KA BUKE ʻAHĀ A MOSE, I KAPA ʻIA NĀ HELU 11:16 - Ka Baibala Hemolele

¹⁶ ¶ ʻŌlelo maila ʻo Iēhova iā Mose, “E hōʻuluʻulu mai ʻoe i oʻu nei i nā kānaka he kanahiku o ka poʻe kahiko o kā ʻIseraʻela, i nā mea āu e ʻike ai he poʻe kahiko o nā kānaka, a he poʻe luna hoʻi no lākou; a e kaʻi mai ʻoe iā lākou ma ka halelewa o ke anaina i kū ai lākou me ʻoe i laila.

KA BUKE ʻAHĀ A MOSE, I KAPA ʻIA NĀ HELU 11:16 Iomraidhean Croise

KA BUKE MUA A MOSE, I KAPA ʻIA KINOHI 46:27

A ʻo nā keiki a Iosepa, i hānau ʻia nāna ma ʻAigupita, ʻelua lāua. ʻO nā kānaka a pau ma ka hale o Iakoba i hele mai i ʻAigupita, kanahiku lākou.

KA BUKE ʻALUA A MOSE, I KAPA ʻIA PUKA ʻANA 18:25

Wae akula ʻo Mose i kānaka maiau o kā ʻIseraʻela a pau, a hoʻolilo ihola iā lākou i mau poʻo ma luna o kānaka, nā luna no nā tausani, nā luna no nā haneri, nā luna no nā kanalima, a me nā luna no nā ʻumi.

KA BUKE ʻALUA A MOSE, I KAPA ʻIA PUKA ʻANA 24:1

¶ ʻĪ maila ʻo ia iā Mose, “E piʻi mai ʻoe i o Iēhova nei, ʻo ʻoe, a me ʻAʻarona, a me Nadaba, a me ʻAbihu, a me nā lunakahiko o kā ʻIseraʻela he kanahiku; a e hoʻomana ʻoukou ma kahi mamao aku.

KA BUKE ʻALUA A MOSE, I KAPA ʻIA PUKA ʻANA 24:9

¶ A laila, piʻi akula ʻo Mose, a me ʻAʻarona, a me Nadaba, a me ʻAbihu, a me nā lunakahiko o kā ʻIseraʻela.

KA BUKE ʻALUA A MOSE, I KAPA ʻIA PUKA ʻANA 4:29

Hele akula ʻo Mose lāua ʻo ʻAʻarona, hoʻākoakoa ihola lāua i nā lunakahiko a pau o nā mamo a ʻIseraʻela.

KA WĀNANA A IEREMIA 19:1

¶ Ke ʻōlelo mai nei ʻo Iēhova penei, “Ō hele e kiʻi aku i hue lepo o ka potera, a i poʻe kahiko o nā kānaka, a i poʻe kahiko o nā kāhuna;

KA WĀNANA A ʻEZEKIʻELA 8:11

Kū maila i mua o lākou nā kānaka he kanahiku o nā lunakahiko o ka ʻohana a ʻIseraʻela, a i waenakonu o lākou e kū ana ʻo Iaʻazania, ke keiki a Sapana, e paʻa ana kēlā kanaka kēia kanaka i kona kapuahi kuni mea ʻala i kona lima. Pūnohu nui aʻela ka uahi mea ʻala paʻapū.

KA BUKE ʻAHĀ A MOSE, I KAPA ʻIA NĀ HELU 11:24

¶ Hele akula ʻo Mose, a haʻi akula i nā kānaka i nā ʻōlelo a Iēhova, a hōʻuluʻulu aʻela ia i nā kānaka, he kanahiku o ka poʻe lunakahiko no nā kānaka, a hoʻokū aʻela iā lākou a puni ka halelewa.

KA BUKE ʻAHĀ A MOSE, I KAPA ʻIA NĀ HELU 16:25

¶ Kū aʻela ʻo Mose, a hele akula i o Datana a me ʻAbirama lā, a hahai akula nā lunakahiko o kā ʻIseraʻela iā ia.

KA ʻEUANELIO I KĀKAU ʻIA AI E LUKA 10:1

¶ A ma hope iho o kēia mau mea, hoʻomaopopo maila ka Haku i kekahi poʻe ʻē he kanahiku, a hoʻouna pāpālua akula ʻo ia iā lākou ma mua ona, i nā wahi a pau āna i manaʻo ai e hele aku ana.

KA ʻEUANELIO I KĀKAU ʻIA AI E LUKA 10:17

¶ A hoʻi maila ua poʻe kanahiku lā, me ka ʻoliʻoli, ʻī akula, “E ka Haku, ua hoʻolohe mai nā daimonio iā mākou ma kou inoa.”

KA BUKE ʻALIMA A MOSE, I KAPA ʻIA KĀNĀWAI LUA 1:15

“A lawe akula au i nā luna o ko ʻoukou mau ʻohana, i nā kānaka naʻauao, a ʻike ʻia, a hoʻolilo ihola iā lākou i poʻo ma luna o ʻoukou, i luna no nā tausani, i luna no nā haneri, i luna no nā kanalima, a i luna no nā ʻumi, i aliʻi no ko ʻoukou mau ʻohana.

KA BUKE ʻALIMA A MOSE, I KAPA ʻIA KĀNĀWAI LUA 16:18

¶ “A e hoʻonoho ʻoe i nā luna kānāwai a me nā ilāmuku ma kou mau ʻīpuka a pau a Iēhova kou Akua i hāʻawi mai ai nou ma kou mau ʻohana, a e hoʻoponopono lākou i nā kānaka me ka hoʻopono pololei.

KA BUKE ʻALIMA A MOSE, I KAPA ʻIA KĀNĀWAI LUA 31:28

“E hoʻākoakoa mai ʻoukou i oʻu nei i nā lunakahiko o ko ʻoukou mau hanauna, a me nā luna o ʻoukou, i ʻōlelo aku ai au i loko o ko lākou pepeiao i kēia mau ʻōlelo; a kāhea aku au i ka lani a me ka honua e hōʻike mai iā lākou.