nā wā a pau; a ʻo nā mea nui a pau, na lākou e lawe mai iā ʻoe, a ʻo nā mea liʻiliʻi, na lākou ia e hoʻoponopono; pēlā ʻoe e māmā ai, a na lākou e amo pū me ʻoe.

KA BUKE ʻALUA A MOSE, I KAPA ʻIA PUKA ʻANA 19:11

“E hoʻomākaukau, no ke kolu o ka lā; no ka mea, i ke kolu o ka lā, e iho mai ai ʻo Iēhova, i mua o nā maka o kānaka a pau, ma ka mauna ʻo Sinai.

KA BUKE ʻALUA A MOSE, I KAPA ʻIA PUKA ʻANA 19:20

Iho maila ʻo Iēhova ma luna o ka mauna ʻo Sinai, ma ka piko o ka mauna, a hea maila ʻo Iēhova iā Mose e piʻi aku i ke poʻo o ka mauna; a piʻi akula ʻo Mose.

KA BUKE ʻALUA A MOSE, I KAPA ʻIA PUKA ʻANA 34:5

Iho maila ʻo Iēhova ma loko o ke ao, a kū pū me ia i laila, a haʻi maila i ka inoa ʻo Iēhova.

KA WĀNANA A ʻISAIA 44:3

‘No ka mea, e ninini aku au i ka wai ma luna o ka mea i make wai, A me nā waikahe ma luna o nā ʻāina maloʻo; E ninini aku au i koʻu ʻUhane ma luna o kāu pua, A me koʻu hoʻopōmaikaʻi ma luna o kāu poʻe mamo.

KA WĀNANA A ʻISAIA 63:11

A laila, hoʻomanaʻo ihola kona poʻe kānaka i nā lā kahiko iā Mose, ʻAuhea ka Mea nāna lākou i lawe, mai loko mai o ke kai, Me ke kahu ʻohana hipa? ʻAuhea hoʻi ka Mea nāna i waiho i kona ʻUhane Hemolele i waenakonu ona?

IOʻELA 2:28

¶ “A i ka wā ma hope, e ninini aku au i kuʻu ʻUhane ma luna o nā kānaka a pau; A e wānana nā keiki kāne a ʻoukou, a me nā kaikamāhine a ʻoukou, A e moe ko ʻoukou poʻe ʻelemākule i nā moeʻuhane, E ʻike ko ʻoukou poʻe kānaka ʻōpio i nā hihiʻo;

KA BUKE ʻAHĀ A MOSE, I KAPA ʻIA NĀ HELU 11:25

Iho maila ʻo Iēhova ma ke ao, a ʻōlelo maila iā ia, a lawe aʻela ia i ko ka ʻUhane ma luna o Mose, a hāʻawi akula i ka poʻe lunakahiko he kanahiku; a i ka manawa i kau iho ai ka ʻUhane ma luna o lākou, a laila wānana maila lākou, ʻaʻole i hoʻōki.

KA BUKE ʻAHĀ A MOSE, I KAPA ʻIA NĀ HELU 12:5

Iho ihola ʻo Iēhova ma loko o ke kia ao, kū maila ia ma ka puka o ka halelewa, kāhea maila iā ʻAʻarona lāua ʻo Miriama; a hele akula lāua.

KA BUKE ʻAHĀ A MOSE, I KAPA ʻIA NĀ HELU 12:8

“E ʻōlelo aku ana au me ia he waha nō he waha, Ma ka mea akāka, ʻaʻole ma ka ʻōlelo nane; A e ʻike mai nō ia i ke aka o Iēhova. No ke aha lā hoʻi i makaʻu ʻole ai ʻolua I ka ʻōhumu aku i kuʻu kauā iā Mose?”

KA BUKE ʻAHĀ A MOSE, I KAPA ʻIA NĀ HELU 27:18

ʻĪ maila ʻo Iēhova iā Mose, “E lawe ʻoe iā Iosua ke keiki a Nuna, he kanaka i loko ona ka ʻUhane, a e kau ʻoe i kou lima ma luna ona;

KA BUKE ʻAHĀ A MOSE, I KAPA ʻIA NĀ HELU 7:89

¶ A i ko Mose komo ʻana i loko o ka halelewa o ke anaina e ʻōlelo aku iā ia, a laila lohe aʻela ia i ka leo e ʻōlelo mai ana iā ia mai luna mai o ka noho aloha, ʻo ka mea ma luna o ka pahu Kānāwai, ma waena o nā keruba ʻelua; a ʻī maila ʻo ia iā ia.

KA ʻEUANELIO I KĀKAU ʻIA AI E IOANE 3:13

“ʻAʻohe kanaka i piʻi i luna i ka lani, ʻo ka mea wale nō i iho mai, mai ka lani mai, ʻo ke Keiki a ke Kanaka, ʻo ka mea i loko o ka lani.

KA ʻEUANELIO I KĀKAU ʻIA AI E IOANE 7:39

(ʻO kēia kāna i ʻōlelo ai no ka ʻUhane, ka mea e loaʻa auaneʻi i ka poʻe e manaʻoʻiʻo iā ia; ʻaʻole i hiki mai ka ʻUhane Hemolele ia manawa; no ka mea, ʻaʻole i hoʻonani ʻia ʻo Iesū ia wā.)

ʻO KA ʻEPISETOLE A PAULO KA LUNAʻŌLELO I KO ROMA 8:9

ʻAʻole hoʻi ʻoukou ma ke kino, ma ka ʻUhane nō, ke noho ka ʻUhane o ke Akua i loko o ʻoukou. Akā, i loaʻa ʻole i kekahi ka ʻUhane o Kristo, ʻaʻole nona ia.

ʻO KA ʻEPISETOLE MUA A PAULO KA LUNAʻŌLELO I KO KORINETO 2:12

Ua loaʻa hoʻi iā mākou ka ʻUhane, na ke Akua mai, ʻaʻole ka manaʻo o ko ke ao nei; i mea e ʻike ai mākou i nā mea i hāʻawi wale ʻia mai na mākou e ke Akua.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:8

ʻO ka mea hoʻi i hoʻowahāwahā mai, ʻaʻole ia i hoʻowahāwahā i ke kanaka, i ke Akua nō nāna i hāʻawi mai i kona ʻUhane Hemolele iā mākou.

ʻO KA ʻEPISETOLE HOʻOLAHA MUA A PETERO 1:22

¶ I ka mālama ʻana i ka ʻoiaʻiʻo, ua hoʻomaʻemaʻe ʻoukou i ko ʻoukou naʻau, na ka ʻUhane mai, i ke aloha hoʻokamani ʻole i nā hoahānau; no laila, ʻeā, e aloha ikaika loa aku ʻoukou i kekahi i kekahi me ka naʻau maʻemaʻe.

ʻO KA ʻEPISETOLE HOʻOLAHA A IUDA 1:19

Eia ka poʻe i hoʻokaʻawale aʻe iā lākou iho, ma ke kino lākou, ʻaʻole ma ka ʻUhane.

KA BUKE MUA A SAMUʻELA 10:6

“A e hiki mai ka ʻUhane o Iēhova ma luna ou, a e wānana pū ʻoe me lākou, a e lilo ʻoe i kanaka ʻokoʻa.